Avannaata Kommunia Ilulissani Avatangiisinut sullissisutut atorfik inuttassarsiuunneqarpoq 1. februar 2026 imaluunniit isumaqatigiissuteqarnikkut sulilersussamik.
Avatangiisinut sullissisutut atorfiik Ilulissani meeqqat inuusuttut ilaqutariillu akornanni pitsaaliuinermik suliaqartussaavoq. Qaninnertut aqutsisorissorissavaa Ilulissani Peqqinneq Sunngiffillumi aqutsisoq
Avatangiisinut sullissisutut naattorsuutigissavaa nikerartumik sulisarnissani
Avatangiisinik sullissisutut ilaatigut makku suliassarissavatit:
- Kommunimi susassaqarfiit tamaasa suleqatigalugit siusinaarluni pitsaaliuinermi iluanipitsanngorsaataasussanik ineriartortitsineq
- Ukiumut iliuusissatut pilersaarusioqataaneq, sulianik nalunaarusiornerlu
- Sunngiffimmi meeqqanut inuusuttunullu susassaqartitsinermi suleqataaneq
- Najukkami nunaqarfinnilu pinaveersaartitsinermik ataatsimiisitaliamut ingerlatsineq
- Kommunimi avatagiisaanni sullissineq, siusinaarluni pitsaaliuinermi, peqqinnerup sunngiffimmilu suliniutigineqartussanik pilersaarusiorneq, atuutilersitsineq qulakkeerinninniarnerlu. Aammalu politikkikkut suliarineqaqqullugit aalajangersarneqartut pisortarisamit suliakkiutigineqartut suliarineri
- Kommunip iluani najukkami pilersaarutit aamma pitsaaliuinermi ataatsimiititaliap suliassatut innersuussutai naapertorlugit suliaqarneq
- Atuartut aasaanerani Uujummiuni aallaarsimaarnissaannut ataqatgiiissaarineq angallasseqataanerlu
- Atuartunut dukkeprojekt-imik ingerlatsineq
- Nakuusa-kkunnut ataqatigiissaarineq allattaanerlu
Pitsaaliuinermik politikki, iliuusissatut pilersaarut tunaartaralugit sulineq
Ukuninnga pisinnaasaqarnissat kissaatigineqarpoq:
Nammineersinnaassuseqarneq, susassaqarfiit akimorlugit suleqateqarsinnaassuseqartuuneq, tunuarsimaartuunnginneq, suleqatikkuminartuuneq, aaqqissuussanut sassarsinnaassaaq, nammineersinnaassuseqarluartuuneq, akisussaassuseqarluartuuneq, suleriallaqqissuuneq, suliassarsiullaqqissuseq, nunatsinni inuiaqatigiit ingerlaasaannik ilisimasaqarneq. Inuk ammasoq, eqaatsumik suleriaasilik, tunniussimasoq, attaveqallaqqissuunini atorlugu inerisarneqarnissaanik suliaqarusullunilu piginnaasaqarluartoq atorfissaqartinneqarpoq.
Marluinnik oqaasilinnik suleqateqarsinnaaneq, nammineq piginnaasat pisinnaasallu pingaartinneqarneri
Ilinniakkatigut piumasaqaatit:
Avatangiisinut sullissisutut atorfinittussaq ilinniakkatigut inunnik isumaginninnermi peqqissaanermilluunniit ilinniagalik, imaluunniit perorsaasutut ilinniagalik kissaatigineqarpoq, toqqaannartumilli piumasaqaataanani, inuk allamik ilinniagalik inunnillu isumaginninnermik sulinermik misilittagalik aamma atorfimmut piukkunnaateqarsinnaavoq.
Akissarsiaqarneq atorfinitsitaanerlu:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Pisortatigoortumik pinerlussimannginnermut uppernarsaat (Straffeattest) meeqqanillu pinerliisimannginnermut uppersarsaat (Børneattest)naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.
Atorfik pillugu annertunerusumik paasisaqarusukkuit Ilulissani Peqqinneq Sunngiffillumi aqutsisoq Linda Jerimiassen attavigisinnaavat Tlf.: 38 55 76 imaluunnit e-mail: lije@avannaata.gl
Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaat il.il. ilanngullugit Avannaata Kommuniata nittartagaaneeriissapput kingusinnerpaamik 09. januar 2026.
Qinnuteqarnissamut killissarititaasoq: januaarip 9.-at, 2026