Avannaata kommunia Majoriaq Ilulissat sullissisumik 1. Februar 2025 isumaqatigiissuteqarnikkulluunniit piaartumik sulilertussamik pissarsiorpoq.
Ilulissani Majoriaq 1. Februar 2025 imaluunniit isumaqatigiissuteqarnikkut sulilertussamik sullissisumik pissarsiorpoq. Taamaalillutik politikkikkut anguniarneqartut aallaavigalugit sulilissammat.
Suliassat akisussaaffiillu:
- Illoqarfimmi aammalu nunaqarfinni innuttaasunik revalidererusuttunik aqqutissiuussineq il.il.
- Innuttaasut siusissukkut qanoq iliuuseqarfigineqarnermikkut aqqutissiuunneqartut
- Innuttaasut suliffeqaratilluunniit ilinniakkamik ingerlataqanngitsut
- Majoriami suliassat naliginnaasut allat
- Suliffeqarfimmi atorfiup ineriartortinneqarnissaa, sulisut allat peqatigalugit
- Sulinerullu ingerlanneqarneranut nutaaliornernik aaqqiissutaasinnaasunillu siunnersuineq.
Suliamut ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini sisamani innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.
Majoriaq assigiinngitsunik suliarpassuaqarmat naatsorsuutigaarput tunniussimasuunissat, suliassallu assigiinngitsut suliakkiissutigineqartut naammassillugit suliarisinnaassagitit.
Pisinnaasat:
- Suliassamut naapertuuttumik ilinniagaqarsimasoq.
- Inuusuttunik inersimasunillu sullisserusuttoq.
- Sulilluartoq, imigassamik aanngajaarniutinillu ajornartorsiuteqanngitsoq.
- Marluinnik oqaaseqartoq, kalaallisut qallunaatullu, kisiannili piumasaqaataanngilaq.
Naatsorsuutigissavat suliamut tunngatillugu ilinniaqqissinnaangavit, pingaartumik aqqutissiuussisutut.
Akissarsiaqartitsineq atorfinitsitinerlu:
Atorfinitsinneqartoq Naalakkersuisut SIK-llu Allaffissorneq Niuernerlu pillugit isumaqatigiissutaat malillugit atorfinitsinneqarsinnaavoq, imaluunniit AK funktionsoverenskomst malillugu atorfinitsinneqarsinnaalluni.
Atorfimmut atatillugu inissaqartitsisoqanngilaq.
Atorfik pillugu paasissutissat amerlanerusut pissarsiarineqarsinnaapput Ilulissani Majoriami aqutsisoq Theresia Iversen sianerfigineratigut, uunga 38 75 85 imaluunniit mailikkut; thpt@avannaata.gl.
Qinnuteqaammut ilanngunneqassapput misilittakkat, suliffigisimasallu oqaaseqaataai, pikkorissarsimanermi uppernarsaatit il.il. tunniunneqarsimassaaq kingusinnerpaamik 13 Januar 2025 Avannaataa nittartagaani allagarsiussassap saniani `Atorfik una qinnuteqarfigiuk` toorneratigut nassiunneqassappput.
Qinnuteqarnissamut killissarititaasoq: januaarip 13.-at, 2025