Uummannami atuarfiup pisortaatut atorfik inuttassarsiorneqarpoq augustip aallaqqaataani 2026 –imi aallartittussamik imaluunniit isumaqatigiissusiornikkut.
Atuarfik Edvard Kruse atuarfiuvoq pigiliussinissamik atugarissaarnissamillu pingaartitsisoq, ineriartortitsineq suliassaavoq pingaarnerpaaq, iluaniippoq peqataatitsineq, tassa atuarfik atuartunut pitsaanerpaaq pilersinneqassammat. Atuarfiup aamma angajoqqaanik suleqateqarluarnissaq pingaartippaa anguniakkat pingaarnerit anguniarneqarnerini. Atuarfimmi 204 –it missiliorlugit atuartoqarpoq 35-t miss. amerlatigisunik sulisoqarluni. Pisortassaq nunaqarfinni atuarfeqarfiit aamma akisussaaffigissavai. Nunaqarfiiit pineqartut tassaapput: Niaqornat,Qaarsut, Ikerasak, Saattut Ukkusissallu. Tassunga atatillugu atuartut angerlarsimaffiat nakkutiginera aamma ilaalluni.
Qinnuteqartutut naatsorsuutigineqarpoq:
- Ilinniartitsisutut ilinniagaqartuunissat
- Atuarfimmik aqutsinermik misilittagaqartuussaatit
- Ineriartortitsinissamik angusarissaarnissamillu pingartitsisuunissat, eqeersimaartoq uummaarissorlu
Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAKillu il.il. akornanni isumaqatigiissut atuuttoq 27. august 2014 –meersoq kiisalu Isumaqatigiissut pingaarneq / Hovedaftale 28. oktober 1998 –meersoq Naalakkersuisut Ilinniartitsisut Meeqqat Atuarfianneersut Kattuffiat, IMAK –illu isumaqatigiissutaat atuuttoq naapertorlugu.
Atorfimmut atatillugu inissaqartitsisoqarpoq tassunga qularnaveeqqutit/inigisamut akiliutit allallu malittareqqusat atuuttut naapertorlugit akilersorneqassapput.
Akissarsiat atorfeqartitaanerlu, tamatumunnga ilanngullugit atorfininnermut atasumik angalasinnatitaaneq pequtillu assartorneqarnerat, pissapput atorfininnerup nalaani Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, akornanni isumaqatigiissut atuuttoq naapertorlugu.
Atorfinitsitaaneq pissaaq Kalaallit Nunaanni Naalakkersuisut aamma IMAK’p akornanni isumaqatigiissut malillugu immikkut ukiunut aalajangersimasunut atugassaqartitaalluni, tassani ukiut atorfeqarfigisatut tamaasa immikkut katersussavaa soraarnermi aningaasarsiaq 1. april 1991 malillugu ukiumut 18.000 kr. 1.april 2014 malillugu 19.818,29 kr. Akiliunneqarluni feeriarsinnaatitaaneq atorfilimmut ilaqutaanullu ukiut atorfeqarfiusut tamaasa ilaassaaq.
Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.
Meeqqanik pinerluuteqarsimannginnermut uppernarsaat:
Atorfik una meeqqanik pinerluuteqarsimannginnermik uppernarsaammik aallernissamik inatsisitigut piumasaqaatigineqarmat.
Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat.
Pinerluuteqarsimannginnermut uppernarsaat: Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.
Saniatigut atorfik pillugu paasissutissanik pissarsisoqarsinnaavoq uunga saaffiginnilluni:
Fagchef Lars Fleischer: Oqarasuaat +299 387795 imlt. Mailimut: lafl@avannaata.gl
Qinnuteqarnissamut killissarititaasoq: juulip 2.-at, 2026