Supervisoritut ilinniagalimmik atorfinissinnaasumik pissarsiorpoq
Meeqqanik inuusuttuaqqanillu suliaqartunut tapersersuinermik soqutiginnippit. Taamaassimappat immaqa illit tassaavutit ujartugarput.
Avannaata Kommuniani ilaqutareeqarnermut Ingerlatsivik, supervisorinik marlunnik pissarsiorpoq ullormiit 1. februar 2026 aallarnerfingalungu, imaluunniit isumaqatigiissuteqarnikkulluunniit sulilersinnaasumik.
Avannaata Kommuniani ilaqutareeqarnermut immikkoortortaqarfimmi, meeqqanik inuusuttuaqqanullu sullissisunut, ilaqutariit illuani sulisunut, kiisalu ungecenterimi sulisunut, minnerunngitsumillu angajoqqaarsianut superviseriinermik suliaqartassaaq, tamatuminngalu misilittangaqarnissaa, ilinniangaqarnissaaluunniit pingaaruteqarpoq. Ingerlatsivimmi meeqqanut inuusuttunullu fagchef qaninnertut pisortarissavat.
Ilinniarsimassuseq atorfimmut tunngatillugu:
·Tarnip pissusaanik ilisimasalik, Isumaginninnermi siunnersorti, tassungaluunniit assingusumik ilinniangalik.
·Supervisoritut allangartaqarnissaq.
Suliassat akisussaaffiillu ilaatigut makkuussapput:
·Sulisunik ataasiakkaanik, eqimattanillu superviseriinerit.
·Nalunaarusiornerit.
·Ilaqutariinnut paarsisartunut aqqutissiuussineq.
·Sulisut atungarissaarnissamik suleqataaneq.
·Piffinni aqutsisut, ataqatigiissaarisullu qanimut suleqatigineri.
·Aporaaffeqartunut siunnersuineq, atungarissaanermillu anguniangaqarneq.
·Avannaata kommuniani illoqarfinnut angalaqataaneq supervisionimik suliaqarluni.
Atorfimmi akisussaaffiit, suliassaqarfiillu pillugit paasiniarneqarsinnaapput ataani attavissamut.
Makku piginnaasaqarfigissagitit ilimagaarput:
·Inunnik isumaginninnermik suliaqarfiusunik misilittangalik, soqutiginnittoq eqaatsumik pitsaasumillu isiginnittariaasilik.
·Namminersorluni sulisartoq.
·Pilersaarisornermik pikkoriffilik.
·Minnerunngitsumillu superviseriinerup silarsuaanik misilittagalik.
·Immikkoortortaqarfinnut assigiinngitsumik suliaqarfiusuni suliffimmi pittaanngorsaaqataasinnaasoq.
·Inunnik sullissinermi inuttaasunut suleriutsip pitsaasumik sunniuteqarnissaanut suleqataasinnaasoq.
Akissarsiaqarneq atorfinitsitsinermullu pissutsit
Akissarsiaqarneq atorfinitsitsinermullu pissutsit Namminersorlutik Oqartussat isumaqatiginniarsinnaatitaasullu atuuttoq naapertorlugu pissapput.
Suliffimmut atatillugu inissamik innersuussisoqarsinnaavoq tassani illumut akiliisarnissaq, depositummimut il.il. akiliinissaq pillugit maleruagassat sukkulluunniit atuuttut naapertorlugit pissapput.
Qinnuteqaat
Qinnuteqaat ilinniarsimanermut siornatigullu suliffigisimasat pillugit paasissutissanik ilallit, soraarummeersimanermut allagartat assigi il.il kakkiullugit Avannaata kommuniata nittartangaani qinnuteqarfissaq atorlugu qinnuteqaatit nassiunneqassapput kingusinnerpaamik 15. Januar 2026.
Atorfik pillugu sukumiinerusumik paasisaqarniaruit meeqqanut fagchef Johansine Rosbach saaffigisinnaavat oqarasuaat: (+299) 38 55 86. E-mail. jor@avannaata.gl
Qinnuteqarnissamut killissarititaasoq: januaarip 15.-at, 2026