Avannaata Kommuniani, Ilulissani Sukisaarsaartarfimmi peqqinnissamut ikiortimik, 1. juni 2026 isumaqatigiissuteqarnikkulluunniit atorfinittussamik pissarsiorpoq
Sukisaarsaarfimmi ikiortip qaninnertut qullersarissavaa Ilulissani Sukisaarsaartarfimmi aqutsisoq.
Suliassat akisussaaffiillu:
·Ningiup peqannginnerani paarlatsitut inissisimaneq.
·Inulereqatinut ilinniartunullu akisussaaqataaneq susassaqartitsinermi.
·Illup ilua najoruminartuunissaanut akisussaaqataaneq, tappittuuneq iluarsisassanut ikiortarialinnullu.
·Pisariaqarfiani allaffissornermi ikiuunneq.
·Ataatsimiinnermi oqaluuserisassanik immersueqataaneq.
·Eqaarsaartitsineq sapaatip akunneranut pingasoriarluni.
·Sammisaqartitsinermut tunngasunik atortussanik amigaateqannginnissaa. Kiisalu ujartuillaqqinneq, puiguttortunut, tappiitsunut isigiarsuttunullu sammisassanik nutaaliorneq.
·Oqaloqatiginninneq/tusarnaartuuneq.
·Sapaatip akunneri tamaasa pilersaarusiortitsineq nalilersuititsinerlu.
·Amigaatinik pisiniaqataaneq.
·Illup iluani ullut tamaasa eqqiaaneq soraannginnermi.
Piginnaasat:
·Peqqinnissamut ikiortitut imaluunnit isumaginninnermi ikiortitut ilinniarsimasuunissaq.
·Innarluutilinnik sullissinermik misilittagalik.
·Sullitanut maluttarissuuneq.
·Sammisassanik nassaarsiullaqqissoq.
·Akisussaassuseqartuuneq.
·Takunnissinnaaneq naleqqussarsinnaanerlu.
·Suleqatikkuminartoq aalaakkaasorlu.
·Timikkut tarnikkullu peqqissuuneq, kiisalu ammasuuneq qiimasuunerlu.
Akissaatit atorfeqartitaanermullu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Pinerlussimannginnermut uppernarsaat uppernarsaat naammaginartoq tunngavigalugu atorfinitsitaaneq pissaaq, taakkulu qinnuteqartut akuersineratigut Rigspolitiinit sulisitsisumiit piumaneqassapput.
Attaveqarfissaq :
Atorfimmut paasissutissat sukumiinerusut pineqarsinnaapput Sukisaarsaartarfimmi aqutsisoq Marie Fly saaffigineratigut oqarasuaat 38 55 59 imaluunniit e-mail: mfly@avannaata.gl
Qinnuteqaat ilinniagaqarsimanermut uppernarsaatinik kiisalu siornatigut suliffigisimasanut paasissutissanik imaqartoq, soraarummeernermi uppernarsaatit kakkiullugit ilanngunneqartut assigisaallu "Atorfik una qinnuteqarfigiuk" toorlugu nassiunneqassapput.
Qinnuteqarnissamut killissarititaasoq: maajip 14.-at, 2026