Atorfimmut paasissutissat
Alimasissumik atuartitsisutut kommunip atuarfiini tamani atuartunut digitalimik ilinniartitsinikkut piginnaasat pitsaasut qulakkeerneqarnissaat suleqataaffigissavat. Sumiiffinni assigiinngitsuni atuartunut ilinniartitsissaatit, kiisalu sumiiffinni ilinniartitsisut allat kommunillu ilinniartitaanermut tunngatillugu sulisui suleqatigalugit.
Ukiuni tulliuttuni fagini makkuninnga immikkut nukittorsaassaaq:
- Matematikki
- Tuluttut
- Danskitut
- Kalaallisut
Ilinniartitsisoq ujaarisarput
- Ilinniartitsisutut ilinniagaqarsimassaaq atuartitsisinnaassallunilu atuartitsissutini ataasiinnaanngitsumik
- Kalaallit Nunaanni isumaqatigiissutit naapertorlugit atorfinitsinneqarsinnaavoq
- Digitalimik ilinniartitsinermut misilittagaqassaaq
- Alimasissumik atuartitsinermik soqutigisaqassaaq
- Peqataatitsisumik alimasissumillu ilinniartitsisinnaassaaq
- Namminersorsinnaassuseqarlunilu aaqqissuussaanermik pimoorussisuussaaq
- Suleqateqallaqqissuussaaq attaveqaqatigiinnermilu piginnaasaqarluni
Neqeroorutigaarput
- Soqutiginartorlu ineriartortitsiviusorlu atorfik
- Kivitsisamik suleqatigiinneq
- Ilulissani atuarfinnut atuartitsissutinut avitseqatigiinneq periarfissaassaaq
- Kommunip atuarfiini tamani suleqatigiinneq nukittorsassaaq
- Kalaallit Nunaanni isumaqatigiissutit naapertorlugit atorfinitsitsineq
Atorfininneq isumaqatigiissutit naapertorlugit pissaaq. Ukiut marluk atorfiup sivisussusigissavaa, sivitsorneqarsinnaalluni. Najugaqarnissamut inissiamik neqerooruteqartoqanngilaq, Avannaata kommuniani persinal bolig-qaruit tamanna paariinnarsinnaavat.
Sulilerneq isumaqatigiissuteqarnikkut pissaaq.
Akissarsiat aamma atorfeqarnermi atugassarititaasut
Atorfinititsineq Namminersornerullutik Oqartussat IMAK-illu isumaqatigiissutaat atorfinittitsinermi atorneqassaaq. Qinnuteqartut, Kalaallit Nunaanni tjenestemanditut atorfilinnut, atorfik taanna pigiinnarneqarsinnaavoq. Akissarsiat atorfinitsitaanermullu tunngasut, Kalaallit Nunaanni Namminersornerullutik Oqartussat Ilinniartitsisut Meeqqat Atuarfianeersut Kattuffiat, IMAK-illu, isumaqatigiissutaat malinneqassapput.
Meeqqanik pinerliisimannginneq:
Atorfik una meeqqanik pinerluuteqarsimannginnermik pinerlussimannginnermillu uppernarsaammik aallernissamik inatsisitigut piumasaqaatigineqarmat.
Atorfik pillugu paasissutissat amerlanerusut pissarsiarineqarsinnaapput Karl Otto Iversen-mut sianerluni tlf: +299 387557 immaluunniit e-mailikkut: kaoi@avannaata.gl.
Qinnuteqaat ilinniarsimaneq suliffigisimasallu pillugit paasissutissartallit, ilanngullugit ilinniarsimanermut uppernarsaatit, cv il.il. nassiunneqassapput.
Qinnuteqarnissamut killissarititaasoq: juulip 2.-at, 2026