Avannaata Kommunia – Ilaqutareeqarnermut ingerlatsivik.
Ilaqutariinnut meerartalinnut eqqugaaratarsinnaanerusuniittunut, sullissinissat soqutingaajuk.
kiisalu ilaqutariilerinermi katorsaanermik suliaqarneq uummateqarfingaajuk. Taamaammat illiusimasinnaavoq ujartungarput.
Atorfinititsineq pissaaq 01. marts 2026 imaluunnit isumaqatigiissuteqarnikkut.
Atorfik pillugu
Ilulissani ilaqutariinnut sullissivik Ilaqutariinnut katsorsaasumik piumassusilimmik, sulisussarsiorpoq. Sulisumik tamakkiisumik ilaqutariinnut, katsorsaanermillu suliniutinut isiginnittariaaseqartumik, meeqqanut inuusuttuaqqanullu persuttaanermik, kinguaassiuutitigullu kanngutsaattuliorfigineqarsimasunut, kiisalu ilaqutariinnut eqqungaaratarsinnaanerusuniittunut.
Atorfik Ilulissani ilaqutariinnut sullisivimmi allaffeqarfeqarpoq, Ilaqutareeqarnermut ingerlatsiviup ataaniittumi. Atorfillu pisortaqarfiit akimorlugit suleqatigiinnermik suliassaqarfeqarpoq.
Pingaarnertut suliassat
·Ataasiakkaaraluni, ilaqutariittut, avatagiisitigoortumilluunniit katsorsaaneq.
·Meeqqanik inuusuttuaqqanillu nalaatsinerlunnermik, kingunerlunnartumilluunniit inuunermi nalaataqarsimasumut katsorsaaneq.
·Pinartumik nalaataqartunut, nalaatsinerluummik, tapersersuilluniluunniit oqaloqatiginninneq.
·Katsorsaanermik ingerlariusissamik pilersaarusiornermik malitseqartitsinermillu, ilaqtuariinnut sullissisut peqatigalugit suliaqarneq.
·Susassaqartut akimorluni suleqatigiinnermik peqataaneq, ilaatigut ass. Netværksmøde, sagssamråd, behandlingskonference. Il.il.
·Suliniutit, suliallu allagangortitsineq, ineriartortitsinermillu peqataaneq.
·Suleqatit peqatigalugit kingunerluutinut paasinninnerunissamik katsorsaanermillu ilisimasaqarnerulernissamik aqqutissioqatigiinneq.
·Tamanut ammasumik siunnersuinernut aqqutissiuinermullu peqataaneq.
Suliatigut piginnaasarisassat
- Socialrådgiver, pædagog assigusumilluunniit ilinniagaqarnissaq.
- Kingunerluuteqarsimasunut suliaqarnermik, katsorsaanermilluunniit ilinniaqqissimanissaq, pikkorissarsimanerluunniit iluaqutaassapput.
- Meeqqanut eqqungaaratarsinnaasunik sullissinermik, minnerunngitsumillu persuttangaasimasunik, kanngutsaattuliorfigineqarsimasunillu sullissinermik misilittagalik.
- Ilaqutariilerinermik avatagiisaanillu sullissinermik ilisimasaqarneq.
- Aaqqissuussaalluartumik sulisinnaassuseqarneq kiisalu suliatigut allagannguisinnaassuseqarneq.
Inuttut piginnaasarisassat
- Misigeqataasinnaaneq, eqqissisimasuuneq, susassareqatigiinnermut nukittuffeqarneq.
- Ilaqutariinnut, meeqqanullu sullissinermi, patajaatsuuneq, naammagittarsinnaassuseqarnerlu
- Oqaloqatigiinnermi oqimaatsuni, toqqissisimatitsisinnaaneq, tatiginartuusinnaanerlu.
- Ersasissumik, ammasumillu isummersinnaassusilik, supervisionimut suliatigullu ineriartornissamut ammatitsisoq.
- Eqaatsumik suleqatiginnitsumillu suleriuseqarneq.
Atungassarititaasut
- Suliffik isumaqarluartoq, suliatigullu unamminarsinnaasumik suliassaqarfiusoq.
- Suliatigut ataavartumik isummersorfiusoq, siunnersuiffiusorlu.
- Suliatigut piumassuseqarfiusumik akimorlunilu sulinermik avatagiiseqartoq.
- Ilaqutariinnut kingunerluutinullu katsorsaanermik suliatigut ineriartorfiulluarsinnaasoq.
Akissarsiat atorfinitsitaanermullu atugassarititaasut
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiat atorfinitsitaanermilu atugassarititaasut Avannaata Kommuniani kiisalu kattuffik isumaqatigiissuteqarfissarlu akornanni isumaqatigiissutaannut naapertuuttumik pissapput.
Atorfimmut atatillugu inissaateqanngilaq.
Sukumiinerusumik paasisaqarusuppit?
Atorfik pillugu annertunerusumik paasissutissat Ilulissani Ilaqutariinnut sullissivimmi aqutsisoq Mike-Lars Zeeb, imaluunniit mail-kkut: milz@avannaata.gl oqarasuaatikkulluunniit: +299 38 55 61 (aqutsisup oqarasuaataa toqqaannartoq) imaluunniit +299 385579 (ilaqutariinnut sullissiviup oqarasuaataa) attavigisinnaavatit.
Qinnuteqaat soraarummeernermut uppernarsaatit qinnuteqarnermut attuumassuteqartut assilineri ilanngullugit, CV kiisalu oqaaseqaatit sumilu sulisimanermut uppernarsaatit, meeqqanut pinerlussimannginnermut kiisalu pinerluuteqarsimanermut uppernarsaatit kingusinnerpaamik ulloq 20. februar. 2026 uunga nassiunneqassapput Avannaata Kommuniata nittartagaatigut iserluni.
Ulloq atorfiniffissaq: 01. marts 2026
Ulloq qinnuteqarnissamut killigititaq: 20. februar 2026.
Qinnuteqarnissamut killissarititaasoq: februaarip 20.-at, 2026