Avannaata Kommunia Ilaqutareeqarnermut Ingerlatsivik isumaqatigiissuteqarnikkut atorfinittussamik, Pisartagaqarnermut, isumaginninnerullu iluani sullinneqartunut namminerisamik angerlarsimaffeqarnissaq aammalu inigisamut akiitsoqalersimasunut sullissisussatut ukiup affaanik sivisussuseqartussamik siunnersortimik 01. December 2025 sulilertussamik pissarsiorpoq.
Atorfik pisortatut akisussaaffeqanngilaq, qaninnertulli Ilaqutareeqarnermut immikkoortortap ataani Pisartagaqarnermut immikkoortortami inissisimassaaq, qaninnertullu immikkoortortami aqutsisoq qullersarissallugu.
Atorfimmi pingaarnertut anguniagaapput isumaginninnerup iluani, innuttaasunut angerlarsimaffeqanngitsunut imaluuniit akiitsoqarnertik tunngavigalugu initaarsinnaajunnaarallarsimasunut siunnersuinermik ingerlatsinissaq aammalu ingerlariaqqinnissamut aqqutissiuussineq, tamatumani angerlarsimaffeqanngitsuuneq akiorniarlugu.
Suliassat aamma akisussaaffiit:
·Angerlarsimaffeqanngitsut unnuisarfianni Kialaarfimmiittartunut ineqarnermut tunngasutigut aqqutissiuussineq / Killiffissiuinerlu.
·Angerlarsimaffeqanngitsunut siunnersuinerit aqqutissiuussinerit.
·Innuttaasut inigisaminnut akiitsoqalersimasut akilersuinissaannik siunnersuinerit.
·Isumaginninnerup iluani suliaqartunut allanut suleqatiginninneq.
·Suliassat attuumassuteqarsinnaasut allat.
Piginnaaffigisassatit:
·Isumaginninnermi siunnersorti
·Ajornanngippat marluinnik oqaaseqarneq piumasaqaataavoq: Kalaallisut danskisullu.
·Isumaginninnerup iluani inatsisinik ilisimanninnissaq.
Akissaatit atorfeqartitaanermilu atugassarititaasut:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfininnermut atatillugu piumasaqaataavoq, pinerluuteqarsimannginnermut uppernarsaat pillugit naammaginartunik ilisimatitsissutinik tunniussinissaq. Taakku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.
Atorfimmut atatillugu inissaqartitsisoqanngilaq.
Paasissutissat:
Atorfik pillugu paasisaqarnerorusukkuit taava Ilaqutareeqarnermut ingerlatsivimmi Pisartagaqarnermut immikkoortortani aqutsisoq Ane Jeremiassen attavigiuk, oqarasuaat: 70 18 00. E-mail: anjn@avannaata.gl
Kingusinnerpaamik qinnuteqarfissaq:
Qinnuteqartitsineq 13. November 2025 killeqartinneqarpoq, taamaattoq qinnuteqartoqartillugu qinnuteqaammik ataavartumik nalilersuinerit ingerlanneqassapput.
Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il ilanngullugit nittartakkakkut nassiunneqassapput.
Qinnuteqarnissamut killissarititaasoq: novembarip 13.-at, 2025