Maanna suliatigut unammillernartunik nutaanik misigisaqarsinnaanngorputit!
Avannaata Kommunia immikkut atuartitsinermi siunnersortimik pissarsiorpoq 1. september 2026 imaluunniit isumaqatigiinnikkut, Misi-Avannaani sulilertussamik.
Misi-Avannaa inissisimavoq Ilulissani, Piorsarsimassutsimut, Atuartitaanermut, Meeqqeriveqarnermullu Ingerlatsiviup ataani. Siunnersortip ulluinnarni qaninnertut suleqatitut saaffissarissuaa Misi-Avannaani pisortaq.
MISI Avannaani atuarfeqarfinnit ulluuneranilu neqeroorutinit suliakkiutit tigoorarneqartarput Avannaata Kommunia tamakkerlugu.
Immikkut atuartitsinermi siunnersortip suleqatigilissuai MISI Avannaani pisortaq, psykologit marluk, immikkut atuartitsinermi siunnersorti kiisalu allaffimmioq.
Uagut neqeroortigaarput:
Suliffik unamminartoq, tamatigoortoq kiisalu pissanganartoq inuttut suliatigullu ineriartornissamut periarfissaqarluartoq.
MISI Avannaa suliffeqarfiuvoq ingerlalluartoq allaffissornikkut ataqatigiiffiulluartoq. Avannaata Kommuniani illoqarfiinut nunaqarfiinullu sulilluni angalanerit. Pikkorissarnissamut periarfissaqarpoq.
Uangut ujartorparput:
Immikkut atuartitsinermi siunnersorti sullissinermi misilittagaqarluartoq. Qinnuteqartup eqqortup suliffik pissanganartoq aalajangersimasumik periuseqareersoq, kalaallit oqaasiinik kulturiannillu aallaaveqartoq iserfigissavaa aamma:
·Eqiingalluartoq ineriartortitsinissamillu pingaartitsisoq
·Tatitooq namminersorlunilu eqaatsumik sulisinnaasoq sulianut tamalaarpassuarnut sammivilinnut.
Annerusumik akisussaaffeqarfiit suliassallu
·Meeqqanut innersuussanut perorsaaniutitigut misissuinerit (malinnaanerit/misilititsineq)
·Misissuinerit pillugit atuarfimmik/ulluuneranilu neqeroorutinut aamma angajoqqaanut ilisimatitsinerit iliuusissaasinnaasunullu ilitsersuinerit
·Meeqqanut ataasiakkaanut malinnaanerit, misilitsinnerit oqaloqatiginninnerillu pillugit nalunaarusiornerit
·Angajoqqaanut, perorsaasunut ilinniartitsisunullu meeqqat immikkut pisariaqartitsisut pillugit siunnersuinerit ilitsersuillunilu immikkut atuartitsinerup aaqqissuunneqarnissaanut
·Atuartitsinermut tunngassutilinnut suliassanut siumoortumik namminersuutingalugu suliniutinik aallartitsisinnaaneq
·Atuarfiup/ulluunerani neqeroorutit sulisuinut siunnersuillunilu ilitsersuinissaq – ilaatigut perorsaaniutitut ulluni (atuarfimmi/ulluunerani neqeroorutini sulisunut pikkorissaararnernik pilersaarusiorlunilu ingerlatsineq)
·Pisariaqartitanik tapertaasinnaasunillu ilisimasalinnik akuliutitsisinnaalluni susassaqartunullu allanut innersuussisinnaalluni
·Atortussianik nutaanik atuartitseriaatsinillu imminut atuarfeqarfinnullu malinaatitsissalluni
Piginnaasat pisinnaasallu
Meeqqat atuarfiini atualerlaanut ilinniartitsisoq kingorna ilinniaqqinnikoq, ass. Immikkut atuartitsinermut ilinniartitsisoq, oqallorissaasutut perorsaasoq, immikkut perorsaasutut PD, perorsaaniutini tarnip pissusaanik master assigisaaluunniit.
Atorfimmi pisariaqarpoq namminersorluni sulianik pilersaarusiortarnissaq aammalu qarasaasiamik ilisimaarinninnissaq.
Akissarsiat atorfininnermilu atugassarititaasut
Naalakkersuisut kiisalu Ilinniartitsisut Meeqqat Atuarfianneersut Kattuffiata IMAK-ip, Kalaallit Nunaanni meeqqat atuarfianni ilinniartitsitut il. il. akissarsiaat pillugit isumaqatigiissutit 28. Juni 2019-imeersut naapertorlugit atorfinititsisoqassaaq.
Qinnuteqartut tjenestemanditut atorfeqareersut taama inissisimanertik atuinnarlugu atorfinitsinneqarsinnaapput.
Atorfimmut tunngatillugu inissaqartitsisoqanngilaq.
Atorfik 1. september 2026 imaluunniit isumaqatigiissuteqarnikkut inuttalerusunneqarpoq.
Meeqqanik pinerluuteqarsimannginnermut uppernarsaat:
Atorfik una meeqqanik pinerluuteqarsimannginnermik uppernarsaammik aallernissamik inatsisitigut piumasaqaatigineqarmat.
Taamaammat maluginiaqquarput atorfininnissaq ullulerneqarsinnaammat aatsaat Naalagaaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat.
Pinerluuteqarsimannginnermut uppernarsaat: Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.
Paasissutissat
Atorfimmut tunngassuteqartut pillugit annertunerusumik paasisaqarusukkuit MISI-Avannaani aqutsisoq Ida Fleischer, mail: idfl@avannaata.gl saaffiginnissinnaavat.
Imatut Qinnuteqassaatit:
Atorfik qinnuteqarfigerusutat ataani ”una atorfik qinnuteqarfigiuk” toorlugu qinnuteqassaatit, qinnuteqaatit, ilinniarsimanermut uppernarsaatit cv-lu ilanngullugit.
Qinnuteqarnissamut killissarititaasoq:
Qinnuteqarnissamut killissarititaasoq: aggustip 19.-at, 2026