Ilulissani Majoriaq 1. september 2026 imaluunniit isumaqatigiissuteqarnikkut sulilertussamik Fuldmægtigimik pissarsiorpoq.
Suliassat akisussaaffiillu:
• Suliffisarsiortunik nalunaarsuineq
• Suliffissarsiorluni nalunaarsortittunut ilisuusissamik pilersaarummik suliaqarneq
• Suliffissarsiortut ikiorsissutaanik suliaqarneq
• Illoqarfimmiunut eqqaaniittunullu saaffiginnittunik siunnersuineq
• Suliffissarsiorluni nalunaarsortittartunut pikkorissarniarlunilu qinnuteqatunut siunnersuineq
• Suliffisaqartitsiniarluni siuarsaanermik suliniuteqarneq assersuutingalugu suliffissarsiortunik sulisitsineq
• Illoqarfimmi aammalu nunaqarfinni innuttaasunik ilinniartitaanikkut suliffissaqarniarnikkullu ingerlariaqqikkusuttunik suleqataaneq
• Majoriami suliassat naliginnaasut allat
• Suliffeqarfimmi atorfiup ineriartortinneqarnissaa, sulisut allat peqatigalugit
• Sulinerullu ingerlanneqarneranut nutaaliornernik aaqqiissutaasinnaasunillu siunnersuineq.
Suliamut ilinniagaqarsimanissaq, allaffissornermiluunniit misilittagaqarnissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini sisamaasunik innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.
Majoriaq assigiinngitsunik suliarpassuaqarmat naatsorsuutigaarput tunniussimasuunissat, suliassallu assigiinngitsut suliakkiissutigineqartut naammassillugit suliarisinnaassagitit.
Pisinnaasat:
• Suliassamut naapertuuttumik ilinniagaqarsimasoq. Allaffissornermi misilittagalik.
• Inuusuttunik inersimasunillu sullisserusuttoq.
• Sulilluartoq, imigassamik aanngajaarniutinillu ajornartorsiuteqanngitsoq.
• Marluinnik oqaaseqartoq, kalaallisut qallunaatullu, kisiannili piumasaqaataanngilaq.
Naatsorsuutigissavat suliamut tunngatillugu ilinniaqqissinnaangavit, pingaartumik Majoriap ataani ilinniagassanut pikkorissarnissanullu piumasaqaataasunut.
Akissarsiaqartitsineq atorfinitsitinerlu:
• Atorfinitsinneqartoq Naalakkersuisut aammalu SIK malillugu atorfinitsinneqassaaq.
• Atorfimmut atatillugu inissaqartitsisoqanngilaq.
Atorfik pillugu paasissutissat amerlanerusut pissarsiarineqarsinnaapput Ilulissani Majoriami Ataqatigiissarinermikaqutsisumut Oline Olsen saaffigineratigut, uunga 38 75 78 imaluunniit mailikkut; oeon@avannaata.gl.
Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit kigusinnerpaamik 27.08.2026 nassiunneqassapput Avannaata kommuniata nittartangaa iserfigeriarlugu “Atorfik una qinnuteqarfingiuk” toorneratigut uani: www.avannaata.gl
Qinnuteqarnissamut killissarititaasoq: aggustip 27.-at, 2026