Meeqqat ineriartornikkut ernumanartumik atungaqartut sullissallugit pileringiviuk? Atuarfimmi Inunnik Isumaginninnermut Siunnersortitut atorfik Atuarfik Edvard Kruse, Uummannaq-mi inissisimavoq.
Atuarfimmi Inunnik Isumaginninnermut Siunnersortip patajaallisartussaassavaa nukit-torsaaqataaffigisassallugu, atuartut isumaalunnartumik ineriartornikkut atugaqartunut siusinaartumik aamma pinaveersaartitsinermik suliniaqataaffigissallugu. Isumaginnittoqarfimmiit meeqqanut tunngasut pillugit ataatsimeeqateqarnerit ingerlattassavai, ulluinnarnilu atuartunik, angajoqqaanik, ilinniartitsisunillu inulerinermut tunngasunik siunnersuineq ingerlattassallugu.
Atuarfimmi Inunnik isumaginninnermut siunnersorti Ilaqutareeqarnermut ingerlatsivimmut upalungaarsimasutut atuutissaaq, atuarfillu suleqatigalugu atuartunut inuttut imaluunniit pissusilersornikkut ajornartorsiuteqartunut tapersersuinermik pisariaqartinneqartumik neqeroorfigineqarnissaannik qularnaarinnittussaalluni.
Atuarfik Edvard Kruse tassaavoq meeqqat atuarfiat 195-inik atuartoqartoq, 1.-10. klassenut agguataarsimasunik kiisalu immikkut atuartitsiviit klassit tallimat. Atuarfimmi ilinniartitsisut 29-iupput, atuarfiup pisortaanut tullersorti ataaseq kiisalu atuarfiup pisortaa ataaseq.
Atorfinitsitsineq pissaaq 1. August 2026 imaluunniit immikkut isumaqatigiinnikkut.
Suliassat aamma akisussaaffiit
Naatsorsuutigaarput illit:
• Inunnik isumaginninnermi siunnersortitut ilinniagaqarsimasutit
• Inunnik isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataatsimut isigalugu, meeqqat tapersersorneqarnissaat pillugu Inatsisartut inatsisaannik, atuarfeqarnerup ingerlanneqarneranik ilisimasaqartutit aamma/imaluunniit allatut inunnik isumaginninnermik suliaqartutut misilittagaqartutit.
• Suleqatigiinni sulisinnaasutit, suleqatiginninnissamut piginnaasaqarluartutit, allanillu akuutitsisinnaasutit.
• Attaveqarnissamut ilitsersuussinissamullu pikkorissuusutit.
• Meeqqanut inuusuttunulluu attaveqarnermik pitsaasumik pilersitsisinnaassuseqartutit.
• Namminersorlutit sulisinnaasutit, suliassat aaqqissuunnissaannut, ataqatigiissaarnissaannut, pilersaarusiornissaannut malitseqartinneqarnissaannullu pikkorissuusutit.
• Oqaatsinik marluuusunik atuisinnaasut (kalaallisut/qallunaatut) qinnuteqartut salliutinneqassapput.
Akissarsiat aamma atorfeqarnermi atugassarititaasut
Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput.
Pinerluuteqarsimannginnermut uppernarsaatit
Inatsisit malillugit piumasaqaataavoq meeqqanik pinerlussimannginnermut aammalu pinerluuteqarsimannginnermut uppernarsaammik aallertoqarnissa, tamanna atorfinitsitsisussap atorfinittussap akuersineratigut pissaaq.
Attaveqarfissaq:
Annertunerumik paasisaqarusukkuit Atuarfik Edvard Kruse pisortaa Arnak Mathiassen attaveqarfigisinnaavat telefon +299 95 45 40 (alma@avannaata.gl) imalunniit tullersortaa Tekle Ghebrelul – +299 954539 (tghe@avannaata.gl).
Qinnuteqarnissamut killissarititaasoq: maajip 5.-at, 2026