Ilulissani Majoriaq 15. november 2024 aallarnerfigalugu, Immikkoortortami aqutsisumik, allaffissornerup iluani pissarsiorpoq.
Ilulissani Majoriaq, Immikkoortortami aqutsimik pisariaqartitsilerpoq. Immikkoortortami aqutsisoq atorfinikkuni, Majoriami tullersortitut atorfininnissaa siunertaavoq. Immikkoortortami aqutsisup, Majoriami Pisortaq qanimut suleqatigalugu, Majoriap ulluinnarni akisussaaffigisaanik akisussaaqataalluni suleqataassaaq.
Suliassat akisussaaffiillu:
·Illoqarfimmi aammalu nunaqarfinni innuttaasunik suliffeqarnikkut ilinniagaqarnikkullu siuarsaanermut peqataaneq
·Majoriami suliassat naliginnaasut ilanngullugit akisussaaffigineri
·Majoriami atorfeqartunut akisussaaqataaneq, ilinniagaqaqqinnikkullu ineriartortinneqarnissaanik suleqataaneq
·Majoriami Pisortaq peqatigalugu, aningaasanik nakkutiginninneq
·Sulinerullu ingerlanneqarneranut nutaaliornernik aaqqiissutaasinnaasunillu siunnersuineq
Atorfimmut naapertuuttumik ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini sisamani innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.
Majoriaq assigiinngitsunik suliarpassuaqarmat naatsorsuutigaarput tunniussimasuunissat, suliassallu assigiinngitsut suliakkiissutigineqartut naammassillugit suliarisinnaassagitit.
Pisinnaasat:
- Atorfimmut naapertuuttumik ilinniagaqarsimasoq
- Aqutsisut misilittagaqarneq
- Inuusuttunik inersimasunillu sullisserusuttoq
- Sulilluartoq, imigassamik aanngajaarniutinillu ajornartorsiuteqanngitsoq.
- Marluinnik oqaaseqartoq, kalaallisut qallunaatullu, kisiannili piumasaqaataanngilaq.
Naatsorsuutigissavat suliamut tunngatillugu ilinniaqqissinnaangavit, pingaartumik aqqutisutut ilinniartitaanermut.
Akissarsiaqartitsineq atorfinitsitinerlu:
·Atorfinitsinneqartoq, Immikkoortortami pisortatut Naalakkersuisut SIK-llu Allaffissorneq Niuernerlu pillugit isumaqatigiissutaat, imaluunniit AK funktionsoverenskomst malillugu atorfinitsinneqarsinnaavoq.
·Atorfimmut atatillugu inissaqartitsisoqarpoq.
Atorfik pillugu paasissutissat amerlanerusut pissarsiarineqarsinnaapput Ilulissani Majoriami aqutsisoq Theresia Iversen sianerfigineratigut, uunga 38 75 85 imaluunniit mailikkut; thpt@avannaata.gl
Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit kingusinnerpaamik 4. November 2024, nassiunneqassapput Avannaata Kommuniata nittartangaa iserfigeriarlungu “Atorfik una qinnuteqarfingiuk” toorneratigut uani: www.avannaata.gl
Qinnuteqarnissamut killissarititaasoq: novembarip 4.-at, 2024