Avannaata Kommunia utoqqarnut sullissinermi ataqatigiissaarisumik misilittagaqartumik ulloq 1. september 2026 isumaqatigiissuteqarnikkulluunniit atorfinittussamik pissarsiorpoq.
Atorfik qitiusumi Ilulissani Ilaqutareeqarnermut ingerlatsivimmi inissisimavoq.
Atorfik Ilaqutareeqarnermi ingerlatsivimmi pisartagaqarnermut immikkoortortami Pisortamut toqqaannartumik atassuteqassalluni. Avannaata Kommuniani illoqarfinni sisamaasunut utoqqarnut isumanginninnikkut sullissinerup iluani ataqatigiissaarisutut inissisimassalluni, Utoqqaat tapersersorneqarnissaannut inatsisissaq atuutilersussaq 2027-mi atuutilersussatut siunniunneqartoq Avannaata Kommuniata iluani ataqatigiissaarlugulu ineriartortitsinermik ingerlatsisoqassooq. Ataqatigiissaarisutullu naatsorsuutigineqassaaq Avaannaata Kommuniata iluani inoqarfinnut allanut angalasarnissaq, pisariaqartillugulu pikkorissaanerit annikinnerusut ingerlattarnissaat aamma suliassat ilangissavaat.
Ulluinnarni Ilaqutareeqarnermut ingerlatsivimmi sulisut aalaakkaasut suleqatigissuatit, susassaqarfillu suli ineriartortoq peqataaffigissallugu, ilaatigut politik-ikkut ataatsimiititalianik siunnersuinermik ilalik.
Suliassat akisussaaffiillu ilaatigut makkuussapput:
·Utoqqaat illuisa ingerlanneqarnerinut ataqatigiissaarineq
·Utoqqaat illuini sulisoqarnikkut suleriaatsinillu ilusilersuineq atuutsitsinerillu ingerlatsivimmi sulisut peqatigalugit suliaqarneq.
·Utoqqarnut inatsisit atuutsinneqarnissaannut maleruagassat eqqortumik malinneqarnersut qulakkiissallugu.
·Susassaqarfiit assigiinngittut peqatigalugit pilersaarusiornerit suliniutillu ingerlanneqartassapput.
·Utoqqarnut ingerlatsineq pillugu pisortanut siunnersortaaneq
·Susassaqarfiup inerisarnissaa pillugu pisortanik attaveqarteqarneq
·Suliniutinik akimortumik suleqatigiinneq, missingersuusiorneq missingersuutinillu malitseqartitsineq
Naatsorsuutingaarput:
·Utoqqarnik sullissinermi misilittagaqarnissat
·Pisortat suliffeqarfiini sullissinermik misilittagaqarnissat
·Aqutsinermik misilittagaqarnissat - piumasaqaataanngilarli
·Suliffeqarfiit ineriartortinneqarnerannik takunnissinnaaneq
Inuttut qanoq ittuuneq:
·Inunnut takunnissinnaaneq tunngasuunerlu
·Ilakkuminartuuneq, attaveqatiginnilluarsinnaaneq ammasuuneq
·Ineriartortitsinissamik piumassuseqarneq
·Qiimaneq attaveqateqarusunnerlu
·Sutigut tamatigut suleqateqarsinnaaneq
·sullissilluarsinnaaneq
·nammineersinnaassuseqarneq, siunniussaqarneq eqaattumillu sulisinnaneq
Akissaatit atorfeqartitaanermilu atugassarititaasut:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfininnermut atatillugu piumasaqaataavoq, pinerluuteqarsimannginnermut uppernarsaat pillugu naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.
Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqarlunilu pigisat assartorneqassapput, malittarisassat qaqugukkulluunniit atuuttut naapertorlugit.
Paasissutissat:
Atorfik pillugu paasissutissat amerlanerusut pissarsiarineqarsinnaapput Ilaqutareeqarnermut immikkoortortami pisortamut Anja J. Wille sianerfigalugu tlf: 38 75 76 immaqaluunniit e-mailikkut anjj@avannaata.gl
Qinnuteqaat ilinniarsimanermut uppernarsaatit, CV suliffigisimasanillu oqaaseqaatit ilanngullugit nittartagaq atorlugu immersuinikkut nassiunneqassapput kingusinnerpaamik:
Qinnuteqarnissamut killissarititaasoq: aggustip 15.-at, 2026