Tasiusap atuarfiani ilinniartitsisutut atorfik inuttassarsiunneqarpoq. Tasiusap atuarfiani atuartut 1. - 9. klassimut atuartuutigineqarput. Atuartut klasseqatigiiaratik atuartinneqarput.
Ilinniartitsisutut sulinermi kalaallisut, matematik kiisalu lokalevalgimi atuartitsisinaasumik ujarlerpugut.
Atuartunik sullisserusullutit ineriartornermut peqataarusukkuit qinnuteqarnissarnut periarfissaqarputit.
1. august 2025-miit immaqaluunniit immikkut isumaqatigiissuteqarneq naapertorlugu sulilertussamik.
Aningaasarsiat atorfinitsitaanermullu tunngasut
Naalakkersuisut aamma IMAK-p akornanni isumaqatigiissut naapertorlugu atorfinititsisoqassaaq. Qinnuteqartut, tjenestemandit atorfianneersut, atorfinititseriaaseq taanna pigiinnassallugu pisinnaatitaaffeqassapput.
Atorfik inissaqartitsinngilaq.
Akissarsiat aamma atorfeqarnermi atugassarititaasut, atorfininnermi angalasinnaaneq aamma pigisat nuunneqarneri ilaanngullugit, atorfinninerup naalaani Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-p akornanni isumaqatigiissutai atuuttut naapertorlugit pissapput.
Atorfinitsitaaneq ukiunut aaliagersimasunut atorfinitsitaanissaq isumaqatigiinnikkut pisinnaavoq. Isumaqatigiissut 16.februar 2007-imi atuutilersoq særlige åremåsvilkår malillugu.
Pineqaatissinneqarsimannginnermut aamma meeqqanik pinerliisimannginnermut uppernarsaat naammaginartut tunngavigalugit atorfinititsisoqassaaq, taakkualu naalagaaffiit politiivinut sulisitsisup qinnuteqartoq, atorfinitsinneqarnissaminut inassutigineqareersoq, akuersiteriarlugu aassavai.
Attaveqarfissaq
Annertunerumik paasisaqarusukkuit uunga attaveqarsinnaavutit: Atuarfiup pisortaanut Susi Hinrup e-mail: suhi@avannaata.gl telefon 964840
Qinnuteqarfissaq
Atorfik qinnuteqarfigerusutat ataani ”una atorfik qinnuteqarfigiuk” toorlugu qinnuteqassaatit, qinnutqaatit, ilinniarsimanermut uppernarsaatit cv-lu ilanngullugit.
Qinnuteqarnissamut killissarititaasoq: marsip 11.-at, 2025