Park Ranger-imut ikiorti (juunip aallaqqaataat – septembarip 30-at)
Ilulissat Kangerluata allaffeqarfiani tunniusimasumik sullisserusuttumillu Park Ranger-imut ikiortimik pissarsiorpoq aasaanerani sulisussamik. Atorfik UNESCO-p nunarsuarmiunut kingornussassiami sulinissannut periarfissiivoq, tassani Sermermiuni eqqaanilu pisuttuarfinni takornarissat angalaartut toqqaannaq attaveqarfigissavatit.
Pingaarnertut suliassatit:
- Takornarissat Ilulissat kangianut isissutissaannik ikiorlugit – suliniut kommunimi nutaajuvoq, tassanilu isissutissanik systemi atuutilersinneqaleruttorpoq.
- Takornarissat isissutissanik pisisarfimmik aamma internetsikkut iserfissamik atuinissaannik aqqutissiuullugit.
- Pisuttuarfissat malillugit isissutinik nakkutilliineq.
- Park Ranger suliassaanik ikiorlugu, matumani pisuttuarfissat pitsanngorsarlugit aamma aserfallatsaalillugit.
Suleqatissarput tassaassaaq:
- Inussiarnersoq, sullisserusuttoq aamma inunnik assigiinngitsunik amerlasuunik naapitsisarnerminik ingerlalluartartoq.
- Saamasumik aamma ikiuerusussusilimmik kiinnertartoq.
- Ilulissanut ilisimasalik aamma Ilulissat Kangianut aamma nunarsuarmiunut kingornussassamut tunngatillugu pingaartitsisoq aamma tikittut nuannersumik misigisaqarnissaannut tunniuseqataarusuttoq.
- Tuluttut, qallunaatut aamma oqaatsit allat atorlugit oqalussinnaasoq.
- Teknikkit tunngaatigut suliaqarsinnaasoq aamma takornarissat mobilitik atorlugit internetsikkut akiliinissaanut aqqutissiuinissaminut toqqissisimasoq.
Akissarsiat atorfinitsitaanermilu atugassarititaasut:
Atorfik piffissamut aalajangersimasumut killiligaavoq juunip aallaqqaataaniit - septembarip 30-anut.
Atorfik Naalakkersuisut aamma SIK akornani suliamik ilinniagallit aamma ilinniarneqanngitsut pillugit isumaqatigiissut atuuttoq naapertorlugu akissarsiaqartinneqassaaq.
Atorfimmut atatillugu inissaqartitsisoqanngilaq.
Uagut pilluta:
Ilulissat Kangerluata allaffeqarfia Avannaata Kommunianut ilaavoq Ilulissallu kangerluaninunarsuarmiunullu kingornussassatut allaffittut ingerlalluni. Tassani Site Manager aamma Park Ranger sulisarput, ataatsimoorlutik ingerlatsineq, nakkutilliineq, paasissutissiineq aamma aqqutissiuussineq suliarisarpaat.
Soqutiginartippiuk? Taamaappat tusarfiginissat qilanaaraarput.
Qinnuteqaat ilinniarsimanermut paasissutissat, sumi sulisimanermut uppernarsaatit soraarummeernermullu uppernarsaatit il.il. kingusinnerpaamik nassiunneqassapput apriilip 11-iat 2025 Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigut.: www.avannaata.gl
Qinnuteqarnissamut killissarititaasoq: apriilip 11.-at, 2025