Avannaata Kommunia nutserisumik/oqalutsimik ilinniarsimasumik ujartuivoq 1. august 2026 imaluunniit sukkanerpaamik atorfinissinnaasumik. Atorfik Ilulissani inissisimavoq allattoqarfiup ataani.
Neqeroorutigaagut
Nutserinermut immikkoortortaqarfimmi pingasunik atorfilimmi ilaalissaatit, tamaanilu ulluinnarni qanimut suleqatigiittarpugut, avitseqatigiittarluta aamma ikioqatigiittarluta. Qeratanngitsumik nuannersumillu attaveqaqatigiittarpugut aamma ulapaarfinni.
Ullutit suliffiusut nikerartartussaapput suliassatik assigiinngiaarlutik, pingaarnertullu innuttaasut, atorfillit aamma oqartussat imminnut paaseqatigiinnissaannut ikiorlugit suliaqartartussaavutit. Suliaqarnerit allannguutaallunilu qujamasuutigineqassaaq. Nutserisoqarfiup ineriartornissaanut suliaqaqataanissannut periarfissaqassaatit.
Sulineq allattoqarfimmi kommunillu suliffeqarfiini allani ingerlasassaaq. Ullut ilai ulapinnartarput aamma ilaanikkut unnukkut weekendinilu sulineq pisinnaasassaaq. Sapaatip akunneranut akunnerit 40-t suliffiusassapput. Atorfimmut atatillugu sulilluni angalasarnissat naatsorsuutigineqassapput.
Suliassatit
- Kommunimi systemit aqqutigalugit suliassanik nalinginnaasunik nutserineq
- Sullissivimmi, MISI-mi, Ilaqutariit illuanni aamma Majoriami oqaluttaaneq
- Ataatsimiititaliat aamma Kommunalbestyrelsip ataatsimiinnerini (KommuneTV-kut) toqqaannartumik oqaluttaaneq
- Nutsikkat pitsaassusaanik isumannaarinninneq
- Ulluinnarni suliassanik amerlasuunik namminersorluni suliaqartarneq
Naatsorsuutigaarput illit
- Nutserisutut/oqalutsitut ilinniagaqarsimassasutit
- Suleqateqarluarsinnaassuseqartutit aamma suliassaqarfiit akimorlugit suliaqarsinnaassuseqartutit
- Aaqqissuussaasumik suliaqarsinnaasutit aamma pitsaasuutitsinissamik isiginiagaqassasutit
- Suliassanik amerlasuunik ataatsikkut suliaqarsinnaassasutit
- Suliffeqarfimmik politikkikkut aqunneqartumik suliaqartarneq misilittagaqarfigigukku pitsaassaaq
Kommune pillugu
Avannaata Kommunia 10.800-nik innuttaasoqarpoq taakkulu illoqarfinni Ilulissani, Uummannami, Upernavimmi aamma Qaanaami kiisalu inoqarfinni 21-ni siammarsimallutik najugaqarput. Ilulissat illoqarfiuvoq ineriartortoq annertuumillu suliaqarfiusoq aamma 2026-mi mittarfissuartaartussaavoq. Aasakkut takornariarpassuit illoqarfimmut tikerartarput aamma peqatigiiffilerinerinissamut avatangiisiniinnissamut periarfissagissaarpoq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
Atorfinititsineq qaammatini pingasuni misiliutitaqassaaq.
Inissaq
Atorfimmut atatillugu inissaqartitsisoqarsinnaavoq.
Atorfinititsinissamut oqaloqatigiinnerit Teams aqqutigalugu ingerlanneqassapput.
Qinnuteqarneq attaveqarfissarlu
Paasissutissanik amerlanerusunik pisariaqartitsiguit oqaluttaaneq Najannguaq H. Petersen mailianut: nape@avannaata.gl imaluunniit oqarasuaataanut: (+299) 38 76 08 attaviginissaanut tikilluaqqusaavutit.
Qinnuteqaat, ilanngussassat pisariaqartinneqartut ilanngullugit kommunip nittartaa aqqutigalugu nassiunneqassapput kingusinnerpaamik
Qinnuteqarnissamut killissarititaasoq: juulip 20.-at, 2026