Avannaata Kommunia aamma Namminersorlutik Oqartussat akornanni ataatsimoorussamik suliniummut tunngatillugu isumaqatigiissutigineqarpoq 2024-miit 2026-mut suliniummut ataqatigiissaarisussamik atorfinititsisoqassasoq. Ataqatigiissaarisoq Avannaata Kommuniani ilaqutareeqarnermut ingerlatsivimmi pingaarnertut suliaqartassaaq maanilu Ilulissani inissisimassalluni. Ataqatigiissaarisoq Namminersorlutik Oqartussat suleqatigineranut attaveqaataassaaq.
Suleqatigiinnermi Avannaata Kommuniani angerlarsimaffiup avataanut inissiisarnerit annikillisinnissaat siunertaavoq. Tamanna Avannaata Kommuniata aamma Namminersorlutik Oqartussat akornanni suliniutinik suliaqarnikkut aamma atuutitsilernikkut piviusunngortinneqassaaq. Naatsorsuutigineqarpoq suliniutinik ataqatigiissaarinermut atuutitsilernermut aamma ingerlatsinermut ataqatigiissaarisup peqataanissaa. Matumani ataqatigiissaarisoq ataatsimoorussamik suliniummi suliniutinik tamakkiisumik isiginiagaqarsinnaassaaq.
- Ataqatigiissaarisup atorfiata siunertarivaa aamma Avannaata Kommuniata aamma Namminersorlutik Oqartussat akornanni suleqatigiinermut tapersersuineq
- Avannaata Kommuniani suleqatigiinneq ataatsimoorussamik suliniuteqarnermi suliniuteqarnernik atuutitsilernermut aamma malitseqartitsinermut atatillugu tapersersuineq
Suliniutit ataqatigiissaarisup Isumaginninnermut Aqutsisoqarfik suleqatigalugu 2026-mi suliarisassai ilaatigut ukununnga tunngassaapput: pinaveersaartitsilluni sullissineq, suliassaqarfiit akimorlugit siusissukkut suliniutinik suleqateqarneq, ilaqutariinnut paarsisartunut pikkorissartitsineq aamma isumaginninnikkut sullissisunik avataaneersunik atorfinititsineq meeqqanut angerlarsimaffiup avataanut inissinneqarnikunut sulianik misissuinissamut. Kommune tamakkerlugu sullissisunut, ilaqutariinnut katsorsaasunut aamma aqqutissiuisunut pikkorissaasoqareernikuuvoq. Tamatuma saniatigut Qaanaami ilaqutariit aqqutissioqatigiinnissaanut ataqatigiissaarisussamik ilinniartitsisoqarnikuuvoq.
Maannakkut suliniutinik ataqatigiissaarisup erininermut atatillugu sulinngiffeqalerneranut atatillugu piffissami 2 januar 2026-miit 6 november 2026-mut taartaasussamik ujarlerpugut.
Januaarimi qaammat ataaseq ilinniarfiussaaq, taamaasillutit suleqatigiinnissamut isumaqatigiissummut ilisaritinneqassuutit suliniummullu tamakkiisumik takunnissinnaalerlutit.
Naatsorsuutigaarput illit:
- Bachelor-itut – imaluunniit kandidat-itut ilinniagaqarsimanissat.
- Ataatsimoorussamik suliniutinut ataqatigiissaarillaqqittutit
- Ataatsikkut arlalinnik suliaqarsinnaanerit pikkoriffigissagit
- Suleqateqarnissannik ilisimaqarluartutit aamma allat suleqatigiinnissaannik peqataatitsisinnaassutit
- Ingerlatsiviit akimorlugit suleqatiginnissinnaasutit
- Namminersorlutit suliaqarsinnaasutit, suliassannik taakkuninngalu ataqatigiissarnissaannut pilersaarusiorluarsinnaasutit
- Tamakkiisumik isiginnissinnaasutit
- Oqaatsinik marluusunik atuisinnaasut (kalaallisut/qallunaatut) qinnuteqartut salliutinneqassapput
Neqeroorutigivagut:
- Suliniummi ineriartortorujussuarmi suliniummut ataqatigiissaarisunngussasutit
- Kommunimi meeqqanut, inuusuttunut aamma ilaqutariinnut nuannersumik allannguinissannik periarfissinneqassuutit
- Isumaginninnermut Aqutsisoqarfik qanimut suleqatigissavat, tassanngaanniillu tapersersuinerit siunnersueqatigiinnerit pisinnaassapput
- Ilulissani sulisut tunniusimasut
- Atorfimmi suliniummik aqutsineq aamma ataqatigiissaarineq misilittagaqarfigineqalissaaq
- Minnerunngitsumillu inissisimaffissaa Ilulissani kusanartorsuarmi pissaaq, avatangiisini kusanaqisuni, pinngortitani ingasalluinnartuni, piorsarsimassuseq, pisiniarnissamut cafe-liarnissamullu periarfissat allarpassuillu ilanngullugit.
Atorfik pillugu paasissutissat annertunerusut maannakkut suliniummut ataqatigiissaarisumut, Camilla Christiansen-imut, oqarasuaataatitigut saaffiginninnikkut pissarsiarineqarsinnaapput: 38 75 61-imut imaluunniit e-mailimut: cami@avannaata.gl
Aningaasarsiat atorfininnermilu atugassarititaasut
Aningaasarsiat atorfininnermilu atugassarititaasut Namminersorlutik Oqartussat aamma qinnuteqartup kattuffiata imaluunniit kattuffiup allap akunnerminni isumaqatigiissutai malillugit.
Qinnuteqaat
Qinnuteqaat, ilinniarsimanermut uppernarsaatit nassiuteqquneqarput hr@avannaata.gl
Qinnuteqarfissaq kingulleq tassaavoq ulloq: 15 december 2025.
Atorfik januaarip aappaani imaluunniit piaartumik inuttalerneqassaaq.
Ineqarneq
Atorfimmut inissamik neqeroortoqassanngilaq, kisianni Ilulissani ineqarnermut atugassarititaasut misissorneqarnissaat kissaatigineqarpat maannakkut suliniummi ataqatigiissaarisoq, Camilla Christiansen, attavigineqarsinnaavoq ugguuna: cami@avannaata.gl
Qinnuteqarnissamut killissarititaasoq: decembarip 15.-at, 2025