Avannaata Kommuniata Upernavimmi innarluutilinnut sullissisutut paarlatsissamik pissarsiorpoq. Atorfik piffissami 1. Oktober 2026- miit 15. August 2027 tungaanut atorfinittussamik pissarsiorpoq.
Innarluutilinnut sullissisup inunnik isumaginninnermi immikkoortortaqarfimmi aqutsisoq qaninnertut qullersarissavaa.
Atorfimmi suliassarisassat makkuussapput:
·Innarluutilinnut ilaqutaannullu tunngasunik saaffiginnittut isumagalugit, siunnersuinermillu ingerlatsinerit.
·Innarluutilinnut tunngasuni sullissinerit tamaasa isumagalugit.
·Innarluutillit pillugit peqqussut naapertorlugu qinnuteqaatinik suliaqarneq.
·Qulajaaneq innuttaasumut, nalilersuineq pisariaqartinneqartunut, sulianik, ikiorsiissutinik tunniussinermi akuersissuteqarnermi allakkiorneq, kiisalu peqqussut najoqqutaralugu ikiorsiissutinik allanik suliaqarneq.
·Innarluutillit najugaqarfinni atugassarititaannik malittarinninneq nakkutiginninnerlu, pisariaqartitsisoqartillugu nalunaaruteqartarneq.
·Sulianut tunngasunik suliassanik allanik suliaqarneq.
Piginnaasat kissaatigineqartut:
·Isumaginninnermi siunnersorti, rådgivningsassistenti, allaffimmioq sammisamut pikkorissarsimasoq, perorsaasoq isumaginninnermik aammalu allaffissornermik pikkorissarsimasoq, imaluunniit isumaginninnermi ikiorti isumaginninnerup iluani pikkorissarsimasoq.
·Isumaginninnerup iluani sullissinermik misilittagalik perusunneqarpoq.
·Qarasaasiamik atuilluarsinnaasoq.
·Kalaallisut qallunaatullu oqalussinnaaneq/allassinnaaneq iluaqutaassaaq. Aammalu Suliniutinik arlariinnik ataatsikkut isumaginnissinnaassuseqarneq.
·Sullisserusussuseqarneq, aalajaanneq, peqqissaartuuneq suleqateqarluarsinnaanerlu.
·Paasisaqarusussuseqartutit, alapernaattoq allallu isiginnittaasiinut akuerinnittuusutit.
Akissaatit atorfeqartitaanermilu atugassarititaasut:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugit pissapput.
Inissaq:
Atorfimmut atatillugu inissaqartitsisoqanngilaq.
Pinerluuteqarsimannginnermut uppernarsaatit:
Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.
Atorfik pillugu paasissutissat allat Upernavimmi pisartagaqarnermut immikkoortortaqarfimmi aqutsisumut Esther Lennert -mut, oqarasuaat 70 18 00 imaluunniit e-mailikkut esle@avannaata.gl
Qinnuteqaat ilinniarsimanermut uppernarsaatit, CV suliffingisimasanillu oqaaseqaatit ilanngullugit nittartagaq atorlugu immersuinikkut nassiunneqassapput.
Qinnuteqarnissamut killissarititaasoq
Qinnuteqarnissamut killissarititaasoq: septembarip 25.-at, 2026