Suliassanik unammillernartunik nutaanik misigisaqarnissarnut maanna periarfissaqalerputit!
Nunarsuarmi kommunit avannarlersaanni, Avannaata Kommuniani, MISI-Avannaa perorsaanikkut tarnikkullu siunnersuinermut akisussaasuuvoq. Qeqertarsuup Tunuani Ilulissani allaffeqarpugut, nunarsuarmi tamarmi sermersuaq iigartartoq iluliarujussuaqartitsisartorlu sanileralugu.
MISI Avannaata suliassaqarfiit atuarfiit ulluuneranilu paaqqinnittarfiit Avannaata Kommunia tamakkerlugu suliassaqarfigai, tassa illoqarfinni sisamani nunaqarfinnilu 21-ni.
Ilulissat periarfissarpassuaqarput pinngortitarsuaq alutornarluinnartoq sinaakkusiullugu periarfissaapput nunami pisuttuarnerit, umiatsiamik angalaarnerit, qimmeqarneq, sisorarneq, pinialunneq, aalisarneq il.il., saniatigullu illoqarfimmi nutaaliaasumi kulturikkut sunngiffimmilu neqeroorutit assigiinngitsorpassuit.
Neqeroorutigaarput suliffik unammillernartortalik, tamatigoortoq pissanganartorlu inuttut suliamullu tunngatillugu ineriartornissamut periarfissaqarluartoq. MISI Avannaa suliffeqarfiuvoq allaffeqatigiinnermik aallaaveqarluni ingerlalluartoq. Atorfik aqqutigalugu illoqarfinnut nunaqarfinnullu kommuni tamakkerlugu umiarsuarmik, timmisartumik qulimiguulimmillu angalasarnissaq naatsorsuutigineqassaaq.
Ujartorparput psykologi – ajornanngippat autorisasiunilik – meeqqanik immikkut pisariaqartitsisunik sullissinermi ukiuni arlalinni misilittagalik. Qinnuteqartup eqqortup suliassaqarfimmi kalaallit oqaasiinik kulturiannillu tunngaveqartumik sulinissi pissanganartuutippaa, aammalu:
- ilisimatuussutsikkut paasisanik kingullernik aamma perorsaanermut tarnikkullu pissutsit pillugit teoriinik paasisimasaqarluni
- meeqqanik immikkut pisariaqartitsisunik suliaqarnermi ukiuni arlalinni misilittagaqarluni
- piumassusilik ineriartortitsinissamullu alakkaamasoq
- meeqqanik inuusuttunillu perorsaanikkut tarnikkullu sullissinermik ilisimasalik
- mattusooq, nammineersinnaassuseqarluni sulisinnaasoq, suliassanullu assigiinngiiaartunut eqaatsumik pissusilik
Atorfinitsinneqarneq pissaaq Naalakkersuisut, aamma Meeqqat atuarfianni ilinniartitsisut kattuffiata IMAK-ip akornanni isumaqatigiissut 28. juuni 2019-imeersoq tunngavigalugu.
Qinnuteqartut tjenestemanditut atorfeqareersut, atorfininnerminni tamanna ingerlatiinnarsinnaavaat.
Atorfimmut atatillugu inissaqartitsisoqarsinnaavoq, ineqarnermut akiliut, depositum il.il. malittarisassat qaqugukkulluunniit atuuttut naapertorlugit akilerneqartassallutik.
Atorfiup 1. januaari 2026 inuttalerneqarnissaa kissaatigineqarpoq, imaluunniit isumaqatigiissuteqarnikkut.
Atorfik pillugu annerusumik paasisaqarusukkuit, taava Atuarfeqarnermut MISI Avannaanullu Fagchefi, Lars Fleischer attavigisinnaavat: lafl@avannaata.gl atorlugu.
Qinnuteqarfissaq kingulleq 15. december 2025. Qinnuteqaat paasissutissanik pisariaqartunik ilallugu Avannaata Kommuniata nittartagaani sulisussarsiorneq una aqqutigalugu nassiunneqassaaq.
Qinnuteqarnissamut killissarititaasoq: decembarip 15.-at, 2025