Pleje afdeling Unganartoq Ilulissani Avannaata Kommuniania, immikkoortortaani aqutsisussarsiorpoq / Pleje afdelings leder Qupannavaat, piaartumik imaluunniit isumaqatigiinnikkut atorfinittussamik inuttassarsiorpoq
Plejeafdeling Qupannavaani aqutsisuata qaninnertut qullersarissavaa Unganartumi aqutsisoq.
Atorfeqartup annerusumik suliassai:
·Isumannaassallugu illorsuit iluanni suleqatigiisitat qanimut suleqatiginissaat
·Isumannaassallugu tunngavilissallugulu sullitat nukissaat pisariaqartitallu nalilersorluarnissaat paaqqutarineqarnerinut peqqissutsikkullu, ataavartinneqarnissaat
·Unganartumi aqutsisoq suleqatigalugu inatsisit maleruaqqusallu malinneqarnissaat
·Suliffieqarfiup iluani maleruaqqusat aallaavingalugit naapeqatigiittarnissanut isumannaareeqataanissaq
·Immikkoortortaqarfiup iluani sulisunik agguataarisinnaaneq nukiit naapertuuttumik atorneqarnissaat isumannaarlugit
·Sulisut atuartillugit, ilitsersuullugit aqqutissiullugillu
·Paqqqutarinninnerup pitsaanerpaamik, matumani katsorsartinneq iisartakkanillu tunniussuinerup nakorsap innersuussutaanut naapertuuttumik ingerlanneqarneranut
·Sulisut sullitaminnut naapertuuttunik ilisimasaqalernissaat isumannaarlugu
·Najugaqartup sungiusarneqarnissaanut neqeroorfiginissaanut ikiorserneqarnissaanullu akisussaallunilu piviusunngortitseqataanissaq
·Sulisut ilinniartullu immikkoortortaqarfimmut iserluartinnissaat ilitsersuulluarnissaalu isumannaarnissaanut akisussaasuunissaq
·Suliffik suliffigiuminartunngornissaa tarnikkut timikkullu suleqatigiillu akornanni toqqissisimanartunngortinnissaat
·Najugaqartut qanigisaasullu ammasumik suleqatigiiffiusumillu pilersitseqataanissaa akisussaaffiginissaalu
·Najugaqartunut ataasiakkaanut iluaqutaasussamik sullissinikkut pitsaassutsimik pitsanngorsaanissamut akisussaaqataasoq
·Najugaqartup sungiusarneqarnissaanut ujartueqataanissaq piviusunngortitseqataanissarlu
·Paaqqutarinninnermik misissuinissaat pillugit, ineqartut amerlassusaannut aaqqiissutissat siunertaralugit suliaqarnissamut akisussaaqataaneq
Atorfimmut immikkut piumasaqaatit :
·Sundhedshjælper assigusumilluunniit ilinniangaqarsimaneq, utoqqarnut innarluutilinnut sullissinissamik pikkorissarsimanermik imaqarsinnaavoq aammalu pikkorissarnissamut kajumissuseqarneq.
·Utoqqarnik kiisalu aamma inersimasut timimikkut innarluutilinnut sullissinermi misilittangalik aammalu eqqarsartaatsikkut annikillisamik soorlu puiguttortunik sullissineq
·Aqutsinermik misilittagaqarneq assigisaanilluunnit sulisimaneq/ilinniagaqarsimaneq
·Namminersorluni sulissinnaassuseqarneq
·Suleqatiginnissinnaassuseqarneq
·Naammangittassuseq aammalu akuersaarsinnaassuseqarneq
·Eqqarsartaatsikkut patajaatsoq
·Tatiginartoq, tunniusimasoq kiisalu akisussaaffimmik ilisimaarinnittoq
·Maligassiusoq
·Nutaaliorsinnaaneq aammalu nutaaliornissamut eqqarsartariaasilik
·Atuisunut aammalu attaveqaatinut attaveqallaqqissuseq
·Aaqqiangiinngissutsinut suliarinnillaqqittoq
·Eqaatsumik suleriusilik kiisalu naleqqussarnissamut piareersimassuseqartoq.
Atorfinitsitsineq akissarsiaqartitsinerlu:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Pinerlussimannginnermut uppernarsaatit, meeqqanullu pinerliisimannginnermut uppernarsaatit naammaginartut tunngavigalugit atorfinitsitaaneq pissaaq.
Paasissutissat annertunerusut:
Paasissutissat annertunerusut Plejecenter Unganartoq PisortaqArnanguak Blytmann pissarsiarineqarsinnaapput email: aqbn@avannaata.gl imaluunnit oqarasuaat +299 38 55 88
Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq kingusinnerpaamik3. november 2024 Avannaata Kommuniata nittartagaatigut: www.avannaata.gl
Qinnuteqarnissamut killissarititaasoq: novembarip 3.-at, 2024