Avannaata Kommuniani Ilulissani, kulturikkut illorsuarmi Sermermiuni pisunik aaqqissuussinermi ataqatigiissaarisumik pissarsiorpoq 01. December 2025 imaluunniit isumaqatigiissuteqarnikkut sulilertussamik
Kulturikkut illorsuarmi Sermermiuni pisunik aaqqissuusinermi ataqatigiissaarisup qaninnertut aqutsisorissavaa Peqqinneq Sunngiffillu-mi aqutsisoq
Atorfeqarnermi suliassat ilaat makkua taagorneqarsinnaapput: Pisortatigoortumik tikeraartoqarnerani, meeqqat ulluanni, Inuiattut ullorsiortitsinermi, 1.advent aamma 24.december orpiliartitsineq, kulturikkut pisunik aamma kultur aallaavigalugu aaqqissuussanik allanik ataqatigiissaarineq, pilersaarusiorneq aaqqissuusseqataanerlu.
Kulturikkut illorsuarmi Sermermiuni pisunik aaqqissuussinermi ataqatigiissaarisup naatsorsuutigissavaa nikarartumik sulisarnissani
Suliassat akisussaaffiillu ilaatigut makkuussapput:
- Ukiumut iliuusissatut pilersaarusiorneq, nalunaarusiornerlu
- Allaffissorneq, akiligassanik suliaqarneq, missingersuutinik attassineq, fonde-nut qinnuteqaasiornerlu
- Illoqarfimmi kulturikkut peqatigiiffinnut siunnersuineq attaveqaataaneq, nipilersornermik kulturimillu aallaaveqarlutik sulialinnut
- Sunngiffimmi sammisat amerlisarniarlugit suliniutinik nutaanik ujartuineq kiisalu taakkunannga piviusunngortitsinerit
- Eqqummiitsuliortunut, isiginnaartitsisartunut nipilersortartunullu attaveqaataatut inissisimaneq
- Ilulissat timersortarfiata aamma kulturikkut illorsuup Sermermiup nittarsaanneqarnerani peqataaneq
- Kulturikkut illorsuarmi Sermermiuni aamma Ilulissat timersortarfianni sulisut qanimut suleqatiginissai qaammammullu ataatsimiinnerini peqataaneq.
Ukuninnga pisinnaasaqarnissat kissaatigineqarpoq:
Atorfimmut assingusumik misilittagaqarneq kiisalu suliassanik arlaqartunik suliaqarsinnaaneq, pilersaarusiorneq aqutsisinnaaneq, pisunillu ataqatigiissaaraluni aaqqissuusisinnaaneq aamma kikkunnik tamanik attaveqaqateqarsinnaaneq piginnaasaqarfigineqartussatut kissaatigineqarpoq. Inuk ammasoq, eqaatsumik suleriaasilik, tunniussimasoq, kulturimik suliaqarnerup attaveqallaqqissuunini atorlugu inerisarneqarnissaanik suliaqarusullunilu piginnaasaqarluartoq atorfissaqartinneqarpoq.
Suliffeqarfimmi immikkoortortat tamaasa aamma suliffeqarfiup avataaniittunik suleqatigisartakkanik suleqatigisinnaanerinik piginnaasaqarneq pingaaruteqarpoq, uisakajaarfiusuni suliassanik tamanik ukkassisinnaaneq, marluinnik oqaasilinnik suleqateqarsinnaaneq. Nunat allamiut oqaasiinik ikinnerpaamik ataatsinik, ajornanngippat tuluttut oqaatsinik, oqalussinnaasariaqassaatit, tamannali piumasaqaataanngilaq.
Akissarsiat aamma atorfeqarnermi atugassarititaasut
Naammaginartumik pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik pisortaqarfinnut piniarsinnaanermut akuersilluni atsiugassaq Avannaata Kommunianit piniarneqartoq tunngavigalugu atorfinititsisoqassaaq. Kalaallit Nunaanni Namminersorlutik Oqartussat qinnuteqartullu kattuffiata isumaqatiginninniussisimasup isumaqatigiissutaat naapertorlugu akissaateqartitsisoqassaaq.
Atorfik inissaqartitsisoqanngilaq.
Atorfik pillugu paasissutissat amerlanerit Ilulissani Peqqinneq Sunngiffillu-mi aqutsisoq Linda Jerimiassen, oqarasuaat 38 55 76 imaluunniit mailimut: lije@avannaata.gl –mut saaffiginnilluni pissarisiarineqarsinnaapput. Kommunip nittartagaa www.avannaata.gl aamma takuuk.
Qinnuteqaat:
Qinnuteqaat ilinniagaqarsimanermut uppernarsaatinik kiisalu siornatigut suliffigisimasanut paasissutissanik imaqartoq, soraarummeernermi uppernarsaatit kakkiullugit ilanngunneqartut assigisaallu "Atorfik una qinnuteqarfigiuk" toorlugu nassiunneqassapput.
Qinnuteqarnissamut killissarititaasoq: novembarip 25.-at, 2025
Qinnuteqarnissamut killissarititaasoq: novembarip 25.-at, 2025