Avannata Kommuniani inuussutissarsiornermut ineriartortitseqataarusuppit aamma kommunip inuussutissarsiutillillu akornanni suleqatigiilluarnissaq isumannaarlugu?
Avannaata Kommuniani nunaqarfinni illoqarfinnilu inuussutissarsiuteqartut kommunimut attaveqarfigisartagassaannik immikkoortortaqarfimmi aqutsisuusussamik ujarlerpugut. Immikkoortortaqarfimmi aqutsisup Nalik Ventures qanimut suleqatigissavaa, aamma suleqatigiinnernut taakkununnga atatillugu angalasarnerit pisassapput. Inuussutissarsiornermut Ataatsimiititaliaq aamma eqqaaneqartut peqatigalugit sullitissavat inuussutissarsiornermut suliassaqarfiup iluani politikkikkut anguniakkat inerisaanissamut periusissiamut naapertuuttussaammat.
immikkoortortaqarfimmi aqutsisup pingaarnertut akisussaaffigissavaa inuussutissarsiornermik suliaqartunik aqqutissiuussineq aamma kommunimi inuussutissarsiornermut siunnersuisooqatigiit Avannaata Kommunianilu siunnersuisooqatigiit imaluunniit oqallittarfiit allat.
Atorfik inuttassarsiorneqartoq decembarip aallaqqaataa aallarnerfigalugu isumaqatigiissuteqarnikkulluunniit inuttalerneqassaaq. Immikkoortortaqarfimmi aqutsisoq Ilulissani Inuussutissarsiornermut Ingerlatsivimmi allaffeqassaaq.
Qinnuteqaat kingusinnerpaamik ulloq 21. novemabari 2025 nassiunneqareersimassaaq.
Illit suliassatit:
·Illoqarfinni nunaqarfinnilu inuussutissarsiuteqarneq pillugu siunnersuineq.
·Inuussutissarsiuteqarnikkut inerisaarusuttunut siunnersuineq ikiuunnerlu.
·Illoqarfinni nunaqarfinnilu inuussutissarsiuteqarneq pillugu politikkikkut suliniuteqarnermi peqataaneq.
·Inuussutissarsiornermut Ataatsimiititaliamik sullissineq
·Ataatsimiinnernut, isumasioqatigiisitsinernut pikkorissaanernullu pilersaarusioqataasarneq
Illit makku piginnaaneqarfigissagitit naatsorsuutigaarput:
- Naleqquttumik ingerlariaqqiffiusumik ilinniagaqarsimanissat (Inuiaqatigiilerineq, inuussutissarsiorneq/ingerlatsivik)
- Suliniutinik aqutsinermut, ataqatigiissaarinermut aamma suliassaqarfiit akimorlugit suleqatigiinnernut misilittagaqarnissat
- Allattariarsornikkut oqaluttariarsornikkullu piginnaasaqarluarnissat – ajornanngippat kalaallisut, danskisut tuluttullu
- Aaqqissuussaalluartumik misissuilluarnermillu tunngavilimmik suleriaaseqarneq, suliffeqarfimmilu naalakkersuinikkut aqunneqartumi sulinissamut paasisimasaqarneq.
- Inuussutissarsiorneq pillugu suliaqarusunnissat aamma aningaasanik aqutsinermut ilisimasaqarluarnissat
Neqeroorutigaagut:
- Avannaata Kommuniani inuussutissarsiutinik ineriartortitsinermut atorfik pissanganartoq qitiusorlu
- Politikkikkut ataatsimiititaliamik, inuussutissarsiuteqartunik aamma takornariaqarnikkut suliaqartartunik qanimut suleqateqarneq
- Suliassaqarfimmi sukkasuumik ineriartorfiusumi ineriartornerup sunniuteqarfiginissaanut pitsaasumik periarfissaqarneq
Akissarsiat atorfinitsitaanermullu tunngasut:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut ajoraluartumik atatillugu inigisassamik innersuusisoqarsinnanngilaq.
Atorfik pillugu paasissutissat sukumiinerusut Aningaasaqarnermut Inuussutissarsiornermullu pisortamut Dorthe Løvstrøm Mathiesenimut saaffiginninnikkut pissarsiarineqarsinnaapput, mailimut: dlm@avannaata.gl oqarasuaammut: 38 76 02.
Qinnuteqaat ilinniagaqarsimanermut uppernarsaatinik kiisalu siornatigut suliffigisimasanut paasissutissanik imaqartoq, soraarummeernermi uppernarsaatit kakkiullugit ilanngunneqartut assigisaallu "Atorfik una qinnuteqarfigiuk" toorlugu nassiunneqassapput.
Qinnuteqarnissamut killissarititaasoq: novembarip 21.-at, 2025