Avannaata kommunia Majoriaq Ilulissat sullissisumik 1. April 2025 isumaqatigiissuteqarnikkulluunniit piaartumik sulilertussamik pissarsiorpoq.
Ilulissani Majoriaq saaffiginnittarfiani overassistent-imik pissarsiorpoq, Majoriap saaffiginnittarfiani sullissisut marluusuussaammata.
Suliassat akisussaaffiillu:
- Suliffissaaleqisunik nalunaarsuineq, suliffissaaleqisunik iliuusissanik pilersaarusiornerlu.
- Sulisussat avataaniit tikittartut sullinnissaat.
- Illoqarfimmi aammalu nunaqarfinni innuttaasunik saaffiginnissutaanik aqqutissiuussineq il.il.
- Suliffissaaleqisunik pikkorissarusuttunik aqqutissiuussineq.
- Suliffissaqartitsiniarnermi suliniutit, suliffissaaleqisunik suliassaqartitsineq
- Majoriami suliassat naliginnaasut allat.
Allaffimmiutit ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini sisamani innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.
Majoriami suliassat assigiinngittut amerlammata kissaatigaarput tunniussimasuunissat, suliassallu assigiinngitsut suliakkiissutigineqartut naammassillugit suliarisinnaassagitit. Sulisut nutaat tamarmik ilinniartinneqartarput.
Pisinnaasat:
- Suliassamut naapertuuttumik allaffimmiutut ilinniagaqarsimasoq.
- Inuusuttunik inersimasunillu sullisserusuttoq.
- Sulilluartoq, imigassamik aanngajaarniutinillu ajornartorsiuteqanngitsoq.
- Marluinnik oqaaseqartoq, kalaallisut qallunaatullu immaqalu aamma tuluttut, kisiannili piumasaqaataanngilaq.
Naatsorsuutigissavat suliamut tunngatillugu ilinniaqqissinnaangavit, pingaartumik aqqutissiuussisutut, pisortallu inatsisaat malligu sullissinermi suleqataasinnaasat.
Akissarsiaqartitsineq atorfinitsitinerlu:
Atorfinitsinneqartoq Naalakkersuisut SIK-llu Allaffissorneq Niuernerlu pillugit isumaqatigiissutaat malillugit atorfinitsinneqarsinnaavoq, imaluunniit AK funktionsoverenskomst malillugu atorfinitsinneqarsinnaalluni.
Atorfimmut atatillugu inissaqartitsisoqanngilaq.
Atorfik pillugu paasisaqarnerorusukkuit saaffiginnissinnaavutit Majoriap Centerlederianut Theresia Iversen-imut attaveqarnikkut, oqarasuaat: 38 75 85 imaluunnit e-mail-imik nassiussillutit; thpt@avannaata.gl
Qinnuteqaammut ilanngunneqassapput misilittakkat, suliffigisimasallu oqaaseqaatai, pikkorissarsimanermi uppernarsaatit il.ili. tunniunneqarsimassaaq kingusinnerpaamik 16 Marts 2025 Avannaata kommuniata nittartagaani allagarsiussassap saninani `Atorfik una qinnuteqarfigiuk` toorneratigut nassiunneqassapput.
Qinnuteqarnissamut killissarititaasoq: marsip 16.-at, 2025