Avannaata Kommunia Teknikkimut Avatangiisinullu Ingerlatsivimmi Ilulissani inissisimaffeqartumik ingerlatsinermut ataqatigiissaarisumik tunniusimasumik akisussaassuseqartumillu pissarsiorpoq. Atorfiup pingaarnertut siunertaraa teknikkimut tunngasuni ingerlatsinerup pitsaasumik ingerlanneqarnissaa qulakkeerneqassasoq, aamma suliassaqarfimmi fagchefi aningaasaqarnermik malitseqartitsinermi, pilersaarusiornermi kommunillu ingerlatsinermut suliassaasa ataqatigiissaarneqarneranni tapersersorneqassasoq.
Teknikkimut Avatangiisinullu Ingerlatsivimmi qitiusumik inissisimalissaatit, Avannaata Kommunianilu illoqarfinni nunaqarfinnilu tamani kommunip teknikkimut tunngasunik ingerlatsinerata eqaatsumik sunniuteqarluartumillu ingerlanneqarnissaa qulakkeerniarlugu pingaarutilimmik suliassaqassallutit.
Immikkoortortaqarfiup suliassaqarfiini makkuninnga suliaqassaatit:
• Nunaqarfinni illoqarfinnilu eqqagassalerinerup ineriartortinnera
• Innuttaasunut pitsaasumik sullissineq saaffiginnissutillu suliamut ilisimasaqassuseqarluni suliarisarnissaat
• Kommunalbestyrelsip aalajangiinerinut naapertuuttumik teknikkimut tunngasunik ingerlatsinermik pilersuinermillu ataqatigiissaarineq malitseqartitsinerlu
• Ingerlatsinermi sulisut piginnaasaannik ineriartortitsinermut peqataaneq, ilaatigut eqqakkanik ulorianartunik isumaginninnermik maskiinanillu aserfallatsaaliuinermik ilinniartitsineq
• Sanaartornermut pisortap akuerisaanik Ilulissani sanaartugassat annikinnerusut naammassineqarnissaannik qulakkeerinninneq
• FFL-imut kommunillu aserfallatsaaliuinermut suliniutaannut ukiumoortumik qinnuteqaatinik suliaqarneq
• Missingersuutinik malitseqartitsineq qaammammullu aningaasaqarnikkut nassuiaatinik suliaqarneq
• Pisiniarnernik annertuunik ataqatigiissaarineq, neqeroorutinik pissarsiniarneq pisiniarnerillu annertunerusut pilersaarusiorneqarnerannut peqataaneq
• Kommunip ingerlatsinermut illuutaanik nunaqarfinnilu ikuallaavinnik nakkutilliisuuneq, aserfallatsaaliuineq immikkut ukkataralugu
• Kommunip motoorilinnik qamutaataanik atuinerup aserfallatsaaliinerullu nalunaarsornissaat pilersaarusiornissaallu
• Asfaltilersuinermi suliassanik ataqatigiissaarineq
Eqqagassalerisut ingerlatsinermilu sulisut allat, ingerlatsinermi aaqqiissutissanik siunnersorneqarnissamik pisariaqartitsigajuttut, qanimut attaveqarfigisassavatit.
Piginnaasat
• Pisortat suliffeqarfiutaanni imaluunniit ingerlatsinermik, illuliornermik sanaartornermilluunniit suliaqartumi misilittagaqarneq
• Kalaallit Nunaanni pissutsinik inatsisinillu suliamut attuumassuteqartunik ilisimasaqarneq.
• Kalaallisut allattariarsornikkut oqaluttariarsornikkullu piginnaasaqarneq piumasaqaataavoq, qallunaatullu allattariarsornikkut oqaluttariarsornikkullu piginnaasaqarluarnissaq.
• Teknikeritut, konstruktøritut, ingeniøritut imaluunniit assingusumik ilinniagaqarsimasuuneq – imaluunniit suliamut attuumassuteqartumik ilinniagaqarsimasuuneq sulinermilu misilittagaqarneq
• IT-mik atuinissamut ilisimasaqarneq, Office-programmit, Winformatik ERP-systemillu ilanngullugit
• Ilulissat avataani nunaqarfinnut illoqarfinnullu angalallunilu najugaqarallarnissamut piumassuseqarneq
• Attaveqaqatigiilluarsinnaaneq suliassaqarfiillu akimorlugit suleqatiginnissinnaaneq
• Inuiaqatigiinni marluinnik oqaaseqarfiusuni kulturikkut oqaatsitigullu pissutsinik ataqqinninneq paasinninnerlu
• Aaqqissuussamik nammineerlunilu sulisinnaaneq, pitsaassutsimik akisussaassuseqarnermillu pingaartitsineq
• Politikkikkut aqunneqartumi suliffeqarfimmi sulinissamut soqutigisaqarneq
• Minnerpaamik biilersinnaanermut allagartaq B-mik peqarneq
Neqeroorutigivagut
• Suliffik soqutiginartoq allanngorartorlu, nammineersinnaanermik akisussaaffeqarnermillu imalik.
• Suliffimmi suleqatigiinneq pitsaasoq suleqatinillu pikkorissunik tunniusimasunillu peqateqarneq.
• Suliamut inuttullu ineriartornissamut periarfissat pitsaasut.
• Suliffik unammilligassartalik pissanganartorlu, angalasarnissamik ilaqartoq.
Akissarsiat atorfinitsitaanermilu atugassarititaasut:Akissarsiaqartitsineq atorfinitsitaanerlu isumaqatigiissut atuuttoq attuumassuteqartoq naapertorlugu pissapput.
Atorfimmut atatillugu inissaqartitsisoqassanngilaq, qinnuteqartoq kommunimi maanna atorfeqarnerminut atatillugu inissaqartinneqareersimanngippat.
Atorfik 1. septembari 2026-imi imaluunniit isumaqatigiissuteqarnikkut inuttalerneqarnissaa kissaatigineqarpoq.
Ilulissat pillugitAtorfik Ilulissaniippoq, illoqarfimmi 5.000-it missaannik innuttalimmi Kalaallit Nunaata Avannaani allaffissornikkut, kulturikkut, inuussutissarsiornikkut ilinniartitaanikkullu qitiusumik inissisimasumi.
Illoqarfik sukkasuumik ineriartorpoq, taamaattumillu kommunip sullissinerata pisortat sullissiviannut suliffeqarfiup iluani avataanilu ilimagineqartunut tamatigut naapertuunnissaa annertuumik piumasaqaataavoq. Illoqarfiup pinngortitarsuarmi kusanartumi inissisimanera aamma piniarnermut, aalisarnermut umiatsiamillu angalanermut asseqanngitsunik periarfissaqartitsivoq.
Atorfik pillugu paasissutissat sukumiinerusut Teknikkimut Avatangiisinullu Ingerlatsivimmi stabschef Natazia Nielsen oqarasuaatikkut +299 38 77 18-imut imaluunniit e-mailikkut nlge@avannaata.gl-imut saaffigalugu pissarsiarineqarsinnaapput.
QinnuteqaatQinnuteqaat CV-mik, pinerluuteqarsimannginnermut uppernarsaatit, soraarummeernermut uppernarsaatit innersuussutillu assilinerinik ilallugu nassiunneqassaaq Avannaata kommuniata nittartagaatigut avannaata@gl Avannaata/ledige-stillinger toorlugu.
Qinnuteqarnissamut killissarititaasoq: aggustip 26.-at, 2026