Avannaata kommuunia Qaanaaq utoqqaat illuat igaffimmi aqutsisussarsiorpoq 01. December 2025 atorfinittussamik piaartumik isumaqatigiissuteqarnikkulluunniit atornittussamik.
Igaffimmi aqutsisup Qaanaami utoqqaat illuanni pisortaq qaninnertut pisortarissavaa.
Suliassat aamma akisussaaffiit:
·Utoqqaat illuanni pisortaq suleqatigalugu igaffimmik ingerlatsineq.
·Atortunik aserfallatsaaliineq.
·Nerisassanik inniminniineq.
·Missingersuutinik nakkutiginninneq.
·Aalajaatsumik akissussaassuseqartumillu sulineq.
·Nerisassat pilersaarutaat, sulisut tiimiisa pilersaarutaat aamma sulinngiffeqartussat pilersaarutaat.
·Igaffimmi ilinniartut.
·Sulinngitsut paarlatsissaannik ujartuineq.
·Igaffimmi suliassat agguataarneri kiisalu eqqiaasut
Immikkut ittumik piumasaqaatit:
·Igasutut assigisaattulluunniit ilinniarsimaneq.
·nerisassat missingersuusiorfigineqartarnerinik misilittagaqarneq ingerlatsinerlu.
·Akisussaaffimmik ilisimasaqarneq.
·Eqinnaatsoq aamma sulerusussuseqartoq.
·Suliassanik tamanik takunnissinnaasoq, eqaatsumik suleriaasilik.
·Suleqatikkuminartoq inussiarnersoq aalajaatsorlu.
·Timikkut tarnikkullu peqqissoq.
·Nerisassat peqqinnartut pillugit takorluugalik aamma nutaaliorsinnaasoq.
Akissarsiat atorfinitsitaanermilu atugassarititaasut:
Akissarsiat atorfinitsitaanermilu atugassarititaasut Naalakkersuisut kiisalu suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaaq.
Atorfik inissaqartitsinngilaq.
Atorfininneq pillarneqarsimannginnermut uppernarsaasinnaanermik takutitaqarneq tunngavigalugu pissaaq, taanna qinnuteqartup atsioreerneratigut sulisitsisumiit Rigspolitiinut pissarsiarineqassaaq
Attaveqarfissat:
Atorfik pillugu paasisutissat amerlanerit utoqqaat illuanni pisortamut Ane P. Qujaukitsoq -imut oqarasuaat 253604-mut imaluunniit una atorlugu: anpk@avannaata.gl saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatit ilanngullugit kiisalu sulisimanermut oqaaseqaatit pinerliisimannginnermullu uppernarsaatit kingusinnerpaamik tunniunneqassapput 26. November 2025 Avannaata Kommuuniata nittartagaani allarsiussap eqqaaniittoq toorneratigut.
Qinnuteqarnissamut killissarititaasoq: novembarip 26.-at, 2025