Avannaata Kommunia Teknikkimut Ingerlatsiviup ataani, Ingerlatsinermut Avatangiisinullu suliassaqarfimmi Fagchefimik pimoorussisumik akisussaassuseqartumillu, Ilulissani allaffeqartussamik, pissarsiorpoq. Atorfimmi ukkatarineqartussaavoq ingerlatsinermi avatangiisinullu suliassaqarfimmi suliassat siumut isigaluni isumaliutiginnilluarlunilu ingerlanneqarnissaasa qulakkeersimaneqarnissaat, inatsisit atuuttut politikkikkullu aalajangikkat naapertorlugit.
Atorfik aningaasaqarnermut missingersuutinullu akisussaaffeqarnissamik imaqarpoq, tassunga ilanngullugit ingerlatsinermut avatangiisinullu suliassaqarfimmut atatillugu missingersuusiornissaq, kiisalu ingerlaavartumik missingersuutit killiffiinik malitseqartitsisarneq missingersuutillu pillugit nalunaarusiortarnissaq.
Akisussaaffiit
Ingerlatsinermut Avatangiisinullu Fagchefip akisussaaffigaa, missingersuutit akuerisat naapertorlugit suliassat ingerlanneqarnissaat, kiisalu ingerlatsinermut avatangiisinullu immikkoortortaqarfimmi ulluinnarni ingerlatsinermi suliassat ingerlanneqarnissaat, taamaalilluni suliassaqarfiup iluani sulineq torersumik pisinnaaqqullugu.
Ingerlatsinermut Avatangiisinullu Fagchefip qulakkiigassaraa immikkoortortaqarfimmi sulisut tamarmik ulluinnarni suliassaminnik suliarinninnissaminni eqqortunik sakkussaqarnissaat.
Ingerlatsinermut Avatangiisinullu Fagchefip akisussaaffigai, akuttunngitsumik immikkoortortami ataatsimiittoqartarnissaa malitseqartitsisoqartarnissaalu, kiisalu suliassaqarfiup ataani sulisunut tamanut atatillugu akisussaaffiit pillugit pilersaarusiussalluni, atorfiit imarisaannik allaaserisanik suliaqassalluni suleriaatsillu allaaserissallugit.
- Ingerlatsinermi suliassat mikinerit anginerillu pillugit neqerooruteqartitsisarnissamut akisussaaffik, pisortat ingerlataannut neqeroorusiortitsinissami pisariaqartunik suliaqarneq, assersuutigalugu ulluunerani eqqaavilerineq atsiaanerlu pillugit suliariumannittussarsiuussineq.
- Suliassanik tamakkuninnga entreprenørit isumaginnittut attavigineqartarnerat pillugu akisussaaffik aningaasaliissutillu sinaakkutaat aalajangerneqarsimasut malinneqarnissaat.
- Ingerlatsiviup iluani avataanilu illuatungeriinnut tamanut suleqatigiinnerup naammaginartumik ingerlanissaanut akisussaaffik.
- Aqutsisoqatigiinni politikkikkullu ataatsimiititaliami aalangikkat ulluinnarni aaqqissuussaanermi suleriaaseqarnermilu ilanngunneqartarnissaannut akisussaaffik.
- Atorfiup ataani sulisorisat sulinerminni suliffigissaarnissaat, suliassanullu sulisoqarnermullu atatillugu ajornartorsiutaasinnaasut ingerlaavartumik aaqqiivigineqartarnissaannut akisussaaffik.
- Ingerlatsinermut Avatangiisinullu Fagchefip qulakkeertussaavaa, Ingerlatsiviup iluani pilersaarusiornerup paasissutissallu, immikkoortortaqarfiit akimortumik suleqatigiinneranneersut, sulisorisanut kommunimilu ingerlatsinermi akisussaasunut anngunneqartarnissaat.
Eqqagassalerisunut ingerlatsinermilu sulisorisanut allanut annertuumik attaveqassaatit, tamakkulu ingerlatsinerup iluani aaqqiissuteqarnissamut perarfissat pillugit isummersorneqarnissamut akuttunngitsumik pisariaqartitsisarput.
Piginnaasat
- Teknikeritut, konstruktøritut, ingeniøritut taamaaqataatulluunniit ilinniagaqarputit – aammali tamakkununnga taarsiullugu ilinniakkamik tulluartumik misilittagaqarnermillu tunuliaqutaqarsinnaallutit.
- Suliffeqarfimmi politikkikkut aqunneqartumi sulinissamut kajungerisaqassaatit.
- Pilersaarutinik aningaasaqarnermillu aqutsinermik misilittagaqarputit.
- Suliffeqarfimmi annertuumik piumasaqaateqarfiusumi, taamaattorli persuarsiornanngitsumik pitsaasumillu sullivimmi avatangiisilimmi, suliatigullu ineriartorfissaqarfiulluartumi suleqataasinnaassuseqassaatit.
- Issittumi pissutsinik ilisimasaqarputit.
- Sulisunut aqutsisutut piginnaaneqarputit, ulapaarfiullu nalaani tamaat ataatsimut isigisinnaallugu.
- Attaveqaqateqarnissamik piginnaasaqarluarputit suliassaqarfiillu akimorlugit suleqateqarsinnaallutit.
- Qiimasuuvutit anguniagaqallaqqissuullutillu.
- Qarasaasianik atuinissamut ilisimasaqarluassaatit, minnerpaamik MS Officepakke tamakkerlugu, winformatik aamma ERP-systemit ilisimasaqarfigissallugit.
- Kalaallisut qallunaatullu allassinnaallutillu oqaaseqartuussaatit.
Pingaaruteqarpoq suliffeqarfik akimorlugu suleqateqarnissamut piumassuseqassasutit, minnerunngitsumillu assigiinngitsunik kultureqarfiusumi sullivimmi avatangiisilimmi suleqateqarnissamut piumassuseqassasutit, tamaani suliassanut inuttullu pisinnaasat pingaartinneqartut avatangiiseralugit.
Neqeroorutigaagut:
- Atorfik namminersorfiusoq akisussaaffilillu soqutiginartoq allanngorartorlu.
- Sullivimmi suleqatigiinnermi silaannaq pitsaasoq pikkorissunik pimoorussisunillu sulisulik.
- Suliassanut inuttullu ineriartornissamut periarfissat pitsaasut.
- Suliassaq unammillernartortalik pissanganartorlu angalanernik ilalik.
Akissarsiat atorfeqarnermilu atugassarititaasut
Akissarsianut atorfeqarnermullu tunngasut isumaqatigiissutit tulluartut atuuttut naapertorlugit atuutissapput.
Atorfimmut atatillugu inissaqartitsisoqanngilaq.
Atorfik inuttalerusunneqarpoq 1. februar 2026 imaluunniit isumaqatigiissuteqarnikkut.
Ilulissat
Atorfik Ilulissani inissisimavoq. Ilulissat 5.000 miss. inoqarnermigut Nunatta avannaani allaffissornikkut, kulturikkut, inuussutissarsiornikkut ilinniarfeqarnikkullu qitiusumik inissisimavoq.
Illoqarfik sukkasuumik ineriartorpoq, taamaattumillu kommunip ingerlatsinera pisortat sullissinerannut najukkami avataaniillu qaqugukkulluunniit naatsorsuutiginninnermut naapertuuttuunissaanik piumasaqarfiuvoq. Illoqarfiup pinngortitami kusanartumi inissisimanera pinialunnissamut, aalisarnissamut imaanilu angalaarnissamut aamma immikkuullarissumik periarfissiivoq.
Atorfik pillugu paasissutissat erseqqinnerusut pissarsiariniarneqarsinnaapput uunga saaffiginninnikkut: Teknikkeqarnermut pisortaq, Hans Inûsugtok’ oqarasuaat: +299 38 77 15 imaluunniit e-mail: hain@avannaata.gl
Qinnuteqarneq
Qinnuteqaat, ilanngullugit CV, pinerluuteqarsimannginnermut uppernarsaat aamma ilinniarsimanermut uppernarsaatit, kiisalu sulisitsisorisimasanit oqaaseqaatit ilanngullugit nassiunneqassaaq, Avannaata Kommuniata nittartagaani ”atorfik una qinnutigiuk” toorlugu.
QINNUTEQARFISSAQ ULLOQ KINGULLEQ: 19. december 2025.
Qinnuteqarnissamut killissarititaasoq: decembarip 19.-at, 2025