Avannaata Kommuniani atuarfiit nukittuut aamma meeqqat inuusuttullu ataqatigiissumik tapersersorneqarnissaat pilersitseqataaffigikkit
Atuarfeqarnermut suliassaqarfik MISI-Avannaalu siuttuuffigerusuppigit, ingerlatsineq patajaatsoq, suliamut pitsaassuseq ineriartortitsinerlu akisussaaffigissallugit? Avannaata Kommunia fagchefimik pissarsiorpoq, suliassaqarfimmut siunnerfiliisinnaasumik, suliassaqarfimmik ataatsimoortitsisinnaasumik, periusissiallu aalajangiinerillu meeqqanut, inuusuttunut atuarfinnullu iluaqutaasumik piviusunngortinneqarnissaannik suliaqarsinnaasumik.
Aqutsisutut qitiusumik inissisimaneq piviusumik sunniuteqarfiusinnaasoq
Atuarfeqarnermut suliassaqarfimmi MISI-Avannaanilu fagchefitut Piorsarsimassutsimut, Atuarfeqarnermut Meeqqeriveqarnermullu Ingerlatsivimmi periusissiornikkut suliamut tunngatillugu qitiusumik aqutsisuussaatit. Atorfik Ilulissani inissisimavoq. Ingerlatsivimmi pisortaq qaninnertut pisortarissavat, atuarfiit pisortaat, sulisut, siunnersortit kommunillu politikkikkut allaffissornikkullu aqutsisui qanimut suleqatigalugit.
Suliassaqarfik politikkikkut annertuumik malinnaaffigineqarpoq. Atuarfeqarnermut periusissiaq ineriartortitsinerup ingerlaqqinnissaanut siunnerfiuvoq, politikkikkullu anguniakkat suliniutinut tigussaasunut piviusunngortinneqartassapput. Taamaattumik fagchefimik pisariaqartitsisoqarpoq, politikkip, ingerlatsinerup ulluinnarnilu sulinerup akornanni ataqatigiissitsisinnaasumik, aalajangiinerillu naammassineqarnissaasa tungaanut malinnaaffiginnissinnaasumik.
Atorfimmi piumasaqaataavoq ulluinnarni ingerlatsinerup patajaatsuunissaa isumagissagit, piffissamilu ungasinnerusumi ineriartortitsineq siuttuuffigissagit. Suliassat tulleriiaarsinnaassavatit, allat peqataatilersinnaassavatit, kommunillu illoqarfiini nunaqarfiinilu ataatsimut siunnerfik aalajangiusimassallugu.
Atuarfeqarfik aamma MISI Avannaa
Avannaata Kommunia nunap isorartussusaatigut annertuvoq, atuarfiillu sumiiffinni atugassarititaasut assigiinngitsut tunngavigalugit sulipput. MISI Avannaa tassaavoq kommunip VSP/PPR-imut suliassaqarfia, meeqqat inuusuttullu pillugit perorsaanermut tarnillu pissusaanik siunnersuinermik, ilitsersuinermik suliassaqarfiillu akimorlugit tapersersuinermik suliaqartoq. Fagchefip suliassaqarfik ataatsimut isigalugu ingerlatarissavaa, sumiiffinnilu pisariaqartitat paasisimassallugit.
Atuarfeqarfiup siunnersortaanut MISI Avannaanilu sulisunut qaninnertut pisortanngussaatit. Atuarfiit aqutsisuisa perorsaanermut, sulisunut allaffissornermullu tunngasumik aqutsinerat nukittorsassavat, atuarfiit, MISI Avannaa, meeqqeriviit suliassaqarfiillu attuumassuteqartut allat akornanni qanimut suleqatigiittoqarnissaa isumagissallugu.
Suliassatit pingaarnerit
• Atuarfeqarfik MISI Avannaalu suliamut tunngatillugu periusissiornikkullu sumut ingerlassanersut ersarissumik siunnerfilersussallugit, pisortaq, atuarfiit pisortaat suliassaqarfimmilu sulisut qanimut suleqatigalugit.
• Ingerlatsinerup patajaatsumik ingerlalluartumillu ingerlanneqarnissaa isumagissallugu, tassunga ilanngullugit aningaasaqarneq, sulisoqarneq, atuartitsineq, atuartut atugarisaat, suleriaatsit allaffissornikkullu suliassat pillugit malitseqartitsineq.
• Atuarfeqarnermut periusissiami sulineq siuttuuffigissallugu, politikkikkullu anguniakkat aalajangiinerillu suliassanut piviusorsiortunut, akisussaaffinnik ersarissunik agguataarinermut ingerlaavartumillu malitseqartitsinermut nuunneqarnissaat isumagissallugu.
• Atuarfiit aqutsisui ikorfartussallugit, MISI Avannaanilu suliamut tunngatillugu aqutsinerup ersarissuunissaa suliassallu tulleriiaarneqarnerat isumagissallugu.
• Atuarfiit, MISI Avannaa, meeqqeriviit suleqatigisallu attuumassuteqartut allat akornanni suliassaqarfiit akimorlugit suleqatigiinneq nukittorsassallugu, siusissukkut ataqatigiissumillu tapersersuineq ukkataralugu.
• Politikkikkut sullissineq isumagissallugu, tassunga ilanngullugit suliassanik saqqummiussinerit, aalajangiinissamut tunngavissat, killiffimmut malitseqartitsinerit suliamullu tunngatillugu naliliinerit.
• Suliamut perorsaanermullu tunngatillugu nakkutilliineq isumagissallugu, akisussaaffigisani marlunni pitsaassuseq, paasissutissat, uppernarsaasersuineq naliliinerlu aaqqissuussamik sulissutigalugit.
• Inatsisit atuuttut, isumaqatigiissutit najoqqutassiallu atuutsinneqarnissaat malinneqarnissaallu isumagissallugu.
• Aqutsisut sulisullu atorfinitsinneqarnissaannut, sulisorineqaannarnissaannut piginnaasatigullu ineriartortinneqarnissaannut suleqataassalluni.
Suliamut tunngatillugu tunuliaqutatit
Takorloorpatsigit:
• naleqquttumik ilinniagaqarsimasutit, soorlu ilinniartitsisutut; aqutsinermik ilinniagaqarsimaneq imaluunniit ilinniaqqissimaneq naleqquttoq iluaqutaassaaq.
• aqutsinermik misilittagaqarnerit uppernarsarneqarsinnaasut, meeqqat atuarfiat pillugu annertuumik paasisimasaqarnerit; VSP/PPR, immikkut perorsaanermut tunngasut imaluunniit suliassaqarfiit akimorlugit siunnersuineq pillugit misilittagaqarneq iluaqutaassaaq.
• politikkikkut aqunneqartumi suliffeqarfimmi misilittagaqartutit imaluunniit politikkip allaffissornerullu ataqatigiinnerannik paasisimasaqartutit.
• periusissiat aalajangiinerillu ulluinnarni sulinermi atorneqarsinnaasunngortissinnaagitit, angusanillu uppernarsarneqarsinnaasunik kinguneqartillugit.
• aningaasaqarnermik aqutsineq, pilersaarusiorneq, tulleriiaarineq malitseqartitsinerlu pillugit misilittagaqartutit.
• suliamut tunngatillugu ajornartorsiutit pisariusut erseqqissumik siunertaqartumillu ingerlateqqissinnaagitit – oqaatsitigut allakkatigullu.
Inuttut piginnaasatit
Aqutsisuuvutit:
• siunnerfiliisinnaasoq, ataatsimut isiginnissinnaasoq eqqissisitsisinnaasorlu – aamma suliassat amerlasuut ataatsikkut ingerlanneqaraluarpataluunniit.
• ersarissumik aqutsisoq, tatiginnilersitsisinnaasoq suleqataarusussuseqalersitsisinnaasorlu.
• ataatsimut isiginninneq ulluinnarnilu ingerlatsineq eqqarsaatigalugit suliassanik tulleriiaarisinnaasoq aalajangiisinnaasorlu.
• aaqqissuussamik sulisartoq, isumaqatigiissutit suliniutillu naammassineqarnissaasa tungaanut malinnaavigisarlugit.
• aqutsisunik, sulisunik, politikerinik suleqatigisanillu ataqqinnilluni suliamullu tunngatillugu tatiginartumik naapitsisinnaasoq.
Neqeroorutigaarput
• atuarfeqarfimmi MISI Avannaanilu annertuumik sunniuteqarsinnaaffiusumik, aqutsisutut atorfik pingaarutilik
• suliamut tunngatillugu ineriartortitsinermut sunniuteqarnissamut, anguniakkallu pingaartinneqartut ulluinnarni sulinermi piviusunngortinneqarnissaannut periarfissaq
• aqutsisut tunniusimasut, sulisut, suleqatit politikkikkullu aqutsisut qanimut suleqatiginissaat
Akissarsiaqarnermut atorfinitsitaanermullu tunngasut
Akissarsiat atorfinitsitaanermilu atugassarititaasut Namminersorlutik Oqartussat kattuffiullu attuumassuteqartup isumaqatigiinniarsinnaatitaasup akornanni isumaqatigiissut atuuttoq naapertorlugu pissapput.
Ineqarneq atorfimmilu aallartinneq
Atorfimmut atatillugu sulisunut inissiamik innersuussisoqarsinnaavoq. Inissiamut tassunga qularnaveeqqut, ineqarnermut akiliut atuinerlu malittarisassat qaqugukkulluunniit atuuttut naapertorlugit akilerneqartassapput. Atorfininnermi sulisunut inissiaq aalajangersimasoq atorneqarsinnaanngippat, sulisut tamatumunnga pisinnaatitaasut utaqqiisaasumik vakantboligimi ineqartinneqarsinnaapput. Atorfininnermut atatillugu angalaneq pequtillu nuunneqarnerat malittarisassat atuuttut naapertorlugit akilerneqassapput.
Pineqaatissinneqarsimannginnermut meeqqanillu pinerliisimannginnermut uppernarsaatit
Atorfik pineqaatissinneqarsimannginnermut uppernarsaatip meeqqanillu pinerliisimannginnermut uppernarsaatip pissarsiarineqartarnerannut malittarisassanut ilaavoq. Atorfininneq aatsaat aallartinneqarsinnaavoq kommunip uppernarsaatit naammaginartut tigoreerpagit. Meeqqanik pinerliisimannginnermut uppernarsaat qinnuteqartup akuersineratigut kommunimit pissarsiarineqassaaq, pinerlussimannginnermut uppernarsaat qinnuteqartup nammineq politiinit pissarsiarissallugu.
Atorfininnissaq 1. november 2026-mi imaluunniit isumaqatigiissuteqarnikkut kissaatigineqarpoq.
Paasissutissat amerlanerusut
Atorfik pillugu apeqqutissaqaruit, Piorsarsimassutsimut, Atuarfeqarnermut Meeqqeriveqarnermullu Ingerlatsiviup pisortaa Anja Reimer attavigisinnaavat oqarasuaatikkut +299 38 77 41 imaluunniit e-mailikkut anja@avannaata.gl.
Qinnuteqaat
Qinnuteqaat ilinniarsimanermut uppernarsaatit attuumassuteqartut assilineri, CV kiisalu suliffinnit siusinnerusunit oqaaseqaatit innersuussutillu ilanngullugit Avannaata Kommuniata nittartagaatigut nassiunneqassaaq: Avannaata.gl/ledige-stilllinger
Qinnuteqarnissamut killissarititaasoq: septembarip 25.-at, 2026