Qinnuteqarusuppit meeqqat inuusuttullu ilinniarnissamut tunngavissamik qulakkeerinninnissaanut suleqataarusullutit?
Meeqqanut inuusuttunullu siunissamut ilinniarnissamut aqqutissiuussinissaq peqataaffigerusuppiuk? Suliffimmi suliassat assigiinngitsorpassuit naammassisarnissaat nuannaraajuk? Pissutsit ileqqullu atorneqartartut inuuneq, Qimusseriarsuup (Melville Bugtip) kusanartup eqqaani nunaqarfimmiinnissarlu soqutigaajuk?
Atuarfimmi aqutsisussaq Kullorsuup Atuarfissuani (Avannaata Kommuniani) atorfininnissaanut piaartumik periarfissaqarpoq – atorfininnermi ulloq aalajangerneqarsinnaavoq, imaluunniit kingusinnerusukkut, 1. oktober 2025-mi atorfininneq innersuussutigaarput.
Kullorsuup Atuarfissua tassaavoq nunaqarfimmi atuarfik angisooq, atuartut 90-it ilinniartitsisullu 15-it missaanniipput.
Uagut Kullorsuup Atuarfissuani atuarfimmi aqutsisussarsiorpugut allanik suleqateqarsinnaasumik, ammasumik, aalajaatsumik, tatiginartumik nutaanullu naleqqussarsinnaasumik.
Atuarfimmi aqutsisutut atorfinikkuit, naatsorsuutigissavat aamma ilinniartitsinermut peqataasarnissat imaluunniit atuarfimmi allanik suliassaqartarnissat.
Qinnuteqartutut naatsorsuutigineqarpoq:
• Ilinniartitsisutut ilinniagaqartuunissat
• Atuarfimmik aqutsinermik misilittagaqartuussaatit
• Ineriartortitsinissamik angusarissaarnissamillu pingartitsisuunissat, eqeersimaartoq uummaarissorlu
• Nunaqarfimmi kulturi ilisimasaqarfigilernissaanut aammalu nunaqarfimmiut ilisarisimanerulernissaannut kajumissusilik
• Nunaqarfimmi aammalu atuarfimmi kalaallit oqaasiisa atorneqarnerat pingaaruteqartuunerani paasinnissinnaasoq. Kalaallit oqaasiinik oqalussinnaanermut piginnaasaqalaartuuneq iluaqutaassaaq.
Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAKillu il.il. akornanni isumaqatigiissut atuuttoq atorneqassaaq.
Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.
Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.
Atorfinitsitsineq aammattaaq ukiuni killilinni atorfinitsitsinerusinnaavoq atorfinitsitsineq isumaqatigiissut namminersornerullutik oqartussat IMAK-illu isumaqatigiissutaat malillugu, atorfimmiik soraarninngornermi pissarsiassaq 18.000 kr. ukiumoortumillu pineqartartussaq 1 april 1991, 19.818,29 kr. 1 april 2012-minngaanneersut malillugit, ukiumullu ferie frirejse atorfi-limmut ilaqutaalu ilanngullugit.
Atorfimmut atasumik inissaqartitsisoqarpoq, malittarisassat malillugit akiligassat atorfilimmik akilerneqartassapput.
Atorfik una meeqqanik pinerluuteqarsimannginnermik pinerlussimannginnermillu uppernarsaammik aallernissamik inatsisitigut piumasaqaatigineqarmat.
Atorfik pillugu paasissutissat amerlanerusut pissarsiarineqarsinnaapput atuarfimmi pisortamut Meqo Jensen-imut sianerluni tlf: +299 968833 immaluunniit e-mailikkut: meqo@avannaata.gl aamma Søren Greve e-mail: sogr@avannaata.gl
Qinnuteqaat ilinniarsimaneq suliffigisimasallu pillugit paasissutissartallit, ilanngullugit ilinniarsimanermut uppernarsaatit, cv il.il. Sulisoqarnermut immikkoortortaqarfimmit HR-mit tiguneqareersimassapput kingusinnerpaamik 5. september 2025, nal. 12:00 uungalu nassiunneqassallutik Avannaata.gl/ledige-stilllinger
Qinnuteqarnissamut killissarititaasoq: septembarip 5.-at, 2025