Avannaata Kommuniani, Uummannami Meeqqerivik Dr. Ingrid & Nuunu socialassitentimik pissarsiorpoq piaartumik imaluunniit isumaqatigiissuteqarnikkut atorfinittussamik
Socialassistentip qaninnertut qullersarissavaa Meeqqerivik Dr. Ingrid & Nuunu-mi aqutsisoq.
Suliassat akisussaaffiillu:
·Paaqqinnittarfiup anguniagai suleriaatsitullu pilersaarutai malillugit sulineq.
·Meeqqat akisussaassuseqartumik isumannaatsumillu paarineqarnissaat.
·Init suleqatigiaallu immikkoortut akornanni suleqatigiinneq.
·Angajoqqaanik suleqateqarneq.
·Ulluinnarni pisartut tulleriisitaarneri sulisut akornanni paarlagiiaallugit suliassat.
Piginnaasat:
·Socialassistentitut ilinniarsimasuunissaq.
·Akisussaassuseqarneq.
·Arajutsisiittuunissaq.
·Akulerussinnaanermut nalimmassarsinnaanermullu piginnaasaqartoq.
·Suleqatikkuminartuunissaq.
·Qanilaartuuneq aalajaatsuunerlu.
·Timikkut tarnikkullu peqqissuuneq aammalu ammasuuneq kiisalu nuannaartuuneq.
Akissaatit atorfeqartitaanermullu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.
Attaveqarfissaq :
Atorfimmut paasissutissat sukumiinerusut pineqarsinnaapput Meeqqerivik Dr.Ingrid & Nuunu-mi aqutsisoq Dorthe M. Grønvold saaffigineratigut oqarasuaat 387861 imaluunniit e-mail: domg@avannaata.gl imaluunniit Tullersorti Nukaaraq Hansen e-mail:nuha@avannaata.gl
Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 24.06.2026 nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.
Qinnuteqarnissamut killissarititaasoq: juunip 24.-at, 2026