Eqqumiitsuliorneq, eqqumiitsuliornerup oqaluttuassartaa aamma eqqumiitsuliornermik paasissutissiinermik soqutiginnilluinnartuuit?
Ilulissani Eqqumiitsulianik Katersugaasivimmi sulisussamik tunniusimasumik Avannaata Kommuniani 1. maj 2025 imaluunniit isumaqatigiissutit malillugit atorfinissinnaasumik pissarsiorpugut.
Eqqumiitsulianik Katersugaasivik eqqumiitsulianik katersugaasiviit Kalaallit Nunaanniittut marluusut aapparaat, tassaavorlu illu eqqumiitsulianik saqqummersitsiviusoq, eqqumiitsuliortumut piffissami isumaqatigiissutit malillugit sivisussussilikkami inigisinnaasaanik inaatilik aamma inuusuttunut ilaqutaariinnullu ”sammisaqaqatigiiffissamik” piffissap qanittup iluani ammaasussaq. Sulilerninni suleqatitillu Ilulissani katersugaasiviit marluk ulluinnarni ingerlanneqarnerannut peqataassaatit. Piffissami tamakkiisumi (sap.ak. 40 tiimit) sulisinnaassaatit, suliallu allanngorartut piffissarlu suliffiusoq nikerarsinnaasoq naatsorsuutigissavat.
Suliat akisussaaffiillu ilaatigut tassaassapput:
- Saqqummersitsinernik aaqqissuussineq (inissitsiterineq ilanngullugu) taakkulu suunerinik ”ilisarititsineq” aaaqqissuussinerillu allat
- Inuusuttunut ilaqutariinnnullu sammisaqaqatigiissitsinnissanut aqutsineq
- Eqqumiitsuliortumut inimik atuisussanik nalunaarsuineq
- Katersugaasiviup soqutigisaqarfiini suleqatigiissitanut attaveqaataaneq
- Katersugaasiviup niuertarfiani tuniniaanerit aamma nioqqutissanik inniminniinerit
- Katersugaatit nalunaarsornerat
- Aningaasaqarnermik paasisimasaqarnissaq, ullormut naatsorsuusiornerit ilanngullugit
- Katersugaasiviup torersuunissaanik/eqqiluitsuunissaanik isumaginninneq
Sulilersoq katersugaasiviup pisortaanik qanimut suleqateqassaaq.
Uku piginnaasaqaarfigissavatit:
Katersugaasivimmi sulinermut assingusumik misilittagaqassaatit
Suliassat arlallit ataatsikkut isumagisinnaassavatit
Suliap aaqqissuulluagaanissaanut ataqatigiissaarnissaanullu soqutiginnittuussaatit
Ammasuussaatit, ullormut nal.ak. suliffiusut nikerarsinnaanerat ammaffigissavat, tunniusimassaatit eqqumiitsuliallu paasissutissiissutiginissaannut soqutiginnilluartuussaatit.
Allanik suleqateqallaqqittuussaatit
Kalaallisut, danskisut (imaluunniit norskisut svenskisullu) aamma tuluttut oqalussinnaallutillu allassinnaassaatit.
Atorfik pillugu paasisaqarnerorusukkuit katersugaasivimmi pisortaq Andreas Hoffmann uunga saaffiginnillutit attavigisinnaavat: tlf. +299 38 77 74 imaluunniit email: anho@avannaata.gl
Qinnuteqarneq:
Qinnuteqaat, ilinniarsimanermut uppernarsaatit aamma suliffigisimasat oqaaseqaataat kingusinnerpaamik 16. april 2025 nassiunneqareersimassapput, allagarsiussap sanianiittoq 'Atorfik una qinnuteqarfigiuk' toorneratigut.
Qinnuteqarnissamut killissarititaasoq: apriilip 16.-at, 2025