Avannaata Kommuniani meeqqanut/inuusuttuaqqanut taakkulu ilaqutaannut Ilaqutariinni aqqutissioqatigiinnerit piviusunngortillugillu nukittorsaaqataaffigerusuppigit? Meeqqanut/inuusuttuaqqanut, ilaqutaasunut attaveqaataasunullu attaveqallaqqissuuguit, taava imaassinnaavoq illit Ataqatigiissaarisussatut ujaritsigit.
Ataqatigiissaarisutut suleqatigiit marluussaasi Kommunip Ilaqutariinnut immikkoortortaani, tassanilu aamma kommunimi meeqqanut inuusuttunullu siunnersorti suleqatigissallusiuk. Ilaqutariit aqqutissioqatigiinnissaasa piareersarnerini meeqqap/inuusuttuaqqap, angajoqqaat attaveqaataasullu akornanni ikaarfissaliornissami pingaarutilimmik inissisimasassaatit. Tamatuma saniatigut Kommunimi Ilaqutariinnut Ingerlatsivimmi suliniuteqartut, Ilaqutariinnik sullissivik, atuarfiit meeqqeriviillu suleqatigalugit Ilaqutariinni aqqutissioqatigiinnerit tunngavigalugit suleriutsip piviusunngortinnerani suleqataassaatit. Taamaammat Ataqatigiissaarisutut suliat akimorlugit isumaginninnermi siunnersortit, ilaqutariinnik sullissisut, ilinniartitsisut perorsaasullu akornanni suleqatigiinnerup nukittorsarnissaanik piginnaaneqarluassaatit. Ilaqutariinni aqqutissioqatigiilluni naapittarnerit suliffiup nalinginnaasup avataatigut pikkajummata piffissaq suliffigisaq nikerarsinnaavoq.
Ilaqutariinni aqqutissioqatigiissitsisarnerit toqqammavilerluarumallugit Ataqatigiissaarisutut ilinniartitsinerni, siammarterinerni sammisaqartitsinerni il.il. Ilulissani kommunimilu illoqarfinni allani peqataasassaatit, atorfimmullu atatillugu taamaalillutit angalasarnissat naatsorsuutigissavat
Atorfininneq 01.05.25, isumaqatigiissuteqarnerluunniit naapertorlugu.
Atorfik pillugu:
Ataqatigiissaarisutut suliassat ilaatigut makkuupput:
·Kommunip aallarniisuinik ingerlaavartumik siunersioqateqartarnissaq.
·Meeraq, angajoqqaat suliniuteqartorlu peqatigalugit meeqqap apeqqutissaanik ilusiliinissaq.
·Meeqqanik/inuusuttuaqqanik, angajoqqaanik attaveqaataasunillu kaammattuilluni oqaloqatigiinnerit ingerlattassallugit.
·Ilaqutariinnik aqqutissioqatigiissitsinissat piareersarnerini ingerlannerinilu meeqqap qitiutinnissaa qulakkiissallugu.
·Ilaquttanut attaveqaatinullu qaqqusissutinik nassiussinermi meeraq/inuusuttuaraq ikiussallugu.
·Meeraq/inuusuttuaraq, angajoqqaat suliniuteqartorlu peqatigalugit suliamik ilisimasalinnik aggersaassalluni.
·Ilaqutariinni aqqutissioqatigiinnerit ersarissumik sinaakkusissallugit, taamaalilluni meeqqamut peqataasunullu allanut toqqissisimanartuussammata.
·Ilaqutariinnik aqqutissioqatigiissitsisarnerni isumagisassat tungaasigut ataqatigiissaarisarnissaq, soorlu nerisassat, nerriviliornerit, ataatsimiiffiullu alianaatsuullunilu toqqissisimanartuunissaanik isumaginnilluni.
·Killiffissiuinerni peqataaneq.
Piginnaasat:
·Isumaginninnermi siunnersortitut, isumaginninnermi perorsaasutut, ilinniartitsisutut, perorsaasutut assigisaannilluunniit ilinniagaqarsimaneq imaluunniit ilaqutariinnik tamakkiisumik katsorsaanerup tungaatigut ilinniagaqaqqissimanissaq, taamaaqataanilluunniit katsorsaasutut ilinniagaqaqqissimanissaq.
·Ilaqutariinnik katsorsaanermik ilaqutariinnillu siunersiuisarnermik misilittagaqarnissaq
·Isumaginninnerup tungaatigut atuartitsinermik, ilitsersuinermik atuutsitsilersarnermillu misilittagaqarnissaq
·Suliassaqarfiit akimorlugit suleqatigiinnermik misilittagaqarnissaq
·Meeqqap tungaaniit isigalugu meerarlu qitiutillugu sulisinnaanermik misilittagaqarnissaq
Atorfimmut atatillugu inigisassamik innersuussisoqarsinnaanngilaq.
Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput
Paasissutissat annertunerusut uannga pissarsiarineqarsinnaapput: Ilaqutareeqarnermut ingerlatsivimmi fagchef-iugallartoq Johansine Rosbach tlf.: 38 55 86, immaqaluunniit e-mail: jor@avannaata.gl
Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il ilanngullugit 22.04.25 kingusinnerpaamik nassiunneqareersimassapput, Avannaata Kommuniata nittartagaani allagarsiussassap saniatiinnoq 'Atorfik una qinnuteqarfigiuk' toorneratigut.
Qinnuteqarnissamut killissarititaasoq: apriilip 22.-at, 2025