Avannaata kommunia, Pilersitsivik Ilulissat aqutsisussarsiorpoq sannavimmi misilittagalimmik
ulloq 01. februar 2026 atorfinittussamik imaluunnit isumaqatigiissuteqarnikkut atorfinittussamik.
Ujartuivugut faglærerimik sannavimmi misilittagalimmik saniatigut aqutsisutut ingerlasinnaasumik. Pilersaarusiornerit ataqatigiissaarinerit ulluinnarnilu Pilersitsivimmut aqutsisutut akisussaaffigineqassapput. Atorfinititsineq pissaaq 01. februar 2026 imaluunnit isumaqatigiissuteqarnikkut.
Pilersitsivik
Pilersitsivik Avannaat Kommuneani neqeroorut nutaajuvoq 2025-imi atuutilertoq. Neqeroorut inuusuttuaqqanut ilinnialersimanngitsunut suli immaqalu arlaatigut sammisaqanngitsunut saaffiginnittuuvoq. Atuarneq atuagarsornertaqanngitsumik ingerlasuuvoq taamaattoq inuttut inerikkiartonermut annertuumik kivitsisoq. Pilersitsivimmi periarfissaapput iggavimmiinneq, assassorneq sannavimmiinnerlu. Atuarfiup siunertaraa inuusuttuaqqat atuarfinnut allanulluunniit sammisassaqartitsiviusunut ingerlariaqqinnissaannik piareersarneq.
Suliassat- akissussaaffiit:
·Suleqatitit peqatigalugit sammisassanik pinngorartitsiviusunik suliniutinillu, pilersaarusiorneq piviusunngortitsinerlu.
·Suleqatinnut marlunnut akisussaasoq.
·Sananermut tunngasumik ilinniartitsisinnaaneq piumasaqaataavoq
·Oqaloqatigiinnerit kajumissinartut attaveqarfinnik sammisassaqartitsinermillu suliaqarneq.
·Atuartunut pisariaqartitsineq malillugu tapertaasarneq, kiisalu isumaginninnikkut suliatigut tapertaasarneq ilinniagaqalernissamut suliffeqalernissamullu
·Ujartuilluni suliaqarneq. Ilaatigut atuarfinnut suliffeqarfinnullu suleqatiginninnissaq siunertaralugu attaviginninneq.
·Majoriami sulisut allat peqatigalugit atorfimmik ineriartortitsineq
Naatsorsuutigivarput, illit sulianut aalajaattumik Pilersitsiviup ingerlanissaanut peqataassasutit, suliallu agguataarnerinut ilinniartut paasineqarneqartutut misigisimanissaat kiisalu suliassatigut ineriartorlutillu akisussaassusilimmik misiginiassammata.
Pisinnaasassat:
- Sanasutut assigisaanilluunniit ilinniagaqarsimasoq
- Immikkut pisariaqartitsisunik paasinissinnaasoq
- Inuusuttunik 16-iniit 25 tikillugit ukiulinnut sullissinissamut piumassusilik
- Tunniusimasoq, aammalu imigassamik allanillu aanngajaarniutinik ajornartorsiuuteqanngitsoq
- Kalaallisut qallunaatullu oqaaseqarnissaq, kisianni piumasaqaataanngilaq
Naatsorsuutigissavat suliffinni ilinniaqqinnissamut periarfissaqarmat, annerusumik perorsaanilerinerup tungaatigut aammalu siunnersuinerup tungaatigut ilinniarnermik.
Akissarsiat- aammalu atorfininnermi atugassarititaasut:
·Atorfininneq Naalakkersuisut aammalu SIK aqutsisutut isumaqatigiissutaa malillugu atorfinittoqassaaq, imaluunnit AK isumaqatigiissutaa malillugu
Atorfik pillugu paasisaqarnerorusukkuit saaffiginnissinnaavutit Majoriap Centerlederianut Rosannguaq Petersen-imut attaveqarnikkut, oqarasuaat: 38 75 85 imaluunnit e-mail-imik nassiussillutit; ropn@avannaata.gl
Qinnuteqaammut ilanngunneqassapput misilittakkat, suliffigisimasallu oqaaseqaatai, pikkorissarsimanermi uppernarsaatit il.il. tunniunneqarsimassaaq kingusinnerpaamik 29. januar 2026.
Qinnuteqarnissamut killissarititaasoq: januaarip 29.-at, 2026