Avannaata Kommia Ilulissani Qatserisartoqarfia sullisserusussusilimmik suleqatikkuminartumillu atortorissaarutinut nakkutilliisussamik pissarsiorpoq 15 Juni 2026 isumaqatigiissuteqarnikkulluuniit atorfinittussamik.
Ulluinnarni suliassat: qatserisartoqarfiup eqqiluittuunissaa, suliassat sukkulluunniit takkussuuttut, qatserisarfiup atortuinik misissuineq, atisarsuarnik errorsinerit sungiusareernerup aammalu ikuallattulerereernerup kingorna, qatserutinik misissuinerit kommune illuutai Ilulissat aammalu nunaqarfii tamakkerlungit, beredskabsinspektør suleqatingalungu Ilulissat nunaqarfiisa qatserutaasiviinik misissuineq.
Pinginnaasat; qatserisartutut ilinniarsimasoq arlaatingulluunniit ilinniarsimasoq, biilernemut allangartaq kategori C (lastbil), oqaatsinik assingiinngittunik marlunnik atuisinnaaneq kalaallisut qallunaatullu.
Atorfinitsitsineq pissaaq pinerluuteqarsimannginnermut uppernarsaammik takutitsinermi.
Akissarsiaqartitsineq atorfinitsitsinerlu pissaaq Naalakkersuisut, Finansministeriap aamma SIK-p akornani akunnermusiallit suliamik ilinniagallit ilinniangaqanngitsullu pillugit isumaqatigiissut atuuttoq malillugu.
Atorfimmut atatillugu inissaqartitsisoqanngilaq.
Atorfimmut annertunerusumik paasisaqarusukkuit Qatserisartoqarfik attavingiuk oqarasuaat 38 77 52 imaluunniit mail. Ilu_brand@avannaata.gl
Qinnuteqaat ilinniarsimanermut siornatigullu suliffigisimasat pillugit paasissutissanik ilallit, soraarummeersimanermut allagartat assigi il.il kakkiullugit Avannaata Kommunita nittartagaanut ”uunga atorfimmut qinnuteqarit” toorlugu
Qinnuteqarnissamut killissarititaasoq: maajip 19.-at, 2026