Avannaata Kommunia Ilaqutareeqarnermut Ingerlatsivik 01. marts 2026 aallarnerfigalugu Ilulissani ingerlatsinermut aqutsisutut atorfinittussamik, imaluunniit isumaqatigiissuteqarnikkut atorfinittussamik pissarsiorpoq.
Ilaqutareeqarnermut suliaqarfimmi aqutsisutut atorfik Ilulissani inissisimavoq. Ilaqutareeqarnermut Ingerlatsivimmi pisortamut toqqaannartumik attaveqartussaavoq.
Suliaqarfimmi akisussaaffigineqartut tassaapput: inersimasunut innarluutilinnut, utoqqarnullu ulloq unnuarlu paaqqinniffiit taamatuttaarlu ulluunerani isumanginninnerup iluani innuttaasunut neqeroorutigineqartunut soorlu inuit innarluutillit ornittagaat, utoqqaat ornittagaat, angerlarsimaffeqanngitsut unnuisarfia angerlarsimaffimmi ikiorteqarfik, Majoriaq il.il.
Ilulissani Ilaqutareeqarnermut immikkoortortaqarfimmi aqutsisut marluk qanimut suleqatigalugit atorfik inissisimavoq, tassaasut: Ilaqutareeqarnermi meeqqanut innarluutilinnullu sullissinermi aqutsisoq, aammalu Pisartagaqarnermit immikkoortortami sullissinermi aqutsisoq.
Suleqatinut qaninnerpaanut akisussaaffiit ilaatigut makkuussapput:
·Najugaqatigiiffiinnut, angerlarsimaffimmi ikiorteqarfinnut, utoqqarnut sullissivinnut, ornittakkanullu aqutsisuinut tamanut aqutsisuuneq, aningaasaqarnikkut ingerlatsineq nakkutiginninnerlu akisussaaffigalugit.
·Ilaqutareeqarnermi immikkoortortaqarfiup iluani sullissinermut tunngasut, inatsisitigut ingerlatsinermi suliassat agguataarlugit misissorlugit, qulakkeerlugillu.
·Ilaqutareeqarnermut Ingerlatsivimmiit peqqussuteqaatit, nalunaarutissat paasissutissallu tamaasa, tamatuma ataani isumaginninnikkut imaqarniliat, akigititaasut nutaat pillugit ilitsersuutitallit, tunngavilersuutit, maleruagassat taavalu suleriutsit kiisalu nakkutilliinerit eqqortumik suliarineqarnissaat isumagalugit
·Immikkoortortat aningaasaqarnikkut ingerlatsineranni malinnaaffiginninneq.
·Suliffiup avataaniit suleqatigiinniit taavalu oqartussaniit (tamatuma ataani pingaartumik naammagittaalliuuteqartitsivimmi oqartussat) attaveqaqatigiinnerat akunnerni aqutsisut taavalu sullissisut akornanni ingerlanneqartarnissaat isumagalugu kiisalu inatsisit atuuttut naapertorlugit qanoq attaveqaqatigiinnermik ingerlatsisoqarsinnaaneranik suleqatit pisariaqartitsineratigut siunnersorlugit kiisalu kommunimi politikki maleruagassallu naapertorlugit ingerlanneqartarnera.
·Immikkoortortani aqutsisut sullissisullu ineriartortinneqarnissaat atukkatigullu pitsaasumik atugaqarnissaat akisussaaffigalugu aammalu suleqatigiit ineriartorneranni oqaloqatiginnittarnerit (MUS) taavalu pikkorissartarnerni peqataasarnissaat isumagalugit
·Immikkoortortani sillimaniarnermut tunngasut suliarineqarnissaat isumangalugit.
Piginnaasat:
- Namminersorlutit sulisinnaavutit, ataqatigiissarisinnaavutit, suliakkiisinnaavutit, uterfiginnissinnaavutit ingerlatitseqqiisinnaallutillu
- Suliassavit ilarpassui aningaasaqarnermut naatsorsuutinillu aqutsinermut tunngassuteqarmata, taakkunanga ilisimasaqarnissat misilittagaqarnissallu pingaaruteqarpoq
·
·Inunnik isumaginninnermi siunnersuisartutut imaluunniit assigusumik ilinniagaqarsimasuuvutit – sapinngisamik aningaasaqarnermut aamma isumaginninnermi inatsisinut tunngasunut tunngasutigut pikkorissarsimasutit (imaluunniit pikkorissarnerit taama ittut ingerlannissaannut piumassuteqartutit)
·Inunnik isumaginninnermi aamma ilaqutariinnik sullissinermi ilisimasaqartutit, pingaartumik aningaasaqarnermut aamma inatsisitigoortumik nakkutilliinermut tunngasunut.
·Kommunit ingerlatsiviini aningaasaqarnermut tunngassuteqartuni aqutsisutut misilittagaqartutit imaluunniit ilikkarusussusermik piumassuseqarputit
·Allaffissornikkut aqutsinermi misilittagaqartutit, imaluunniit ilikkarusussusermik piumassuseqarputit
Inuttut piginnaasat:
·Suliassanut pitsaasumik ersittumillu malinnaasinnaaneq
·Akisussaassuseqarneq
·Pitsaasumik suleqatiginnissinnaaneq, matumani suliassaqarfiit assigiinngitsut ilanngullugit
·Suliani pisunilu ilungersornartuni pitsaasumik isummersuisinnaaneq, siunnersuisinnaaneq ilitsersuisinnaanerlu
·Ilikkarusussuseqarneq
·Kalaallisut danskisullu allassinnaaneq oqalussinnaanerlu
·Tulleriiaarillaqqinneq misissueqqissaallaqqinnerlu
·Isumaqatiginninninniallaqqinneq (pingaartumik ingerlatsinermut atatillugu)
·Misiginneqataasinnaaneq
·Maligassiusinnaassuseqarneq pissusilersortarnermut tunngasutigut
·Pitsaasunik attaveqartarnermi piginnaasaqarneq
·Tamakkiisuusumik isiginnittumik isummeriaaseqarneq
·Eqaatsumik suleriuseqarneq
Akissaatit atorfeqartitaanermilu atugassarititaasut:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfininnermut atatillugu piumasaqaataavoq, pinerluuteqarsimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.
Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqar-lunilu pigisat assartorneqassapput, malittarisassat qaqugukkulluunniit atuuttut naapertorlugit.
Paasissutissat:
Atorfik pillugu paasisaqarnerorusukkuit taava Ilaqutareeqarnermut ingerlatsivimmi Pisartagaqarnermut immikkoortortani Pisortaq Anja J. Wille attavigiuk, oqarasuaat: 70 18 00. E-mail: anjj@avannaata.gl
Kingusinnerpaamik qinnuteqarfissaq:
Qinnuteqartitsineq 16. februar 2026 killeqartinneqarpoq, taamaattoq qinnuteqartoqartillugu qinnuteqaammik ataavartumik nalilersuinerit ingerlanneqassapput.
Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il ilanngullugit nittartakkakkut nassiunneqassapput.
Qinnuteqarnissamut killissarititaasoq: februaarip 16.-at, 2026