Uummannami Innuttaasunik Saaffiginnittarfik – Barselertoqarnerani paarlatsimik pissarsiorpoq.
Avannaata Kommunia Uummannaq – Saaffiginnittarfimmi Barselertoqarnerani piffissamik killilimmik paarlattaasussamik piffissani ukunani: 16. Marts 2026 – 31. December 2026 ilanngullugu sulisussamik pissarsiorpoq.
Saaffiginnittarfimmi paarlatsissap Uummannami Innuttaasunik Sullissivimmi Pisortaq qaninnertut qullersarissavaa.
Saaffiginnittarfimmi suliassat akisussaaffiillu makkuussapput:
·Innuttaasunik saaffiginnittunik sullissineq
·Telefonikkut mailikkullu saaffiginnissutsinik sullissineq
·Arkivilerineq
·Qinnuteqaatinik assigiinngittunik sullissineq soorlu makkua:
- Erninersiutinik, meeqqat tapiinik, piniakkat killilersukkanut akuersissutit assigisaalu ilanngullugit
·Akiligassanik akiliinartunik sullissineq
Paarlattaasussaq naatsorsuutigaarput:
·Allaffimmiutut ilinniarsimasuusutit
·Sullisserusussuseqartutit
·Aalajaattuusutit suliffimmilu suliassat allanngorartuni ulapaarfiusumilu sulissallutit nuannarigit
·Marlunnik oqaaseqartuusutit (Kalaallisut / Danskisullu)
·Isumaqatigiissutinik misilittagaqartuusutit
·Piffissamik suliffimmullu ataqqinnittuusutit
·Inuk qiimasuususutit saaffigiuminartuullutillu, peqqissaartuusutit.
Akissarsiaqartitsineq atorfinititsinerlu:
Naalakkersuisut aamma Kattuffiup pineqartup isumaqatiginninniarsinnaatitaasup akornanni isumaqatigiissutit malillugit akissarsiat atorfeqarnermilu atugassarititaasut pissapput
Atorfimmut atatillugu inissaqartitsisoqanngilaq.
Attaveqarfissaq:
Atorfik pillugu peqqutissaqaruit Innuttaasunut Sullissivimmi Pisortaq Aningaaq Fleischer attaveqarfiginnaavat tlf. 38 78 01 imaluunniit mail: anif@avannaata.gl
Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.
Qinnuteqarnissamut killissarititaasoq: marsip 4.-at, 2026