Avannaata Kommunia, Ilulissani Nunaminertanut Illuliornermullu aqutsisoqarfiani nunaminertat pillugit suliaqartussamik, sulisussarsiorpoq 01.12.2024 imaluunniit isumaqatigiissuteqarnikkut.
Teknikkeqarfimmi Nunaminertanut Illuliornermullu aqutsisoqarfimmi nunaminertat pillugit suliaqassaatit. Suliffiup iluani nunaminertanik aqutsisoqarfimmi immikkoortortami pisortamut attaveqassaatit.
Avannaata Kommunia Ilulissani qitiusumik allaffeqarpoq. Avannaata Kommuniani innuttaasut 10.650 missaanniipput, illoqarfinni sisamani nunaqarfinnilu 21-ini najugaqarlutik. Ilulissat ineriartorfiuvoq, tamaanilu mittarfik 2200 m.-inik takissusilik sananeqarpoq, akunnittarfiit inissiallu piffissami qanittumi sanaartorneqalissallutik.
Ilulissani ippoq Ilulissat kangerluat Kangia tusaamasarsuaq, tamannalu UNESCO-p nunarsuarmiut kingornussassaattut eriagisassat allattorsimaffiannut ilanngunneqarnikuuvoq, ukiullu tamaasa takornariarpassuarnik ussagarfigineqartarluni. Aasaanerani seqineq kaaviinnartoq, qimussit, iluliarsuit, aalisarneq, UNESCO, imaq, siku arsarnerillu Kalaallit Nunaanni kommunit avannarlersaanni, Avannaata Kommuniani, ilisarnaataapput. Illoqarfimmi peqatigiiffippassuaqarpoq timersornikkut kultoorikkullu uummaarissunik, peqataaffigisinnaasannik. Illoqarfimmi arlalinnik neriniartarfeqarpoq café-qarlunilu.
Suliassat pingaarnerit
• Avannaata Kommuniani tamarmit nunaminertanik qinnuteqaatinik suliaqarneq.
• Nunaminertanut tunngasut illoqarfinni nunaqarfinnilu suleqatit qanittumik suleqatigalugit suliaqarneq.
• Illuliornermik illoqarfimmilu pilersaarusiornermik suliaqartut qanittumik suleqatigalugit suliaq ingerlanneqassaaq.
• Nunaminertat nalinginnaasut saniatigut aamma qimmiliviit umiatsialiviillu, aamma piffissami sivikittumi nunaminertamik atuimalluni qinnuteqaatit nunaminertanut aqutsisoqarfimmi suliarineqartarput.
• Immikkoortortaqarfimmi ineriartortitseqataanissamut suleriaatsinillu pitsanngorsaanissamut periarfissaqarpoq.
• Innuttaasut qinnuteqarneranni ikiuunneq siunnersuinerlu.
Suliassat taaneqartut atorfimmi pingaarnertut suliassaapput, tamakkulu aqqutigalugit teknikkeqarnermi ingerlatsivimmi suliassat akimorlugit suliassanik suleqatigiinnermi peqataanissaq naatsorsuutigineqassaaq.
Piginnaasat kissaatigineqartut
Qinnuteqartut suliassanut piginnaasaqarluartut aamma sanaartornermi ingeniøritut/sanaartornermi konstruktøritut/teknikkeritut uuttortaasartutut, illuliornerup sanaartornerullu iluani taamaaqataanik ilinniagaqarsimasut kissaatigivagut.
• Sanaartornermi nunaminertanillu atuineq pillugit inatsisit misilittagaqarfigissavatit.
• Atorfiup taamaaqataanik misilittagaqassaatit, imaluunniit ilinniagaqaqqammissaatit pisortaqarfimmi sulinissamut assut kajungerlutit.
• Suliassat pillugit eqaatsumik takutitsisinnaassaatit.
• Qarasaasianik atuilluarsinnaassaatit, ilaatigut makku atorsinnaallugit Office-pakken, Mapinfo, NunaGis, NIN.
• Allattariarsorlutit, oqalullutit titartaallutilluunniit attaveqallaqqissuussaatit.
• Kalaallisut qallunaatullu oqaaseqartuussaatit, tamannali piumasaqaataanngilaq.
• Suliffeqarfimmi politikkikkut aqunneqartumi sulisinnaassaatit.
Piginnaasat
• Nammineersinnaassuseqassaatit, peqqissaartuullutit, aaqqissuussaasumik suleriaaseqarlutit suliassallu pillugit paasisimasaqarluarlutit
• Suliffimmi ulapaarfiusumi piumasaqarfiusumilu, taamaattorli sullivimmi pitsaasumik avatangiiseqartumi suliassatigullu ineriartorfissaqartumi, sulisinnaassaatit.
• Suliassat inuillu pillugit tamakkiisumik isiginnittariaaseqassaatit.
• Qarasaasiarsorsinnaassaatit titartaanermilu atortunik atuisinnaassallutit.
• Qinnuteqartup suleqatigiinni suleqataasinnaanissaa kissaatigaarput, ingerlatsiviullu iluani suliassat allat pillugit aamma piginnaasaqarnissaa.
• Piffissani uippakajaarnaraluartuniluunniit eqqissisimasinnaassaatit.
• Qiimasuussaatit angusaqarusuttuullutillu.
Akissarsiat atorfeqarnermilu atugassarititaasut
Akissarsiat atorfeqarnermilu atugassartititaasut, atorfininnermi soraarnermilu angalaneq pequtillu nassiunneqarnissaat ilanngullugit pissapput, atorfininnerup nalaani, Naalakkersuisut kattuffiullu isumaqatigiinniarsinnaatitaasup akornanni isumaqatigiissutit atuuttut naapertorlugit.
Suliffimmut atatillugu inissaqartitsisoqarsinnaassaaq malittarisassat atuuttut najoqqutaralugit akilersorneqartussamik.
Atorfinitsinneqarneq qaammatini pingasuni misilitsinnermik aallaqqaaserneqassaaq.
Atorfik pillugu
Atorfik nunaminertanut illuliornermullu immikkoortortami inissisimavoq, tassani Avannaata Kommuniani sanaartugassanut tunngassuteqartut suliarineqartarput.
Teknikkimut ingerlatsivik maannakku 21-nik sulisoqarpoq, taakku arkitekt-iupput, ingeniøriupput, konstruktøriupput teknikeriullutilluunniit. Nunap immikkoortua Ilulissaniit avannamut, Uummannaq, Upernavik Qaanaarlu, kiisalu nunaqarfittai ilanngullugit, suliffigineqarpoq.
Teknikkimut ingerlatsivik innuttaasunut inuussutissarsiortunullu attaveqarpoq.
Pineqaatissinneqarsimannginnermut uppernarsaat
Atorfik una pineqaatissinneqarsimannginnermut inatsit malillugu ujartorneqarnissaanik piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq, kommunip naamaginartumik pineqaatissinneqarsimannginnermut uppernarsaatit tigoreernerisa kingorna. Taammattumik erseqqissaatigissavarput, atorfinitsitsineq aatsaat isumaqatigiiffiusinnaammat paasissutissat tamakku kommunimit tiguneqareerpata.
Atorfininneq, piaarnerpaamik isumaqatigiissuteqarnikkulluunniit.
Atorfik pillugu paasissutissat amerlanerusut pissarsiarineqarsinnaapput fagchef Rasmus Jervelund (+299) 38 77 38, e-mail: rtj@avannaata.gl
Qinnuteqaat
Qinnuteqaat soraarummeersimanermut uppernarsaatit, CV, oqaaseqaatit, sulisinnaassuseqarneq pillugu paasiniaaffigineqarsinnaasut pineqaatissinneqarsimannginnermullu uppernarsaat ilanngullugit Avannaata Kommuniata nittartagaani ”atorfik una qinnutigiuk” toorlugu nassiunneqassapput, kingusinnerpaamik 1. november 2024.
Qinnuteqarnissamut killissarititaasoq: novembarip 1.-at, 2024