Ilulissani Atuarfik Jørgen Brønlund allaffimmi Fuldmægtigimik 1. august 2026 imaluunniit piaartumik isumaqatigiinnikkulluunniit sulilertussamik pissarsiorpugut.
Suliat aamma akisussaaffiit:
- Angajoqqaaniit, atuartuniit, sulisuniit avataaniillu saaffiginnissutit isumagalugit (oqarasuaatikkut, mailikkut takkuttullu)
- Atuartut allattorsimaffiat, karakterit, oqaaseqaatit, allagartat, TEAlu akisussaaffigalugit
- Arkivimut toqqorterineq
- Allakkanik ataqatigiissaarineq isumaginninnerlu
- Klassit allattorsimarfiannik aamma assiliinissamut akuersissutinik nutarterisarneq.
- Peqanngissimanermut nalunaarsuutit
- Akissarsialerinerit
- Atuarfiup inaataanik attartorneqartarnerisa nalunaarsorneri.
- Matuersaatinik isumaginninneq
- Nutserinerit
- Atuarfiup pisortaanik, pisortap tullianik assigiinngitsutigut ikiuunneq: misilitsissutit, ullut perorsaanermik suliaqarfiit il.il.
- Saaffiginnissutit assigiinngitsut ingerlateqqittarlugit,
- Bogføriineq, naattorsuutinik nakkutiginninneq, akiligassanik inissititerineq
- Kigutileriffimmut napparsimavimmullu attaveqaat
- Suliassat allat assigiinngitsut
Piginnaasat:
- Niuernerup allaffissornerullu iluani ilinniagaqarsimaneq.
- Computerilerinermik ilisimasalik
- Marluinnik oqaaseqartuuneq, piumasaqaataanngilarli
- Aalaakkaasoq aamma suliffeqarfimmi ulapaarfiusumi ilorrisimaarinnilluni sulisinnaasoq.
Akissarsiat aamma atorfeqarnermi atugassarititaasut:
Naalakkersuisut SIK-llu akornanni isumaqatigiissut atuuttoq najoqqutarineqassooq.
Atorfik inissaqartitsinngilaq.
Atorfik pillugu paasissutissat amerlanerit atuarfimmi pisortamut Maja R Iversen saaffiginnilluni pissarsiarineqarsinnaapput, apeqqutissaqaruit oqarasuaammut uunga: 385523 imaluunniit mailimut uunga; mriv@avannaata.gl
Pinerlitsaaliisimannginnermik uppernarsaat aamma meeqqanik pinerliisimannginnermik uppernarsaatit naammaginartuunissaat atorfininnissamut piumasaqaataapput, soorlu nipangiussissimasussaatitaasussaanerit aamma piumasaqaataasoq.
Qinnuteqaat:
Qinnuteqarneq Avannaata Kommuniata nittartagaatigut ingerlassooq www.avannaata.gl/atorfiit aqqutigalugu.
Qinnuteqarnissamut killissarititaasoq: juulip 21.-at, 2026