Avannaata Kommunia, Ilulissani sanaartornermi immikkoortortaqarfimmi Projektleder-imik suleqatissarsiorpoq pr. 01.01.2026 imaluunniit isumaqatigiissuteqarnikkut.
Teknikkeqarnermut Ingerlatsiveqarfiup ataani sanaartornermut immikkoortortaqarfimmi Projektlederitut atorfeqassaatit. Suliffiup iluani sanaartornermut fagchef-imut attaveqassaatit.
Avannaata Kommunia Ilulissani qitiusumik allaffeqarpoq. Avannaata Kommuniani innuttaasut 10.650 missaanniipput, illoqarfinni sisamani nunaqarfinnilu 21-ini najugaqarlutik. Ilulissat ineriartorfiuvoq, tamaanilu mittarfik 2200 m.-erinik takissusilik sananeqarpoq, akunnittarfiit inissiallu piffissami qanittumi sanaartorneqalissallutik.
Ilulissani ippoq Ilulissat kangerluat Kangia tusaamasarsuaq, tamannalu UNESCO-p nunarsuarmiut kingornussassaattut eriagisassat allattorsimaffiannut ilanngunneqarnikuuvoq, ukiullu tamaasa takornariarpassuarnik ussagarfigineqartarluni. Aasaanerani seqineq kaaviinnartoq, qimussit, iluliarsuit, aalisarneq, UNESCO, imaq, siku arsarnerillu Kalaallit Nunaanni kommunit avannarlersaanni, Avannaata Kommuniani, ilisarnaataapput. Illoqarfimmi peqatigiiffippassuaqarpoq timersornikkut kultoorikkullu uummaarissunik, peqataaffigisinnaasannik. Illoqarfimmi arlalinnik neriniartarfeqarpoq café-qarlunilu.
Suliassat pingaarnerit
Kommunip sanaartugassaataasa siulersorneqarnerat, makku ilanngullugit:
·Avannaata Kommuniani sanaartugassanik ingerlatsineq.
·Sanaartukkat aningaasartaasa aqunneqarnerat.
·Avannaata Kommuniani ingerlatsivinnik allanik suleqateqarneq.
·Siunnersortinik suleqateqarneq.
·Sanaartugassanik neqeroortitsineq suliariumannittussarsiuussinerlu
Suliassat taaneqartut atorfimmi pingaarnertut suliassaapput, tamakkulu aqqutigalugit teknikkeqarnermi ingerlatsivimmi suliassat akimorlugit suliassanik suleqatigiinnermi peqataanissaq naatsorsuutigineqassaaq.
Piginnaasat kissaatigineqartut
Qinnuteqartut suliassanut piginnaasaqarluartut aamma sanaartornermi ingeniøritut/sanaartornermi konstruktøritut/teknikkeritut uuttortaasartutut, illuliornerup sanaartornerullu iluani taamaaqataanik ilinniagaqarsimasut kissaatigivagut.
·Sanaartornermi nunaminertanillu atuineq pillugit inatsisit misilittagaqarfigissavatit.
·Atorfiup taamaaqataanik misilittagaqassaatit.
·Suliassat pillugit eqaatsumik takutitsisinnaassaatit.
·Qarasaasianik atuilluarsinnaassaatit, Office-pakke aamma ERP Prisme atorsinnaassavatit.
·Allattariarsorlutit, oqalullutit titartaallutilluunniit attaveqallaqqissuussaatit.
·Kalaallisut qallunaatullu oqaaseqartuussaatit, tamannali piumasaqaataanngilaq.
·Suliffeqarfimmi politikkikkut aqunneqartumi sulisinnaassaatit.
Piginnaasat
·Nammineersinnaassuseqassaatit, peqqissaartuullutit, aaqqissuussaasumik suleriaaseqarlutit suliassallu pillugit paasisimasaqarluarlutit
·Suliffimmi ulapaarfiusumi piumasaqarfiusumilu, taamaattorli sullivimmi pitsaasumik avatangiiseqartumi suliassatigullu ineriartorfissaqartumi, sulisinnaassaatit.
·Suliassat inuillu pillugit tamakkiisumik isiginnittariaaseqassaatit.
·IT aningaasaqarneq il.il. pillugit ilisimasaqassaatit.
·Piffissani uippakajaarnaraluartuniluunniit eqqissisimasinnaassaatit.
·Qiimasuussaatit angusaqarusuttuullutillu.
Akissarsiat atorfeqarnermilu atugassarititaasut
Akissarsiat atorfeqarnermilu atugassartititaasut,, atorfininnerup nalaani, Naalakkersuisut kattuffiullu isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinitsinneqarneq qaammatini pingasuni misilitsinnermik aallaqqaaserneqassaaq.
Atorfimmut atatillugu inissaqartitsisoqangilaq.
Atorfik pillugu
Atorfik sanaartugassanut immikkoortortami inissisimavoq, tassani Avannaata Kommuniani sanaartugassanut tunngassuteqartut suliarineqartarput.
Teknikkimut ingerlatsivik maannakku 21-nik sulisoqarpoq, taakku arkitekt-iupput, ingeniøriupput, konstruktøriupput teknikeriullutilluunniit. Nunap immikkoortua Ilulissaniit avannamut, Uummannaq, Upernavik Qaanaarlu, kiisalu nunaqarfittai ilanngullugit, suliffigineqarpoq.
Teknikkimut ingerlatsivik innuttaasunut inuussutissarsiortunullu attaveqarpoq.
Pineqaatissinneqarsimannginnermut uppernarsaat
Atorfik una pineqaatissinneqarsimannginnermut inatsit malillugu ujartorneqarnissaanik piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq, kommunip naamaginartumik pineqaatissinneqarsimannginnermut uppernarsaatit tigoreernerisa kingorna. Taammattumik erseqqissaatigissavarput, atorfinitsitsineq aatsaat isumaqatigiiffiusinnaammat paasissutissat tamakku kommunimit tiguneqareerpata.
Atorfininneq, piaarnerpaamik isumaqatigiissuteqarnikkulluunniit.
Atorfik pillugu paasissutissat amerlanerusut pissarsiarineqarsinnaapput fagchef Rasmus Jervelund attavigalugu (+299) 38 77 38, e-mail: rtj@avannaata.gl
Qinnuteqaat
Qinnuteqaat soraarummeersimanermut uppernarsaatit, CV, oqaaseqaatit, sulisinnaassuseqarneq pillugu paasiniaaffigineqarsinnaasut pineqaatissinneqarsimannginnermullu uppernarsaat ilanngullugit Avannaata Kommuniata nittartagaani ”atorfik una qinnutigiuk” toorlugu nassiunneqassapput, kingusinnerpaamik 30. November 2025.
Qinnuteqarfissaq kingulleq: 30. November 2025
Qinnuteqarnissamut killissarititaasoq: novembarip 30.-at, 2025