Avannaata Kommunia Ilaqutareeqarnermut immikkoortortaqarfik, Upernavimmiittoq Anigaasaqarnermut Fuldmægtig-imik 1. December 2024 imaluunniit isumaqatigiinnikkut sulilersinnaasunik sulisussarsiorpoq.
Aningaasaqarnermut Fuldmægtig-itut atorfik Ilaqutareeqarnermut immikkoortortaqarfiani naatsorsuuserinermut immikkoortortaani aqutsisoq qaninnertut qullersarineqassooq.
Suliassat akisussaaffiillu ilaatigut ukuupput:
- Avannaata Kommuniani missingersuutinik oqimaaqatigiissaaraluni agguataarineq immikkoortortaqarfinnullu ingerlateqqiineq
- Suliaasimasunik tigusilluni misissuineq
- Excel atorlugu aningaasaqarnermut tunngasunik ataqatigiissaarineq
- Immikkoortortanut assigiinngitsunut sullissisunullu nunaqafinnilu sullissivinniittunut ilitsersuineq
- Statistik-iliorneq akisussaaffiit iluanni
- Isumaginninnikkut qitiusoqarfimmiit peqqussutiginertut, oqariartuutigineqartut paasissutissiissutigineqartullu tamarmik apuunneqartarnissaannik tamakkulu piaartumik atuutilersinneqarnissaanni isumaginninneq
- Suliassat attuumassuteqarsinnaasut allat
Piginnaasassat:
- Aningaasaqarermut tunngasumik ilinniagaqarsimaneq. Allaffimmiutut ilinniagaqarsimaneq, aningaasaqarnermut sulianut tunngasumik pikkorissarsimaneq (imaluunniit piginnaanngorsarusussusilik)
- Nalunaarsuinermut naatsorsuutinillu allanillu allattuinermut misilittagaqarnissaq, naatsorsuusiortup suliassaanik naliginnaasunik misilittagaqarneq.
- Akisussaassuseqarneq, ammasuuneq aammalu tunniusimasuuneq, nutaaliorsinnaanermillu piginnaasaqarneq.
- Iliuuseqarsinnaassuseq suliassanullu piareersarluarsinnaaneq.
- Ingerlatsiviit akimorlugit suleqatiginnissinnaassuseqarneq.
- Maligassiuisinnaassuseqarneq pissuserissaarnissamut piumasaqaatit naapertorlugit
- Eqaatsumik periuseqarneq.
- Piffissami ulapaarfiusumi eqqissisimasumik periuseqarneq.
Akissarsiat atorfeqarnermilu atugarisat:
Akissarsiat aamma atorfeqarnermi pissutsit, Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissut atuuttoq naapertorlugu pissaaq.
Atorfimmut atatillugu inissaqartitsisoqanngilaq.
Atorfik pillugu paasissutissat annertunerusut uunga saaffiginninnikkut pissarsiarineqarsinnaapput Ilaqutaareeqarnermi immikkortortaqarfimmi aqutsisumut oqarasuaat 38 78 72 aamma borgerforvaltningsleder oqarasuaat 387902.
Qinnuteqaat ilinniarsimanermut siusinnerusukkullu suliffigisimamut tunngatillugu paasissutissanik aammalu soraarummeersimanermut uppernarsaatinik suliffiginikuusallu oqaaseqataasa nuutinnerannik ilaqartoq kingusinnerpaamik nassiunneqassooq ulloq 28. november 2024
Qinnuteqarnissamut killissarititaasoq: novembarip 28.-at, 2024