Avannaata Kommuniani peqqinneq sunngiffimmilu ineriartortitseqataarusuppit?
Erninerup nalaani paarlattaasussamik ujarlerpugut, ataqatigiissaarisutut atorfimmik tigusisinnaasumik aammalu ineriartortitsinermik, tamakkiisumik isiginninnermik kommunilu akimorlugu suliniutinik ataqatigiissitsinermik pilersitsisinnaasumik
Erninermi paarlatsi, Peqqinneq Sunngiffimmilu ataqatigiissaarisoq
Piorsarsimassutsimut, Atuartitaanermut, Meeqqeriveqarnermullu Ingerlatsiviup ataaniittumi Peqqinneq Sunngiffimmilu ataqatigiissaarisutut atorfimmi, Avannaata kommunia, erninermi paarlatsissamik ujarlerpoq.
Peqqinneq Sunngiffimmilu ataqatigiissaarisutut ingerlatsivimmi sulinermi qitiusumik inissisimassaatit aamma Piorsarsimassutsimut, Atuartitaanermut, Meeqqeriveqarnermullu Ingerlatsivimmi pisortaq qaninnertut sulisitsisorissavat.
Suliassaqarfiit akisussaaffiillu:
·Ullormut suliassatit assigiinngiiaassapput, aningaasaqarnermik aqutsineq, pilersaarusiorneq ataqatigiissaarinerlu ataatsimoortillugit kommunip iluani avataanilu suleqatinut suleqatigiissutigineqassallutik.
·Suliassatit ilaatigut missingersuusiornermut naatsorsuusiornermullu tunngassapput, ingerlatsinermi aningaasartuutinut akisussaaffeqassallutit, kiisalu immikkoortortaqarfiup suliaanik naammassisaqarfiusumik pilersaarusiornermik ataqatigiissaarinermillu qulakkeerinnissallutit.
·Peqatigitillugu ingerlatsiviit allat peqatigalugit suliassaqarfiit akimorlugit suleqatigiinnerini peqataassaatit, Peqqinneq Sunngiffiullu immikkoortortaanik qanimut suleqataassallutit aammalu Kulturimut, Atuarfinnut Meeqqeriveqarnermullu ataatsimiititaliamut sulianik piareersaasassallutit.
·Atorfimmut aamma pingaarutilittut ilaavoq, kommunalbestyrelsip aalajangigaanik atortuulersitsinissaq, immikkoortortani pisortanik ineriartortitsineq pillugu oqaloqatiginninneq ataavartumillu kommunip avataani suleqatinut peqatigiiffilerisunullu attaveqarneq.
·Tamatuma saniatigut aaqqissuussinerni peqataasassaatit, kiisalu suliassat takkussuuttut allat suliarisassallugit.
Piginnaasat:
·Qinigassamik, tulluartumik ilinniagalimmik aningaasaqarnermillu aqutsinermik misilittagaqarluartumik ujarlerpugut. Iluaqutaassaaq, suliffeqarfimmi politikkikkut aqunneqartumi sulinermik paasisimasaqarnissat, aammalu tamatumani sinaakkutissat immikkuullarissut iluanni sumiissusersiorsinnaanissat.
·Pingaartipparput suleqatiginnissinnaassuseqarnissat, suliassat akimorlugit atassuteqarnermik pitsaasumik pilersitsisinnaassuseqarnissat suliassanillu amerlasuunik ataatsikkut suliaqarnissamik iluarisaqarnissat.
·Peqatigitillugu naatsorsuutigaarput kalaallisut allattariarsorlutit oqaaseqatigiiliornermik piginnaaneqarluassasutit aammalu erseqqissumik eqqortumillu attaveqaqateqarsinnaassasutit.
Akissarsiat atorfeqarnermullu atungassarititaasut:
Akissarsianut atorfeqarnermilu atugassartititaasunut atatillugu isumaqatigiissutit atuuttut tunngavigineqassapput.
Atorfimmut atatillugu inissaqartitsisoqanngilaq.
Atorfik pissanganartoq suliffeqarfillu pisoqarfiulluartoq, suliassat ataatsimoorluni suliamullu ilisimasaqarluarneq tunngavigalugu suliaqarfiusoq neqeroorutigaarput.
Suliassaqarfimmut sukumiisumik isertinneqassaatit suleqatigiinnullu suleqatigiinnermik piginnaasanillu ineriartortitsinermik pingaartitsisunut ilanngullutit.
Atorfik sunniuteqarnermik kiffaanngissuseqarlunilu suliaqarnissamik tunisivoq suliassaqarfiullu iluani ineriartorneq sunniuteqarfigisinnaavat, peqatigitillugulu unammilligassat, suliamut inuttullu ineriartuutaasut qilanaarisinnaavatit.
Atorfininnissaq 15. november 2025-mi pissasoq kissaatigineqarpoq imaluunniit sukumiinerusumik isumaqatigiissuteqarnikkut.
Atorfik piffissami killilimmi, erninermi paarlatsitut, atuutissaaq.
Atorfik pillugu paasissutissat annertunerusut Piorsarsimassutsimut, Atuartitaanermut, Meeqqeriveqarnermullu Ingerlatsivimmi Pisortamut Anja Reimer saaffiginninnikkut pineqarsinnaapput: anja@avannaata.gl imaluunniit +299 38 77 41.
Qinnuteqarfissap qaangiunnerata kinguninngua oqaloqatiginninnerit ingerlanneqassasut naatsorsuutigineqarpoq.
Qinnuteqarfissaq kingulleq tassaavoq 6. november 2025, Qinnuteqaatilli isaaneri naapertorlugit nalilersuisoqarumaarpoq.
Qinnuteqaat, ilinniagaqarnermut uppernarsaatit, CV, attaveqarfissat il.il. nittartakkakkut nassiunneqassapput.
Qinnuteqarnissamut killissarititaasoq: novembarip 6.-at, 2025