Avannaata Kommunia Atuarfimmi barselsvikarimik Inunnik Isumaginninnermut Siunnersortissarsiorpoq
Atuartut ineriartornikkut ernumanartumik atungaqartut sullissallugit pileringiviuk?
Atuarfimmi Inunnik Isumaginninnermut Siunnersortitut atorfik inissisimavoq Avanersuup Atuarfiani, Qaanaaq.
Atorfik nutaajuvoq aallarnisarneqaleruttorlunilu, isigineqassallunilu ernumanartumik ineriartornikkut atungaqartunut siusinaartumik aamma pinaveersaartitsiniarnermik suliniuteqarnerup patajaallisarneqarneratut oqaatiginersinnaaluni.
Atuarfimmi Inunnik isumaginninnermut siunnersorti Ilaqutareeqarnermut ingerlatsivimmut upalungaarsimasutut atuutissaaq, atuarfillu suleqatigalugu atuartunut inuttut imaluunniit pissusilersornikkut ajornartorsiuteqartunut tapersersuinermik pisariaqartinneqartumik neqeroorfigineqarnissaannik qularnaarinnittussaalluni.
Avanersuup Atuarfia tassaavoq meeqqat atuarfiat 105-inik atuartoqartoq, 1.-10. klassenut agguataarsimasunik kiisalu immikkut atuartitsivik klassi ataaseq. Atuarfimmi ilinniartitsisut 13-iuppput, atuarfiup pisortaanut tullersorti ataaseq kiisalu atuarfiup pisortaaneq ataaseq.
Atorfinitsitsineq pissaaq 1. november 2024 imaluunniit immikkut isumaqatigiinnikkut isumaqatiissuteqarnerluunniit naapertorlugu sulilertussamik.Atorfik piffissami killilimmik atorfiuvoq, erninermi sulinngiffeqartumut paarlatsitut. 31. juli 2025 tungaanut
Naatsorsuutigaarput illit:
- Inunnik isumaginninnermi siunnersortitut ilinniagaqarsimasutit imaluunniit inunnik isumaginnermik suliaqarnermi siunnersuisuusutit imaluunniit inunnik isumaginninnermik suliaqarnerup iluani ingerlaqqiffiusumik pisariaqartumik ilinniagaqarsimasutit/pikkorissarsimasutit.
- Inunnik isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataatsimut isigalugu, meeqqat tapersersorneqarnissaat pillugu Inatsisartut inatsisaannik, atuarfeqarnerup ingerlanneqarneranik ilisimasaqartutit aamma/imaluunniit allatut inunnik isumaginninnermik suliaqartutut misilittagaqartutit.
- Suleqatigiinni sulisinnaasutit, suleqatiginninnissamut piginnaasaqarluartutit, allanillu akuutitsisinnaasutit.
- Attaveqarnissamut ilitsersuussinissamullu pikkorissuusutit.
- Meeqqanut inuusuttunulluu attaveqarnermik pitsaasumik pilersitsisinnaassuseqartutit.
- Namminersorlutit sulisinnaasutit, suliassat aaqqissuunnissaannut, ataqatigiissaarnissaannut, pilersaarusiornissaannut malitseqartinneqarnissaannullu pikkorissuusutit.
- Oqaatsinik marluusunik atuisinnaasut (kalaallisut/qallunaatut) qinnuteqartut salliutinneqassapput
Akissarsiat aamma atorfininnermi atugassarititaasut
Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput.
Inissaq
Sulisunut inissamik soqanngilaq
Pinerluuteqarsimannginnermut uppernarsaatit
Inatsisit malillugit piumasaqaataavoq meeqqanik pinerlussimannginnermut aammalu pinerluuteqarsimannginnermut uppernarsaammik aallertoqarnissaa.
Attavissaq
Annertunerusumik paasisaqarusukkuit Avanersuup Atuarfiani pisortaaneq Dan D. Normann attavingineqarsinnaavoq, +299 972817, mail: dano@avannaata.gl
www.avaatu.gl
Qinnuteqaat
Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq, kingusinnerpaamik 30.10.24.
Qinnuteqarnissamut killissarititaasoq: oktobarip 30.-at, 2024