Avannaata Kommunia pædagogissarsiorpoq forskolelæreritut atorfinittussamik, Atuarfik Mathias Storch Ilulissani inissisimasussanik 15.september 2026 imaluunniit isumaqatigiissuteqarnikkut sulilertussanik.
Atuarfik Mathias Storch tassaavoq illoqarfimmi atuarfiit aappaat 390-t missaanni atuartuutilik aamma 56-inik sulisulik. Atuarfik Mathias Storch nutaaliaavoq isikkivigissumi inissisimasoq nutaaliaasunillu atortorissaarutilik. Atuarfik Mathias Storch ineriartortuuvoq, oqariartaaseralugu “Tamanut atuarfik”.
Atorfinittup qaninnertut qullersarissavaa atuarfik Mathias Storch-ip pisortaa.
Suliassat akisussaaffiillu pingaarnerit:
• “Nukaaka center”-imi atuarfiit AMS-ip aamma AJB-ip immikkut atuartitsinermut immikkoortortaqarfiani atuartitsineq ingerlatissavaa.
Naatsorsuutigaarput tassaasutit:
• Perorsaasutut ilinniarsimasoq, atuartitsinermillu misilittagalik
• Akisussaassuseqarluartoq, eqeersimaartoq pimoorussisorlu.
• Suleqatikkuminartoq, kiinnerluarsinnaasoq aalajaatsorlu
• Timikkut eqqarsartaatsikkullu peqqissoq
• Ataavartumik sulisinnaasoq
• Takorluuilluarsinnaasoq, ineriartornermut tunngatillugu nutaaliortoq
• Akuersaartoq, namminerlu aallartitsisinnaasoq
• Periarfissanik ingerlatsitsisinnaasoq, aporfiit uniffiginagit
• Atuarfimmi avatangiisini allanngorartuni ineriartortunilu suleqataanissamut piumassuseqartoq
• Atuartitseriaatsinut nutaanut ammasoq
• iPadimik atuilluarsinnaasoq misilittagaqarluartorlu
Akissarsiaqartitsineq atorfinitsitsinerlu:
Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, akornanni isumaqatigiissut naapertorlugu atorfinititsisoqassaaq. Qinnuteqartut, tjenestemandit atorfianneersut, atorfinititseriaaseq taanna pigiinnassallugu pisinnaatitaaffeqassapput.
Atorfik inissaqartitsinngilaq.
Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput. Tjenestemanditut pisinnaatitaaffik ingerlatiinnarneqarsinnaalluni.
Pineqaatissinneqarsimannginnermut aamma meeqqanik pinerliisimannginnermut uppernarsaat naammaginartut tunngavigalugit atorfinititsisoqassaaq, taakkualu naalagaaffiit politiivinut sulisitsisup qinnuteqartoq, atorfinitsinneqarnissaminut inassutigineqareersoq, akuersiteriarlugu aassavai.
Paasissutissat annertunerusut:Atorfik pillugu paasissutissanik amerlanerusunik pissarserusukkaanni atuarfimmi pisortaq Julius Jeremiassen ugguuna attavigineqarsinnaavoq: jujl@avannaata.gl oqarasuaat (+299) 38 55 41.
Qinnuteqarneq:
Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit nassiunneqassapput Avannaata kommuniata nittartagaa iserfigeriarlugu “Atorfik una qinnuteqarfigiuk” toorneratigut uani: www.avannaata.gl ledige-stillinger
Qinnuteqarnissamut killissarititaasoq: septembarip 11.-at, 2026