Avannaata Kommunia controllerimik tunniusimasumik misissueqqissaarsinnaasumillu missingersuusiornermut immikkoortortaqarfimmut pissarsiorpoq, pingaarnertut Piorsarsimassutsimut, Atuartitsinermut, Meeqqeriveqarnermullu Ingerlatsivimmi suliassanik isumaginnittussamik.
Missingersuusiornermut controllerinullu immikkoortortaqarfik controlleritut atorfinnik tallimanik inuttaqarpoq, taakkulu sulisoqarnikkut suliassaqarfiup ingerlatsivianut nalunaaruteqartarput, suliassatigullu Missingersuusiornermut immikkoortortaqarfimmi Ataqatigiissaarisutut aqutsisumut attaveqarlutik. Maannakkut tallimaavugut, controllerit marluk, aqutsisoq ataaseq aamma inissianut akisussaasut marluk.
Controlleritut atorfiit tallimat akornanni ataaseq Piorsarsimassutsimut, Atuartitsinermut Meeqqeriveqarnermullu Ingerlatsivimmi inuttassarsiuunneqarpoq, 1. oktoberi aallartiffigalugu imaluunniit erseqqinnerusumik isumaqatigiissuteqarnikkut.
Suliassaqarfimmut ingerlatsivik missingersuutinik suliaqarnermi malinnaanermilu ikorfartornissaa suliassatut pingaarnerpaassaaq. Taamaattumik suliffik nakkutiginninnissamik sullissinissamillu imaqarpoq, tamannalu eqqummaarinninnissamik suleqatigiilluarnissamillu annertuunik piumasaqaatitaqarpoq.
Atorfik pillugu:
Missingersuusiornermut immikkoortortaqarfimmi controlleritut atorfeqarlutit aningaasaqarnikkut aqutsinermi aammalu allaffissornermi malinnaanermi pingaarutilimmik inissisimassaatit. Aqutsisut, suliffeqarfiit kiisalu qitiusumik aningaasaqarnermut immikkoortortaqarfik qanittumik suleqatigisassavatit. Qanimut aqutsisorissavat Missingersuusiornermut immikkoortortaqarfimmi aqutsisoq.
Suliassatit pingaarnerit:
• Atuarfinnut, kulturikkut suliffeqarfinnut meeqqeriveqarnerullu suliassaqarfianut missingersuusiorneq missingersuusianillu malinnaaneq
• Aqutsisunut ingerlatsivimmullu aningaasaqarnermut tunngasunik siunnersuineq isummersoqateqartarnerlu
• Misissueqqissaarnernik, naatsorsuutinik siumut isiginnittunik aqutsinermullu paasissutissanik suliaqarneq
• Atuineq, aningaasaliissutit naatsorsuutillu pillugit malinnaaneq
• Suleriaatsinik aningaasaqarnermullu tunngasunik ingerlatsinerup pitsanngorsarnerinik peqataaneq
• Inatsisinik atuuttunik kommunillu ilitsersuutaanik malinninnissamik qulakkeerinninneq
• Missingersuusiornermut atatillugu suliassanik isumaginninneq
• Aningaasaqarnermut tunngasunik periutsinik suleriaatsinillu ineriartortitsineq nutarterinerlu il.il.
• Aningaasaqarnermik aqutsinermut missingersuusiornermullu maleruagassat atuuttut naapertorlugit nakkutilliineq
• Kukkunersiuisut nalunaarutaannik malinnaaneq
• Aningaasaqarnermut tunngasunik kisitsisit pingaarnerit piareersarneri / misissueqqissaarnerit / kingunerisassanut naatsorsuutit
• Immikkoortortaqarfimmi pisortaq peqatigalugu missingersuusianut tunngasunik aqutsisunut siunnersuineq
Suliassanut pisinnaasat:
Ilinniarsimanermut tunngasut
Piumasaqaatit:
• Aningaasaqarnermut tunngasumik naleqquttumik qaffasinnerusumik ilinniagaqarsimaneq, ass. Financial Controlleritut ilinniagaq, aningaasaqarnermut/isumalluutinik aqutsinermut akademiuddannelse, HD, aningaasaqarnermut tunngasumik bachelor/professionsbachelor imaluunniit kandidatitut ilinniagaqarsimaneq.
• Ukiuni minnerpaamik 2-3-ni aningaasaqarnermik aqutsinermi, controlleritut sulinermi, naatsorsuutinik suliaqarnermi imaluunniit missingersuutinik malinnaatitsinermi naleqquttumik misilittagaqarneq.
• Missingersuutinik, naatsorsuutinik, controllerinermi imaluunniit aningaasaqarnermut tunngatillugu nalunaarusiortarnermik uppernarsarneqarsinnaasumik misilittagaqarneq.
• Pisortat/kommunip aningaasaqarneranik misilittagaqarneq annertuumik pingaartinneqassaaq, kisianni nukittuumik controllinermi misilittagaqarneq aammalu kommunimi sinaakkutinik sukkanerusumik ilikkarsinnaaneq tamatumunnga taarsiullugu isiginiarneqarsinnaavoq.
• Excelimik, aningaasaqarnermut systeminik nalunaarusiortarnermillu piginnaasat uppernarsarneqarsinnaasut.
• Saqqummiussisinnaassuseqarneq nukittooq aammalu politikkikkut aqunneqartumik ingerlatsivimmi suleriaatsinik paasisimasaqarneq.
• Excelimik atuinermi piginnaasaqarluarneq aammalu aningaasaqarnermut systeminik misilittagaqarneq.
• Aningaasaqarnermut tunngasunik ajornartorsiutinik ersarissumik paasiuminartumillu saqqummiussisinnaaneq.
Kissaatigineqartut:
• Kommunimi, Namminersorlutik Oqartussani, pisortat suliffeqarfiutaanni imaluunniit politikkikkut aqunneqartumik ingerlatsivimmi misilittagaqarneq.
• Kommunip missingersuusiornermi naatsorsuutinillu suliaqarnermi suleriaasiinik ilisimasaqqarneq.
• Aqutsinermut paasissutissanik, PowerBI-mik, datanik uppernarsaanermik aamma misissueqqissaarnermik misilittagaqarneq.
• Kommunip aningaasaqarnermik aqutsinerani, pisortat ingerlatsineranni imaluunniit naatsorsuutinik/aningaasaqarnermik aqutsinermi naleqquttumik ilinniaqqinnikuuneq.
• Kommunip pisariaqartitai aamma innuttaasunut/pisortanut attaveqartarneq apeqqutaallutik kalaallisut danskisullu oqaatsitigut piginnaasaqarneq iluaqutaasinnaavoq.
Inuttut piginnaasat:
• Aaqqissuussamik namminersorlunilu suleriaaseqarneq
• Suleqatiginnillaqqissuseqarneq attaveqaqatigiinnermilu pisinnaasaqarluarneq
• Akisussaassuseqarneq aamma sullissillaqqissuuneq
• Kisitsisinik misissueqqissaarinernillu paasinartumik saqqummiussinnaaneq
Neqeroorutigaagut:
• Suliffeqarfimmi politikkikkut aqunneqartumi pissanganartumik assigiinngitsunillu imalimmik atorfeqarneq
• Suliatigut inuttullu ineriartornissamut pitsaasunik periarfissaqarneq
• Tunniusimasunik suleqateqarfiulluartumik sullivimmi avatangiiseqarneq
• Isumaqatigiissut atuuttoq naapertorlugu atorfeqarneq
• Sulianut atatillugu pikoorissarnerni peqataanissamut periarfissaqarpoq.
Akissarsiat atorfeqarnermilu atugassarititaasut:Akissarsiat atorfinitsitaanermilu atugassarititaasut atorfinitsitaanerup nalaani isumaqatigiissut atuuttoq naapertorlugu aalajangersarneqassapput, Naalakkersuisut kattuffiullu isumaqatigiinniarsinnaatitaasup akornanni isumaqatigiissutigineqarsimasoq malillugu.
Ineqarneq:Atorfimmut atatillugu inissaqartitsisoqarsinnaavoq. Atorfimmut atatillugu sulisunut inissiaq pisatsersugaanngitsoq maleruagassat atuuttut naapertorlugit innersuunneqarsinnaavoq. Inissiamut innersuunneqartumut ineqarnermut akiliut qularnaveeqqullu maleruagassat atuuttut naapertorlugit akilerneqassapput. Sulisunut inissiaq atorfininnermut attuumassuteqarpoq, atorfeqarnerullu naanerani qimanneqassalluni.
Qinnuteqartoq kommunimi atorfeqarnini tunngavigalugu sulisunut inissiamik peqareersimappat, sulisunut inissiamik innersuunneqartumik pisinnaatitaaffik ingerlaannassaaq.
Atorfik pillugu paasissutissat annertunerusut Ataqatigiissaarisutut aqutsisoq Bent Maratse saaffigalugu pissarsiarineqarsinnaapput, e-mail: bmar@avannaata.gl, tlf.: 38 76 71.
Qinnuteqaat ilinniagaqarsimanermut siornatigullu suliffeqarsimanermut paasissutissanik imalik, soraarummeersimanermut uppernarsaatit assilineri ilanngullugit il.il., “Atorfik una qinnuteqarfigiuk” toorlugu nassiunneqassaaq
Qinnuteqarnissamut killissarititaasoq: aggustip 28.-at, 2026