Avannaata kommuniani immikkoortortaqarfimmi Qaanaami ilaqutariit illuat aqutsisumik atornittussamik sulisussarsiorpoq, Isumaginninnermi siunnersorti (socialrådgiver), perorsa-asoq (social-pædagog) imaluunniit isumaginninnermi ikiorti, sapinngisamik ajornanngippat meeqqanut ilaqutariinnullu sullissineq pillugu naleqquttumik ilinniagalik misilittagalillu, ulloq 15. December 2025 atorfinittussamik.
Atorfik Ilaqutariit Illuanni Qaanaami inissisimavoq, Ilaqutareeqarnermi immikkoortor-taqarfimmi aqutsisoq qaninnertut aqutsisorissavat.
Suliassaqarfiit akisussaaffiillu:
·Suliffiup aaqqissuussaaneranut pilersaarut atorfiullu allaaserineqarnera malillugit nunap immikkoortortaani ilaqutariit katsorsarneqartarnerinut ilitsersorneqartarnerinullu tamarmut akisussaasuuneq.
·Ilaqutareeqarnermi immikkoortortaqarfimmi meeqqanut sullissisunut ataqatigiissaarineq.
·Suleriaatsinik atuuffinnillu najukkami inerisaaneq atortuulersitsisarnerlu, taamaalilluni nunap immikkoortortaani tamaani kommunip anguniagaasa pingaarnerit naleqartitaasalu anguneqarnissaat siunertaralugu.
- Ilaqutariit illuanni suliniutit pilersinneqartut, ingerlanneqartut atortuulersinneqartullu pillugit aqutsisutut akisussaasuuneq.
·Suliassaqarfimmi nunap immikkoortortaani ineriartorneq pissutsinillu nalinginnaajartortunik najukkami isumaginnittoqarfimmi pisortap Ilulissanilu ilaqutariit illuanni pisortap ilisimatinneqarnissaanut akisussaasuuneq.
Piginnaasat kissaatigineqartut:
·Suliffimmut tunniusimasuunissaq.
·Nunap immikkoortortaani tamaani ilaqutariinnik siunnersuisarneq pillugu suliniutinut akisussaasuuneq.
·Ilaqutariit illuanni ulluinnarni ingerlatsinermi missingersuutinut akisussaasuuneq – Ilulissani ilaqutariit illuanni immikkoortortamut aqutsisoq najukkamilu isumaginnittoqarfimmi immikkoortortami aqutsisoq suleqatigalugit.
·Nunap immikkoortortaani tamaani siunnerfilimmik suliniuteqarnermi innuttaasut assigiissaartumik neqerooruteqarfigineqartarnissaannut akisussaasuuneq.
·Ilaqutariit illuanni aaqqissuussaasumik ataatsimiittarnerit sinaakkusernissaannut qulakkeerinninneq.
·Ilaqutariit illuata ataani sulisunik sulisut ineriartornissaat pillugu oqaloqatiginnittarnernut (MUS) akisussaasuuneq.
·Ilaqutariit illuanni qaammatikkaartumik immersugassanik nakkutilliineq uppernarsaasarnissarlu aamma najugarisani meeqqat pillugit kisitsisitigut nalunaarsukkanut akisussaaqataaneq.
·Ilaqutariit suleqatigalugit aaqqiagiinnginnermi aaqqeeriaatsinik piviusorsiortunik suliaqarnissaq.
Akissarsiaqartitsineq atorfinitsitsinerlu:
Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaa-titaasumut isumaqatigiissutit sukkulluunnit atuuttut naapertorlugit.
Atorfininnermut atatillugu inissaqartitsisoqarpoq.
Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.
Atorfimmut tunngatillugu annertunerusumik paasisaqartoqarsinnaavoq Ilaqutareeqarnermi immikkoortortaqarfik afdelingsleder Storm Ôdâk` oqarasuaat 387968-mut saaffiginninnikkut imaluunnit e-mail: stod@avannaata.gl saaffiginnilluni pissarisiarineqarsinnaapput.
Qinnuteqaat ilinniarsimanermut uppernarsaatit ilanngullugit kiisalu sulisimanermut oqaaseqaatit pinerliisimannginnermullu uppernarsaatit kingusinnerpaamik tunniun-neqassapput 09. December 2025 Avannaata Kommuuniata nittartagaani allarsiussap eqqaaniittoq toorneratigut.
Qinnuteqarnissamut killissarititaasoq: decembarip 9.-at, 2025