Avannaata Kommuniani Uummannami atorfik nutaaq Ilaqutariit Illuata immikoortortaani Uummannami “Qimarnguik” sulisutut atorfik piaartumik inuttassarsiorneqarpoq.
Uummannami Ilaqutariit Illuanni sulisut qaninnertut suleqatigissavatit, Ilaqutariillu Illuanni aqutsisoq qaninnertut aqutsisorissallugu.
Atorfik inuttassarsiorneqartoq inulerinermik soqutigisalimmut tulluarpoq, ulluinnarni suliassat annerpaartarissammassuk Qimarnguimmi atuisunik ikorfartorneqarnissaminnik isumassorneqarnissaminnillu pisariaqartitsisunik sullissinermik.
Suliassat akisussaaffiillu:
·Ulluinnarni Ilaqutariit Illuanni sulisut suleqatigalugit Qimarnguiup ingerlanneqarnera akisussaaffigissavat.
·Qimarnguimmi atuisut pisariaqartitaat naapertorlugu isumassuineq siunnersuineq aqqutissiuinerlu.
·Sulisut allat peqatigalugit pingaartuusartunut suleqataasassaatit.
Atorfik makkunuuna piginnaanilimmik inuttalerneqarusuppoq:
- Isumagininnermi siunnersortitut. Taamaattorli allat siunnersortitut ilinniarsimasut imaluunniit perorsaasutut ilinniarsimasut.
- Tarnikkut nakuusoq, ataqatigiissaartumik suleriaasilik suliatigullu nalilersuisinnaasoq.
- Tatiginartoq, malussarissoq ileqqorissaarnissamullu maligassiuisoq.
- Attaveqallaqqissoq sunniuteqarsinnaasorlu.
- Akisussaassusilik, akuersaartoq suliassanillu aallussilluartoq, suliassaqarfiup iluani peqqussutinik nutaanik sullissinermilu periusissanik nutaanik atuutilersitsinissamut piginnaanilik.
Akissarsiat atorfeqarnikkullu atugassarititat:
Ilinniarsimasap isumaqatigiissutaa malillugu atorfinititsineq pissaaq.
Atorfimmut atatillugu inissaqartitsisoqanngilaq.
Atorfimmut paasissutissat annerusut piniarneqarsinnaapput Avannaata Kommuniani Ilaqutareeqarnermut immikkoortoqarfimmi Aqutsisumut Sara Street-imut saaffiginninnermi, mail: sast@avannaata.gl imaluunniit tlf.nr.: 38 78 35
Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu aamma Pinerlussimannginnermut uppernarsaat "Atorfik una qinnuteqarfigiuk" toorlugu nassiunneqassapput.
Qinnuteqarnissamut killissarititaasoq: maajip 14.-at, 2026