Atuartitsinerup nukittorsarneqarnissaanut aammalu kommunip meeqqat atuarfiinut anguniagaasa atuarfinni ulluinnarni atorluarneqarsinnaasumik piviusunngortinneqarnissaannut peqataarusuppit?
Avannaata Kommunia atuarfinni pisortat ilinniartitsisullu perorsaanikkut ineriartortitsinermik, pitsaassutsimik aammalu piviusunngortitsinermik suliaqarneranni tapersersuisinnaasumik ilinniartitaanermut siunnersortissarsiorpoq. Atuarfinnut pulaarnikkut digitalikkullu oqaloqatiginnilluni ilitsersuisarnikkut atuarfinni ulluinnarni sulinermut qanimut atassuteqassaatit. Atuarfeqarnerup suliamut tunngatillugu suleqatigiissitaanut peqataassaatit, politikkikkullu aalajangiinerit, ingerlatsiviup suliai atuarfinnilu ulluinnarni sulineq imminnut ataqatigiissinneqarnissaannut pingaarutilimmik inissisimassallutit.
Atorfik pillugu
Atuarfeqarneq ukiuni makkunani politikkikkut anguniagarpassuaqarpoq ineriartortitsinermullu suliassarpassuaqarluni. Ilinniartitaanermut siunnersortitut anguniakkanik tamakkuninnga suliniutinut piviusorsiortunut, suleriaatsinut ersarissunut aammalu atortunut atorneqarsinnaasunut piviusunngortitseqataassaatit. Suliniutit naammassineqarnissaat suliamut pisortaq, atuarfeqarnermut siunnersorti, atuarfinni pisortat atuarfinnilu sulisut qanimut suleqatigalugit malinnaavigissavatit. Suleqatigiinneq ingerlatsivimmit, digitalikkut aammalu pisariaqartitsineq naapertorlugu atuarfinnut pulaarnikkut ingerlanneqassaaq.
Atorfimmi ilinniarneq perorsaanikkullu ineriartortitsineq qitiutinneqassapput. Digitalikkut aaqqiissutit siunertaqartumik atorneqassapput, perorsaanikkullu iluaqutissartaat ersarissoq tunngavigineqassalluni. Ilaatigut ungasianit atuartitsineq tapersersussavat aammalu atuarfiit iPadinik digitalikkullu atortunik allanik atuinerannik malinnaanermut nalilersuinermullu peqataassallutit.
Kikkuuvugut
Piorsarsimassutsimut, Atuarfeqarnermut Meeqqeriveqarnermullu Ingerlatsiviup atuarfeqarnermi suliamut tunngatillugu suleqatigiissitaanut peqataassaatit. Meeqqat sullippagut immitsinnullu suleqatigiilluta, suliamillu ilisimasaqarluarnissaq, akisussaassuseqartumik sulinissaq suliassaqarfiillu assigiinngitsut akornanni suleqatigiilluarnissaq pingaartippagut. Peqatigisaanik ingerlatsivimmi sulisut tamarmiusut politikerinik, atuarfinnik, meeqqerivinnik, MISI Avannaanik kommunimilu innuttaasunik sullissisunut ilaassaatit.
Suliassatit pingaarnerpaat
• Atuarfeqarnermi politikkikkut aalajangiinerit suliamullu tunngatillugu suliniutit piviusunngortinneqarnissaannik tapersersuineq.
• Atuartitsineq, ilinniarneq perorsaanikkullu ineriartortitsineq pillugit atuarfinni pisortanik ilinniartitsisunillu digitalikkut atuarfinnullu pulaarnikkut siunnersuineq ilitsersuinerlu.
• Kommunip illoqarfiini nunaqarfiinilu atuarfinnut alakkaasarneq aammalu suliniutinik isumaqatigiissutigineqarsimasunik malinnaaviginninneq.
• Piginnaasanik ineriartortitsinernik, workshopinik aammalu sulinermut qanimut attuumassuteqartunik ingerlatsinernik pilersaarusiorneq ingerlatsinerlu.
• Atuarfiit ingerlaavartumik nalilersuisarnermik, uppernarsaasiornermik paasissutissallu attuumassuteqartut atorlugit suliaqarnerannik nukittorsaaneq.
• Ungasianit atuartitsinerup ineriartortinneqarneranut ataqatigiissaarneqarneranullu peqataaneq.
• Digitalikkut atortunik, iPadit ilanngullugit, siunertaqartumik atuinissamut ilitsersuineq, atuartitsinermut ersarissumik iluaqutaasinnaagaangata – pingaartumik ungasianit atuartitsinermut atatillugu.
• Saqqummiussassanik, ilitsersuutinik suliamullu tunngatillugu atortussanik allanik suliaqarneq kiisalu suliassanik suliarinninnermut malinnaaviginninnermullu peqataaneq.
• Atuarfiit, suliassaqarfiit aammalu avataanit suleqatigisat attuumassuteqartut akimorlugit suleqatigiinneq.
Illit pillutit naatsorsuutigut
• Ilinniartitsisutut ilinniarsimasuuvutit imaluunniit perorsaanermut tunngasumik attuumassuteqartumik allamik ilinniagaqarsimallutit, aammalu meeqqat atuarfiannit misilittagaqarnissat kissaatiginarluni.
• Atuarfiit ulluinnarni sulinerat aammalu piffissaq ungasinnerusoq eqqarsaatigalugu suliamut tunngatillugu ineriartortitsineq eqqumaffigisinnaavatit.
• Anguniakkat, ilisimasat paasissutissallu iliuutsinut aalajangersimasunut atorneqarsinnaasunullu piviusunngortissinnaavatit.
• Ersarissumik ingerlatitseqqiisinnaavutit aammalu aqutsisut sulisullu peqataatilersinnaallugit.
• Aaqqissuussaasumik nammineerlutillu sulisinnaavutit, isumaqatigiissutillu suliassallu naammassinissaasa tungaanut malinnaavigisinnaallugit.
• Suleqatigiinnermut piginnaaneqarluarputit atuarfinnullu assigiinngitsunut amerlasuunut suleqatigiiaanullu attaveqarluarsinnaallutit.
• Suliassat pisariaqartippassuk kommunimi angalasarnissannut piareersimavutit.
Diplom-, master- imaluunniit kandidatimik ilinniagaq attuumassuteqartoq iluaqutaassaaq, piumasaqaataanngilarli. Kalaallit Nunaanni atuarfeqarnerup pissusaanik ilisimasaqarneq kiisalu kalaallisut qallunaatullu oqaaseqarneq aamma iluaqutaassapput.
Neqeroorutigut
• Suliamut tunngatillugu qitiusumik pingaarutilimmik inissisimaneq, kommunip atuarfiisa ineriartortinneqarnerannut sunniuteqarnissamut periarfissalik.
• Suliassat assigiinngiiaartut Avannaata Kommunianilu atuarfiit qanimut suleqatigineqarnerat.
• Suleqatit akornanni suliamut tunngatillugu isummersoqatigiinnissamut nammineerlunilu akisussaaffeqarluni sulinissamut periarfissaqarluarneq.
Akissarsiat atorfinitsinneqarnermilu atugassarititaasut
Akissarsiat atorfinitsitaanermilu atugassarititaasut Kalaallit Nunaanni Namminersorlutik Oqartussat IMAK-illu imaluunniit kattuffiup allap attuumassuteqartup isumaqatiginninniarsinnaatitaasup akornanni isumaqatigiissut atuuttoq naapertorlugu aalajangersarneqassapput.
Ineqarneq
Atorfimmut sulisunut inissiamik innersuussisoqanngilaq. Pisortat suliffeqarfianni atorfeqarninnut atatillugu sulisunut ineqartitaareersimaguit, malittarisassat atuuttut naapertorlugit inissiamut tunngasut atorfimmut nutaamut ingerlateqqinneqarsinnaanissaannut periarfissaqarsinnaavoq.
Pineqaatissinneqarsimannginnermut meeqqanillu pinerliisimannginnermut uppernarsaatit
Atorfik pineqaatissinneqarsimannginnermut meeqqanillu pinerliisimannginnermut uppernarsaatinik pissarsiniartarnermut malittarisassanut ilaavoq. Kommunip uppernarsaatit naammaginartut tigoreerpagit aatsaat atorfininneq atuutilersinneqarsinnaavoq. Meeqqanik pinerliisimannginnermut uppernarsaat qinnuteqartup akuersineratigut kommunimit pissarsiarineqassaaq, pineqaatissinneqarsimannginnermullu uppernarsaat qinnuteqartup nammineq politiinit pissarsiarissallugu.
Sulilernissaq 1. novembari 2026-imi imaluunniit immikkut isumaqatigiissuteqarnikkut pissasoq kissaatigineqarpoq.
Paasissutissat amerlanerusut
Atorfik pillugu apeqqutissaqaruit atuarfeqarnermi suliamut pisortagallartoq Søren Greve oqarasuaatikkut +299 387796-imut imaluunniit e-mailikkut sogr@avannaata.gl-imut saaffigisinnaavat, imaluunniit Piorsarsimassutsimut, Atuarfeqarnermut Meeqqeriveqarnermullu Ingerlatsiviup pisortaa Anja Reimer oqarasuaatikkut +299 387741-mut imaluunniit e-mailikkut anja@avannaata.gl-imut saaffigisinnaavat.
Qinnuteqaat
Qinnuteqaat soraarummeersimanermut uppernarsaatit attuumassuteqartut assilinerinik, CV-mik kiisalu oqaaseqaatinik innersuussutinillu ilaqartinneqartoq Avannaata Kommuniata nittartagaatigut nassiunneqassaaq: Avannaata.gl/ledige-stilllinger
Qinnuteqarnissamut killissarititaasoq: septembarip 25.-at, 2026