Siunissami meeqqat inuusuttullu ilinniagaqalernissaannut tunngaviliinissamut qulakkeerinneqataanissamut peqataarusuppit? Ullut ingerlaartut suliatigut assigiinngitsunik unammillernartunik sammisaqarfiusut iluarisarpigit?
Avanersuup Atuarfiani pisortap tulliatut atorfik inuttassarsiorneqarpoq 1. august 2026 aallarnerfigalugu imaluunniit isumaqatigiissuteqarnikkut.
Avanersuup Atuarfia atuarfiuvoq pigiliussinissamik atugarissaarnissamillu pingaartitsisoq, ineriartortitsineq pingaarnertut suliassaavoq, taassumalu iluaniippoq peqataatitsineq, tassa atuarfik atuartunut pitsaanerpaaq pilersinneqassammat. Avanersuup Atuarfiata aamma angajoqqaanik suleqateqarluarnissaq pingaartitarivaa anguniakkat pingaarnerit anguniarneqarnerini. Atuarfimmi 100–it missiliorlugit atuartoqarpoq 15-t miss. amerlatigisunik sulisoqarpoq. Aamma nunaqarfinni Siorapaluk, Qeqertat, Savissivimmilu atuarfiik suleqatigineqartarlutik.
Atuarfiup pisortaata tullersortaatut suliassat ukuussapput:
·Atortussanik qinuneq, atuartitsissutissallu atortussaanik nakkutiginninneq aserfallatsaaliorneqarnissaanullu akisussaasuuneq.
·Inini nakkutiginnittuuneq illullu iluani nakkutiginninneq, pisattat ilanngullugit.
·Misilitsissutissanik piareersartuuneq soraarummeerutit misilitsittuusaarutillu ilanngullugit.
·Ikuallattoqarnissaanut nakkutilliisoq. Teknikkimut tunngasunik nakkutilliineq.
·Vikarinut nakkutilliisoq
·Atuartut pappiliaataat
·Atuartut angerlarsimaffiat
·Nunaqarfinnut attaveqarneq nakkutilliinerlu
Qinnuteqartutut naatsorsuutigineqarpoq:
-Ilinniartitsisutut ilinniagaqartuunissat
-Atuarfimmik aqutsinermik misilittagaqartuussaatit
-Ineriartortitsinissamik angusarissaarnissamillu pingartitsisuunissat, eqeersimaartoq uummaarissorlu
-TRIO TEA, TABULEX skemaliorneq skoleintralu ilisimasaqarfigilluarnissai.
Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAKillu il.il. akornanni isumaqatigiissut atuuttoq atorneqassooq.
Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.
Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.
Atorfinitsitsineq aammattaaq ukiuni killilinni atorfinitsitsinerusinnaavoq atorfinitsitsineq isumaqatigiissut namminersornerullutik oqartussat IMAK-illu isumaqatigiissutaat malillugu, atorfimmiik soraarninngornermi pissarsiassaq 18.000 kr. ukiumoortumillu pineqartartussaq 1 april 1991, 19.818,29 kr. 1 april 2012-minngaanneersut malillugit, ukiumullu ferie frirejse atorfilimmut ilaqutaalu ilanngullugit.
Atorfimmut atasumik inissaqartitsisoqarpoq, malittarisassat malillugit akiligassat atorfilimmik akilerneqartassapput.
Atorfik una meeqqanik pinerluuteqarsimannginnermik pinerlussimannginnermillu uppernarsaammik aallernissamik inatsisitigut piumasaqaatigineqarmat.
Atorfimmut qinnuteqarnermi paasissutissat ilinniagaqarsimanermut sulisimanermullu uppernarsaatit, misilitsinnermilu pappiliaatit il.il. Avanersuup Atuarfianut tunniunneqareersimassapput qinnuteqarfissaq kingulleq nallertinnagu.
Atorfik pillugu paasissutissanik pissarsisoqarsinnaavoq uunga saaffiginnilluni:
Atuarfimmi pisortaaneq Dan Normann: Oqarasuaat 97 28 17 imlt. Mailimut:
dano@avannaata.gl
Ansøgning med oplysninger om uddannelse og tidligere beskæftigelse CV, vedlagt kopi af eksamenspapirer m.v. gennem Avannaata Kommunias hjemmeside: Avannaata.gl/ledige-stilllinge
Qinnuteqarnissamut killissarititaasoq: marsip 2.-at, 2026