Avannaata Kommunia, Ilulissat, aningaasaliissutinik pissarsiniartartussarsiorpoq
Avannaata Kommunia aningaasaliissutinik pissarsiniartartumik tunniusimasumik angusaqarniallaqqissumillu 1. maaji 2026 atorfinittussamik pissarsiorpoq.
Atorfik pillugu
Avannaata Kommuniani aningaasaliissutinik pissarsiniartartutut Allattoqarfimmi allattoqarfimmi pisortaq qaninnertut sulisitsisorissavat, aammalu Ilulissani kommunip allaffiani allaffeqassallutit.
Aningaasaliissutinik pissarsiniartartutut suliassat pingaarnerpaaq tassaassaaq Avannaata Kommuniata ataavartumik siuariartornissaa ineriartornissaalu ikorfartussallugu.
Avannaata Kommuniata takorluugaa periusissiaalu tunngavigalugit aningaasaliissuteqarusuttut amerlanerusut pissarsiariniarlugit aammalu aningaasaliissuteqartoqarnissaanut periarfissanik nutaanik pilersitsinissamut peqataassaatit, taamaalilluni aningaasaliissuteqartoqarnissaanut anguniakkagut ikorfartorneqarsinnaaniassammata.
Akisussaaffik
Aningaasaliissutinik pissarsiniartartutut Avannaata Kommuniata suliniutaanut, ilaatigut sanaartugassanut, illoqarfinnik ineriartortitsineq aammalu pioreersunik illuutinik nutarterineq pillugit suliniutaanut, kiisalu suliniutinut allanut anguniakkanullu aningaasaateqarfinnit tapiissutinik qinnuteqartassaatit.
Atorfik nutaatut pilersinneqarpoq, taamaattumillu aningaasaliissutinik pissarsiniartuuneq pillugu aallarnisaasartuullutillu siuttuussaatit. Suliamik ilusilersuineq, ineriartortitsineq aammalu ingerlatsineq peqataaffigissavat.
Tunuliaqutaq misilittagaqarnerlu
Ilinniagaqarnikkut qanoq tunuliaqutaqarnerit arlalinnik sammiveqarsinnaavoq.
Atorfik nutaatut pilersinneqarmat iluaqutaassaaq assingusumik atorfeqarsimanissat imaluunniit siusinnerusukkut aningaasaliissutinik pissarsiniartutut suliaqarnermik misilittagaqarnissat.
Aningaasaqarnikkut piginnaasaqarluartuunissat naatsorsuutigineqarpoq, suliniutinik aqutsinermut atatillugu suleriaatsinik aaqqissuussinissamut aammalu aningaasaqarnikkut tamakkiisumik isiginnissinnaanermut peqataasinnaassasutit.
Inuttut piginnaasat
- Namminersorlutit sulisinnaassasutit suliassanik arlalinnik ataatsikkut aqutsisinnaallutit.
- Inuttut ineriartortitsisinnaallutillu angusaqarusullutit aamma aaqqissuussillaqqissuullutit
- Suliassat eqqortumik naammassineqarnissaat pingaartitarisarpat aamma angusaqarnissamut suliniutillu naammassillugit ingerlanneqarnissaanut qulakkeerinnissinnaallutit
- Allattariarsornikkut oqaatsitigullu attaveqallaqqissuuvutit
- Suliassanik suliarinnittarnermut malittarisassani inatsisinillu ilisimasaqartuuvutit
- Suliamut akisussaassuseqallaqqissuullutillu piginnittuullaqqissuuvutit. Suliavit ingerlannerini aaqqissuussaanermik pilersitsisinnaassuseqarputit piffissaliuussanillu eqquutsitsisinnaassuseqarlutit
- Inuttut attaveqallaqqissuuvutit aammalu attaveqaatit paarilluarsinnaallugit, taamaalillutit angusaqarsinnaassuseqarlutit
- Nammineq nukissaqarluartuuvutit aammalu siumut ingerlatsinissamik piumassuseqarlutit
- Kommunit aqunneqarneranni aaqqissuussaanermik ilisimasaqarputit
- Inuiaqatigiinnik aammalu kulturiannik paasinnissinnaassuseqarputit
- Neqeroorutigaagut
- Akissarsianut atorfeqarnermilu atugassarititaasut
- Akissarsiat atorfeqarnermilu atugassartititaasut, Naalakkersuisut kattuffiullu isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
- Suliamut inuttullu ineriartornissamut periarfissaqarneq.
Atorfimmut atatillugu inissaqartitsisoqarsinnaassaaq malittarisassat atuuttut najoqqutaralugit. Atorfininnermut soraarnermullu atatillugu angalaneq pequtillu nassiunneqarnerat sulisitsisumit akilerneqassapput.
Pineqaatissinneqarsimannginnermut uppernarsaat
Atorfik una pineqaatissinneqarsimannginnermut inatsit malillugu ujartorneqarnissaanik piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq, kommunip naammaginartumik pineqaatissinneqarsimannginnermut uppernarsaatit tigoreernerisa kingorna. Taammattumik erseqqissaatigissavarput, atorfinitsitsineq aatsaat isumaqatigiiffiusinnaammat politiinit paasissutissat kommunimit tiguneqareerpata.
Atorfik pillugu paasissutissat sukumiinerusut allattoqarfimmi pisortamut Palu Eriksenimut saaffiginninnikkut pissarsiarineqarsinnaapput, oqarasuaat (+299) 387732, e-mail: paer@avannaata.gl
Qinnuteqarnissamut killissarititaasoq: marsip 19.-at, 2026