Ilulissani ilaqutereeqarnermut immikkoortortaqarfik Inunnik Isumaginninnermut siunnersortiminik pissarsiorpoq. Kissaatigineqarpoq 1. august 2026 aallarnerfigalugu imaluunniit isumaqatigiissutigineqarnikkut aallartittussamik inuttassarsiunneqarpoq.
Atorfik Avannaata Kommuniani Ilulissani Ilaqutareeqarnermi immikkoortortaqarfimmi meeqqanut inuusuttunullu Isumaginninnermi siunnersortimik inuttassarsarsiuussineq saqqummiunneqarpoq.
Sulinermi pingaarnertut suliassat makkuussapput:
·Meeqqaq tapersersorneqarnissaannut inatsit atuuttoq toqqammavingalugu meeqqanik tunngasunik suliaqarneq.
·Suliamut tunngatillugu allaaserinnittussaanermik naammassinninneq.
·Suliamut tunngatillugu paasissutissanik aallerneq.
·Meeqqanut tunngatillugu nalunaarutinik suliaqarneq.
·Meeqqanut, ilaqutariinnullu ikiorsiissutit tunniussinermi suliaqarneq.
·Isumaginninnikkut misissuinermi suliaqarneq.
·Meeqqanik oqaloqateqarneq, kiisalu angajoqqaatut oqartussaassuseqartunik oqaloqatiginninneq suleqateqarnerlu.
·Iliuusissatut pilersaarusiorneq.
·Meeqqanik tunngatillugu pinasuartumik suliaqarneq.
·Sulianut tunngatillugu ataqatigiissaarineq, soorlu innersuussinerit, meeqqanut angerlarsimaffiup avataanut inissinneqarsimasunut atatillugu, meeqqat angajoqqaallu peqatigiittarnissaannut suliaqarneq, ilaqutariinnik isumasioqatigiisitsinermik suliamik aallartitsineq, meeqqat angerlarsimaffiup avataanut inissiinerit, inissiinerup allanngorneranut, kiisalu meeqqat angerlarsimaffiup avataanut inissinneqarsimasunik angerlartitsernut tunngatillugu suliaqarneq.
·Qinnuteqaatinik assingiinngittunik suliaqarneq.
·Sulianik nalilersuineq.
·Meeqqanik inuusuttunillu inissinneqarsimasunik ukiormoortumik nakkutilliiartortarneq.
·Kommunep iluani piginnaatitaaffiit toqqammavingalugit suliaqarneq.
·Sulianut tunngatillugu suliffeqarfiit akimorlugit suleqateqarneq, aammalu ulluinnarni suliassat assigiiaamik suliarineqarnissaaat qulakkeerniarlugu isumasioqatigiilluni ataatsimiinnermut peqataaneq.
·Sulianut tunngatillugu suleqatinik suleqarteqarneq, eqqartueqatigiinneq, aqqutissioqatigiinnernut tunngatillugu ataatsimiinnerit.
·Sulianut tunngatillugu ataatsimiititaliartussanik suliaqarneq.
·Suliffiup avataatingut nalunaarutiginninnermut pingaartutut suliaqarneq.
·Immikkoortortaqarfimmut tunngatillugu immikkoortortaqarfiup ingerlanerani akissussaaqataanik, suliassanullu allanut isumaqatigiinnikkut suliaqarsinnaaneq suleqatit aqutsisorlu peqatingalugit, suleqatinullu ataqqinnittumik siunnerfeqartumillu suleqateqarneq.
Atorfinitsikkusutaq:
·Inunnik isumaginninnermut siunnersortitut ilinniangalik, imaluunniit inunnik isumaginninnermut assingusumik ilinniangalik.
·Suliamut tunngassutilinnut pikkorissarnissamut piumassuseqarneq soqutiginninnerlu
·Meeqqanut tunngatillugu sullissinermik misilittagalik ilanngullugit meeqqanut inuusuttunullu ikiorsiinermut inatsit malillugu ikiorsiisarnermik suliaqartarsimanerit takussutissallit.
·Suleqatinik aqutsisunillu suleqatiginnilluarsinnaaneq.
·Isumaginnittoqarfimmi sullissisutut sullissinermi aaqqissuussaanikkut aqutsinikkullu aalajangersakkanik malinnissinnanneq suleqatinillu suleqateqarluarsinnaaneq.
·Maligassiuisoq, sullitanut attaveqatiginninnermut pikkorissoq.
·Tarnikkut nukittooq, akerleriinnernik aqutsisinnaaneq.
·Tulleriiarluakkamik sulisinnaaneq, tatiginartoq akisussaassuseqartorlu.
·Aalajaatsoq peqqissaartorlu.
·Kalaallisut qallunaatullu oqalussinnaasoq allassinnaasorlu.
·Tusarnaarsinnaaneq, ammasuuneq, suleqatissarsiorsinnaaneq.
Akissarsiat aamma atorfininnermi atugassarititaasut:
Akissarsiat aamma atorfininnermi atugassaarititaasut, kommunip aamma isumaqatigiissutinut isumaqatigiissuteqarsinnaatitaasut kattuffiit akornanni isumaqatigiissutit naapertorlugit pissapput.
Atorfimmut atatillugu inissaqartitsisoqassaaq.
Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.
Atorfik pillugu annertunerusumik paasissutissat pissarsiarineqarsinnaapput, meeqqanut inuusuttunullu suliamut tunngassuteqartumut fagchef Johansine Rosbach-mut oqarasuaat 38 55 86 imaluunniit e-mail: jor@avannaata.gl
Qinnuteqaatit Avannaata kommunianita nittartakkangaatigut nassiunneqassaaq.
Qinnuteqarnissamut killissarititaasoq: juulip 26.-at, 2026