Ilaqutariit ikiornissaminnik pisariaqartitsisut ikiortariaqartullu ikiornissaannik soqutiginnippit? Taamaassimappat immaqa illit tassaavutit ujartugarput.
Avannaata Kommuniani Ilaqutariit illuat ilulissat, ilaqutariinnik aqqutissiuisumik, ilaqutariinnik sullisserusuttumik pissarsiorpoq ullormiit 15. maj 2026 isumaqatigiissuteqarnikkulluunniit ulloq alla sulilersinnaasumik.
Kommunemi tamarmi ilaqutariinnik katsorsaasut allat, isumaginninnermik siunnersortit tarnillu pissusaanik immikkut ilisimasallit suleqatigisassavatit; taakku qitiusumik ilaqutariit pinaveersaartitsiviullu illuanni nutaami Ilulissani inissisimasumi sulliveqarput. Immikkoortortaqarfimmi pisortaq qaninnertut pisortarissavat.
Suliassat akisussaaffiillu ilaatigut makkuussapput:
·Ilaqutariinnik sullississut imaluunniit tarnip pissussaanik immikkut ilisimasallit pisortaata meeqqat sullinneqarnerini meeqqanut ilaqutariinnullu iliuusissatut pilersaarutitut isumaqatigiissutaannik suliaqarneq aamma suliaqarfiit akimorlugit suleqatigiissitap innersuussutai naapertorlugit suliaqarneq.
·Perorsaaneq pissutsillu piviusut tunngavigalugit aqqutissiuussinissamut akisussaasuuneq aamma ilaqutariit pitsaassusilimmik tapersersorneqarnissaannik suliaqarneq; ilaqutariit kiffaanngissuseqarneri nammineersinnaanerilu ataqqillugit kiisalu kommunep anguniagai naapertorlugit pineqartup iluani iliuusisatullu pilersaarutini anguniakkat aallaavigalugit sulineq.
·Ilaqutariit ataasiakkaat inissisimaffiannik pisariaqartitaannillu ilisimaarinninneq tunngavigalugu iliuuseqarsinnaaneq ilaqutariillu pillugit paasissutissanik takusanillu eqimattanik aqutsisumut imaluunniit meeqqanut immikkoortortaqarfimmi sullissisumut susassaqartumut ingerlatitseqqiisinnaaneq.
·Ilaqutariinnik siunnersuisarfimmi kiisalu kiffartuussiviit meeqqanik ikiorsiisarnermut attuumassutillit allat sutigut tamatigut ineriartortinerini peqataaneq pitsaanngorsaaqataanerlu.
·Ilaqutariinnik sullissisup ilaqutariinnik sanngiitsutut inissisimasunik aamma ilaqutariinnut qanigisaasunik kiisalu meeqqanik sullissinermut attuumassuteqartunik allanik ikiorserneqarnerini oqaloqateqartarnerata pitsaasuunissaanik suleqatiginnilluarnissaanillu akisussaaqataaneq.
·Ilaqutariinnik aaqqutissiuussisartut sullissisartullu allat illoqarfinni/ nunaqarfinni aalajangersimasuni kiffartuussisut ataatsimiinnerini (imaajaaqatigiittarnerinilu) peqataaneq aamma immikkoortortaqarfimmi tassani ajornartorsiutit assigiinngitsut nalinginnaasut sulianut attuumassuteqarsinnaasut pillugit paasissutisseeqataasarneq paasisallu pillugit isummertarneq; sullivimmi avatangiisinik timikkut tarnikkullu atugarissaarnerulersitsisusinnaasut ilanngullugit.
·Suliareriikkat pillugit aalajangersimasumik qaammatikkaartumillu ilaqutariinnik sullissisumut nalunaarusiortarneq aamma tarnip pissusaanik immikkut ilisimasallit pisortaannut ilisimatitsisarneq imaluunniit meeqqanik sullissivimmi sullissisumut susassaqartumut oqaaseqaatinik ernumassutinillu tamanik kiisalu sulinermi naapertuilluanngissutaasinnaasunik tamanik ilisimatitsisarneq.
·Meeqqanik sullissisunut pikkorissartitsinissamik ilinniartitaanissamillu neqeroorutigineqartut aqqutigalugit piginnaasanik ineriartortitsiuarneq isumagalugu.
Makku piginnaasaqarfigissagitit ilimagaarput:
·Kommunip aaqqissuusaanerani inunnik sullissinermik misilittagalik meeqqanik, inuusuttunik ilaqutariinnillu allatigut attuumassuteqartunik suliaqarneq
·Inunnik allanik isumaginninnermillu suliaqarnissamik soqutiginnittoq eqaatsumik pitsaasumillu isiginnittariaasilik namminersorluni sulisartoq aamma suleqatigineqarluarsinnaasoq sulianik tamanik takunnillaqqissoq aamma pilersaarisornermik pikkoriffilik , imminut paarisinnaasoq allanillu paarsisinnaasoq qiimasoq eqqarsallaqqissorlu
Atorfik pillugu sukumiinerusumik paasisaqarniaruit immikkoortortami pisortaq
Mike-Lars Zeeb-mut saaffiginnissinnaavutit
Oqarasuaat: (+299) 38 55 61. E-mail. milz@avannaata.gl
Pineqaatissinneqarsimannginnermut aamma meeqqanik pinerliisimannginnermut uppernarsaatit
Atorfik una pineqaatissinneqarsimannginnermut aamma meeqqanik pinerliisimannginnermut uppernarsaatit inatsit malillugu ujartorneqarnissai piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq, kommunip naamaginartumik pineqaatissinneqarsimannginnermut aamma meeqqanik pinerliisimannginnermut uppernarsaatit tigoreernerisa kingorna. Taammattumik erseqqissaatigissavarput, atorfinitsitsineq aatsaat isumaqatigiiffiusinnaammat, kommunip meeqqanik pinerliisimannginnermut uppernarsaatit politiit qullersaqarfianit tiguneqareernerata kingorna kiisalu pineqaatissinneqarsimannginnermut uppernarsaat politiinit tiguneqareernerata kingorna.
Meeqqanik pinerliisimannginnermut uppernarsaatit kommunimit qinnuteqartup akuersissuteqareernerata kingorna piniarneqarsinnaapput, tassani qinnuteqartumit nammineq politiinut pinerliisimannginnermut uppernarsaat piniartussaavaa.
Akissarsiaqarneq atorfinitsitsinermullu pissutsit
Akissarsiaqarneq atorfinitsitsinermullu pissutsit Namminersorlutik Oqartussat isumaqatiginniarsinnaatitaasullu atuuttoq naapertorlugu pissapput.
Suliffimmut atatillugu inissamik Innersuussisoqarsinnaanngilaq.
Qinnuteqaat
Qinnuteqaat ilinniarsimanermut siornatigullu suliffigisimasat pillugit paasissutissanik ilallit, soraarummeersimanermut allagartat assigi il.il kakkiullugit Avannaata Kommunita nittartagaanut ”uunga atorfimmut qinnuteqarit” toorlugu qinnuteqartoqarfissaq kingusinnerpaamik 6.maj 2026. isumaqatigiissuteqarnikkulluunniit.
Qinnuteqarnissamut killissarititaasoq: maajip 6.-at, 2026